Deputeti Dashamir Shehi i ftuar në “Arena” në Ora News, tha se Shqipëria kaloi nga komunizmi në një sistem të egër kapitalist.
Shehi: Në qoftë se edhe ato 5 lekë që fitohen do të kishin një shpërndarje më të drejtë… sepse kemi ardhur nga komunizmi në kapitalizmin më të egër në Evropë. Këtu u mblidhen lekët fukarenjve dhe u jepen 10 zengjinëve.
Përtej këtij trishtimi, duke ia zhveshur edhe këtë komponent politik. Kur u disktutua ligji i buxhetit bëra një propozim që buxheti të jetë për herë të parë proaktiv. Psh: Të bëjmë një fond për shtëpi, për çiftet e reja. Këtu po ikin edhe mësuesit. Burrë dhe grua. Burrë dhe grua marrin 1 mln gjithsej dhe do të blejnë një shtëpi. Më e lira shtëpi në periferi bën 50-60 mijë euro. Sa vite do t’i duhet këtij? Ai do të punojë gjithë jetën si skllav dhe nuk ka për t’u bërë kurrë me shtëpi në Tiranë. Prandaj vendosin të ikin. Ne duhet t’i japim mundësinë ta marrin shtëpinë për 35 vjet, me 3 ose 2 % që i riu të ketë kurajo ta ëndërrojë shtëpinë dhe të rrijë këtu.
Ditën që do i bësh proletarë ata do të ikin. Proletari nuk ka atdhe, nuk i ke dhënë asgjë as shtëpi, as mall. Për të ulur kurbën e emigracionit duhen politika afatgjatë. Por nëse shteti nuk tregon asnjë dëshirë, cçfarë pret. Projekt pilot këtu pilot aty, kemi 30 vjet. 30 vjet pilot… po hajde të bëjmë diçka të strukturuar.
Shehi: Ministria e Diasporës është një letër!
Deputeti Dashamir Shehi i ftuar në “Arena” nga Dritan Hila duke diskutuar çështjen e emigracionit të shqiptarëve, thotë se Ministria e Diasporës nuk ka lidhje me emigracionin.
Shehi: Ajo që ka bërë kjo qeveri nuk ka lidhje fare me emigracionin. Ajo ka bërë thjesht një ministri për Diasporën. Një ministri për emigracionin duhet të ketë 20 veta në staf. Ti ke punuar në ministri të Punës. Emigracioni kishte 30 veta. Ajo është një letër atje. Ma thuaj ti çfarë prodhon kjo ministri. Ndonjë rregullore për emigracionin, ndonjë vendim.
