Sekretari i Përgjithshëm i PD, Enkelejd Alibeaj, mori pjesë në Kuvendet Zgjedhore të degëve Përmet dhe Këlcyrë.
Në një postim në rrjetin e tij facebook, Alibeaj shkruan:
Këlcyra dhe Përmeti kurorëzuan sot procesin e riorganizimit me zgjedhjen e kryetarit të Degëve respektive dhe anëtarëve të kryesisë. Kapërcyen me dinjitet një periudhe të vështirë, qëndruan fisnikë para sulmeve e përbaltjeve të padrejta, u ndodhën para zgjedhjeve politike jo të lehta në planin njerëzor por vendosën të parin interesin e PD, demokratëve dhe Shqipërisë. Demokratët e Përmetit dhe Këlcyrës dëshmuan se qëndrimi stoik ndaj vlerave themelore të PD, orientimi perëndimor, pastrimi e distancimi ndaj së shkuarës problematike dhe mbështetjes së atyre që i duan të mirën Shqipërisë, është e mbetet zgjidhja e vetme për shqiptarët. Mirënjohje për të gjithë qendrestarët e Përmetit dhe Këlcyrës. Respekt për kandidatët Sofokli Qirollari dhe Bujar Fezga. Suksese për kryetarët e Degëve Elton Hysenshahaj dhe Luan Malko për përgjegjësinë e madhe që rimarrin si drejtues dege!
