I ftuar në “Shqip” nga Dritan Hila në “Dritare TV”, gazetari dhe analisti Ben Andoni ka komentuar edhe zhvillimet e fundit të deputetëve të grupimit të Sali Berishës.
Andoni tha se prishja e Parlamentit nuk është trimëri.
“Unë nuk quaj trimëri që po prishin Parlamentin.” – u shpreh ai.
I pyetur për Lulzim Bashën, gazetari i njohur tha se vendimi i tij për largimin e Sali Berishës nga Grupi Parlamentar i PD-së, është akti më i madh i opozitës shqiptare në vitet e fundit.
“Veprimi i Bashës, – tha Andoni, – ishte një akt i jashtëzakonshëm.”
“Me ç’duket dhe me çfarë po bëhet, Basha paska bërë aktin më të madh në opozitën shqiptare në vitet e fundit që hoqi Sali Berishën nga Grupi Parlamentar. Ky paska qenë akt i jashtëzakonshëm.”
