Edhe pse ndodhet në fushatën elektorale, kreu i PD-së, Lulzim Basha ka gjetur kohë për të uruar fëmijët për festën e tyre, 1 Qershorin. Basha ka zgjedhur një foto me vajzën e tij të vogël, Viktorian, për të uruar të gjithë fëmijët për festën bashkë me vajzën. Programi i PD parashikon një platformë të fortë mbështetjeje për fëmijët. Partia Demokratike premton drekë falas në shkolla për të gjithë fëmijët nga mosha 5 deri në 18 vjeç. Sipas platformës së PD, fëmijët do të rrinë në shkollë nga ora 8:00 deri në orën 16:00, pasi do të bëjnë edhe detyrat e shtëpisë. Gjithashtu, opozita premton se do të rindërtojë të gjitha shkollat në të gjithë vendin dhe rritjen e pagave për mësuesit.
