Ditën e djeshme u shemb godina e Teatrit Kombëtar dhe Teatrit Kombëtar Eksperimental “Kujtim Spahivogli”. Rekuizitat e këtyre teatorve, fotografite, sendet me vlerë e arkivat sot kanë përfunduar në një gjendje të mjeruar.
Punonjësit që shembën këto godina nuk janë kujdesur për pasurinë e tyre, por i kanë hedhur në tokë sikur të ishin mbeturina. Oborri i teatrit “Turbina” është kthyer tashmë në landfill, pasi të gjitha sendet me vlerë që duhet të ishin ruajtur, kanë përfunduar në tokë dhe kanë kaluar natën në qiell të hapur.
E gjithë pasuria e Teatrit Kombëtar dhe atij Eksperimental ndodhet në rrugë dhe kush do mund t’i marrë ato lehtësisht, t’i dëmtojë, por dhe mund t’i djegë.
Nga ana tjetër kreu i Bashkisë së Tiranës, Erion Veliaj, i cili ishte një ndër personat që e donte me shumë shembjen, shprehej se ai ishte për ruajtjen e rekuizitave dhe arkivës, por fotot tregojnë të kundërtën. Askush nuk u kujdes për pasurinë e teatrit, e vetmja gjë që u bë dje ishte vetëm shkatërrimi i godinës dhe historisë që ato mbartnin.
Ndërkohë, artistët dhe aktivistët kanëparalajmëruar në protestë që do të dalin rreth orës 16:30, në mbështetje të të cilëve do të jetë edhe opozita.
