Juventusi po bën përgatitjet e fundit para sfidës së shtëpisë me Udinesen e Del Nerit. Për trajnerin Massimiliano Alegri ekzistojnë disa dyshime për sa i përket formacionit, që lidhen me problemet fizike të disa futbollistëve.
“Nuk janë të gatshëm për Udinesen Pjaca, Asamoah dhe Rugani. Benatia është gati të luajë në mbrojtje, por në qendër mund të aktivizohet edhe Evra. Bonucci do të bëjë pushim, ndërsa me aktivizimin e Marchisios duhet të jemi shumë të kujdesshëm. Nuk më pëlqen të rrezikoj me një kthim të parakohshëm në fushë. Në fazën sulmuese jemi të plotë dhe më duhet të zgjedh një mes Higuainit dhe Dybalas”, u shpreh Alegri.
Për trajneri bardhezi, ky është një tjetër rast i mirë për t’u shkëputur edhe më shumë me Napolin ose Romën, që do të kenë një përplasje direkte në “San Paolo”, ndërsa i quan të pavend kritikat ndaj Buffon, që gaboi rëndë në ndeshjen eliminatore të Italisë ndaj Spanjës.
“Kritikat ndaj Buffon janë blasfemi. Bëri një gabim me lojën me këmbë, ndërkohë që zakonisht luan me duar. Nuk mund të vihet në diskutim një portier që për 20 vite ka qenë në majë. Napoli – Roma? Nuk e di nëse do ta shoh, por është e qartë për gjithkënd që të paktën ndaj njerës prej këtyre dy skuadrave mund të fitojmë më shumë terren në klasifikimin e përgjithshëm”, përfundoi Alegri.
