Endri Hasa, kandidati i Koalicionit Euroatlantik për qarkun e Elbasanit, ishte i ftuar në emisionin “7pa5” në Vizion Plus. Gjatë intervistës, ai theksoi rëndësinë e përfaqësimit të vlerave euroatlantike në politikën shqiptare.
“Qëllimi jonë është t’i japim zë dhe përfaqësim të gjithë atyre që duan të mbështesin dhe t’i qasen frymës dhe vlerave euroatlantike,” u shpreh Hasa.
Ai shtoi se përkushtimi i tij dhe i ekipit të Koalicionit Euroatlantik është të sjellin një qasje të re në politikë, duke promovuar transparencën dhe zhvillimin sipas standardeve perëndimore.
