Mbledhja e djeshme e Kryesisë së Partisë Socialiste është karakterizuar nga debate të forta. Fokusi i mbledhjes ishte situata në Shkodër. Ndërkohë, të ashpra kanë qenë tonet mes ish-ministrit Ditmir Bushati dhe kryeministrit Rama. Pakënaqësinë e tij, Bushati e shprehu edhe për mediat pas mbledhjes.
Ndërkohë, sipas “Shqiptarja.com”, në mbledhjen me dyer të mbyllura, ish-ministri është përplasur me Ramën. Bushati u shkarkua disa javë më parë si drejtues politik, në qarkun e Shkodrës.
Sakaq, në mbledhje ai ka folur për rikthimin e personave me të kaluar të dyshimtë në PS. Bushati ka përmendur frazën ‘çunat problematikë’ duke ironizuar kështu Damian Gjiknurin, i dalë në përgjimet e Bild.
Bushati gjithashtu i është referuar rolit të Tom Doshit në Shkodër si dhe Valdrin Pjetrit, dhe i ka kërkuar Ramës pranimin e gabimit për afrimin e tyre. Ndërkohë, pas kësaj ka reaguar vetë Rama në mbledhje , i cili ka pohuar se Tom Doshi nuk është pjesë e PS por i një force tjetër politike dhe se nuk ‘kërcënon’ vendin e Bushatit.
‘Tom Doshi është një realitet në Shkodër. Nuk është pjesë e PS por i një force tjetër politike. Edhe nëse nuk të pelqen ai është një realitet ka votat e tij. Tom Doshi nuk kërcënon vendin tuaj në parti’, ka thënë Rama. Sakaq, Rama i ka bërë me dije Bushatit më tej edhe arsyen e shkarkimit si koordinator në Shkodër.
“Ne të kemi hequr, pasi nuk je lider, por je shef. Lideri krijon raporte të barabarta, ti je sjellë si shef’, mësohet të ketë thënë Rama.
Ndërkohë, mbetet për tu parë
