Juan Cuadrado mund të jetë lojtar i Milanit sezonin e ardhshëm. Sipas mediave italiane, kuqezinjtë kanë nisur bisedimet me Juventusin për transferimin e kolumbianit në “San Siro”. Gjithsesi ekipi i Montella-s duhet të përballet edhe me konkurrencën e Arsenalit për lojtarin.
Presidenti i Trabzonspor, Muharrem Usta, konfirmoi se ka gjetur akordin me Interin për kalimin e Gary Medel në Turqi. Numri një i klubit turk pohoi se, prej ditësh është në bisedime me zikaltërit dhe tashmë duhet të marrë edhe “ok” e vet lojtarit, që ishte i impenjuar me Kilin në Kupën e Konfederatave.
Napoli transferon Jonathan De Guzman te Eintracht Frankfurt. Mesfushori holandez, i ardhur te të kaltërit në vitin 2014 dhe i huazuar te Carpi e Chievo në dy sezonet e fundit, kishte edhe 1 vit kontratë me klubin e De Laurentiis. 29-vjeçari firmos me gjermanët për 3 vjet.
Ante Budimir sezonin e ri të Seria A do të veshë fanellën e Crotone-s. Sulmuesi, që sezonin e fundit u aktivizua në radhët e Sampdorias, ka gjetur akordin me ekipin e drejtuar nga Davide Nicola. Formula e transferimit është ajo e huazimit me të drejtë blerjeje për 2 milionë euro.
Federico Bernardeschi është një nga emrat më të përfolur në këtë merkato të Serisë A. Për të ardhmen e lojtarit të Fiorentinës janë hedhur shumë hipoteza, me klubet më të mëdha italiane që duan kartonin e tij. Megjithatë, drejtori i Përgjithshëm i vjollcëve, Pantaleo Corvino, sqaron se ende nuk ka marrë ofertë zyrtare për sulmuesin dhe nëse nuk vjen ajo e duhura, lojtari mund të qëndrojë në Firenze.
