10 teza të filozofit konservator Roxher Skruton që vlejnë të lexohen dhe mbahen parasysh:
- Konservatorizmi merr jetë prej ndjenjës se gjërat e mira shkatërrohen kollaj, ndërsa duhet shumë punë me i mbrujt.
- Liria nuk është njëjtë si barazia. Ata që e quajnë veten liberalë sot janë më të interesuar për barazinë se me çliru të tjerët nga vargonjtë.
- Autori që thotë se e vërteta nuk ekziston apo se është relative po ju kërkon mos ta besoni. Ndaj, mos e besoni! Relativizimi shkatërron veten dhe tretet në enën e tij, duke lënë pas veç një erë të keqe dhe shpërfytyrim.
- Nuk lindim të lirë dhe as vijmë në këtë botë me autonomi të mirëpërcaktuar. I ndërtojmë këto duke bashkëpunuar dhe nëpër beteja të panumërta shoqërore. Liria vjen pasi kemi kryer detyrën ndaj prindërve, familjarëve, institucioneve dhe rretheve shoqërore – detyra të cilat nuk i zgjodhëm vetë.
- Fiset mbijetojnë dhe gjallojnë sepse krijojnë Zota, që shkrijnë vullnetet e veçanta në një të vetëm dhe ndërtojnë imazhin e kërkesës dhe shpërblimit prej nga varet jeta shoqërore.
- Arsyeja kryesore pse jemi konservatorë ka të bëjë me dashurinë, sepse gjërat që i duam i mbrojmë dhe lidhemi me to, duke u kujdesur që mos të prishen dhe zbehen. Lidhemi me familjen, miqtë, fenë dhe ambjentin që ato na krijojnë.
- Kur flasim për traditën, nuk po trajtojmë rregulla dhe sjellje pa taban. Kemi shtruar për diskutim përgjigjet që u janë dhënë pyetjeve të vështira që janë bërë prej shekujsh.
- Arti na prek në shpirt se është i bukur. Është bukuria që na jep atë ndjesi. Diçka mund të ketë kuptim edhe pa qenë e bukur, por për me qenë e bukur duhet patjetër me pas kuptim.
- Nëse liria nënkupton çlirimin e potencialeve individuale, si do ja bëjmë që të mos fitojnë kurdoherë më ambiciozët, energjikët, inteligjentët dhe simpatikët?
- Të rëndësishëm në një ekonomi të lirë nuk janë menaxherët por sipërmarrësit – ata që marrin rreziqe mbi supe për me realizu idenë e tyre.
- Përgatiti: Sebastian Zonja
