Një aksident me pasojë vdekjen ka ndodhur mbrëmjen e djeshme në aksin Fier-Seman, ku një 57-vjeçar humbi jetën. Nga të dhënat paraprake, mësohet se ngjarja ndodhi rreth orës 18:10 në fshatin Fermë Çlirim. Bëhet e ditur se 32-vjeçari Saimir Llakaj, teksa drejtonte makinën “Volkswagen”, me targë AA 342 KV, ka aksidentuar Sh.K, 57 vjeç, banues në fshatin Fermë Çlirim. Të njëjtat burime theksojnë se viktima ishte duke kaluar rrugën gjatë kohës kur u përplas fatalisht nga mjeti. Ndonëse ai u dërgua menjëherë në spital, 57-vjeçari nuk mundi t’i mbijetonte plagëve të marra. Ndërkohë, drejtuesi i mjetit është shoqëruar në polici.
