Ish-Kryeministri Berisha ka publikuar në rrjetin sociali Facebook dy foto, ku tregohen arat e kanabisit të mbrojtura nga ministri i Brendshëm, Saimir Tahiri dhe Rama. “Në arat e Edvin Shullazit dhe Saje qorrit në Fier”, shkruan Berisha në postimin e tij bashkëngjitur fotografive.
Ish-Kryeministri Berisha ka denoncuar shpesh përmes informacioneve të qytetarit dixhital lidhur me mbjelljen në masë të lëndëve narkotike, që sipas Berishës është një fenomen i mbështetur nga Rama dhe Tahiri. Dy ditë më parë, Berisha publikoi një foto me kanabisin e mbjellë në Shkodër. “Në arat e Edvin Shullazit dhe Saje qorrit në rrethinat e Shkodrës! Sb”, shkruante Berisha në Facebook.
Gjithashtu, pak ditë më parë ish-Kryeministri Berisha publikoi fotografi nga parcelat me kanabis në Nivicë të Tepelenës. Berisha akuzoi Kryeministrin Rama dhe ministrin e Brendshëm, Saimir Tahiri se po lejojnë kultivimin e drogës në vend. “Fidanishtja e Saje qorrit dhe Edvin Shullazit në Nivicë, Tepelenë! Sb”, shkruante Berisha.
Parcelat me kanabis lulëzojnë në të gjithë vendin me dijeninë e krerëve të policisë dhe inspektorëve të fshatrave. I gjithë Jugu i vendit është i mbushur me kanabis nga trafikantët e lidhur me zyrtarët e lartë të policisë dhe qeverisë. Për të gjitha parcelat e mbjella me drogë janë në dijeni krerët e policisë dhe inspektorëve të fshatrave, pasi ata marrin pjesën e tyre nga kjo fushatë hashashi që ka kohë që po lulëzon. Sipas burimeve, për mbjelljen e hashashit, garancia është e plotë nga strukturat e Policisë së Shtetit në bashkëpunimin edhe me kontigjentin kriminal.
