Kryetari i PD, Lulzim Basha ka zhvilluar një takim me ambasadorin e Holandës, Reinout Vos. Përmes një postimi në Twitter shkruan se, ndau me ambasadorin holandez shqetësimin për shkeljen e çdo standardi në zgjedhje dhe gjithashtu diskutoi për sfidat e Shqipërisë në procesin e integrimit.
“Mirëprita ambasadorin hollandez Reinout Vos. Diskutuam mbi sfidat e Shqipërisë në procesin e integrimit. Ndava shqetësimin për shkeljen e çdo standardi për zgjedhjet në Shqipëri siç dëshmon dhe raporti i ODHIR, për korrupsionin, lidhjet e politikës me krimin dhe trafiqet.
Të angazhuar për të bashkëpunuar për realizimin e standardeve që përmirësojnë jetët e shqiptarëve”, shkruan Basha.
