Kandidati për deputet i Koalicionit Euroatlantik në Qarkun Vlorë, Gjergji Nika, ka prezantuar programin e kësaj force politike për shëndetësinë gjatë një forumi publik të organizuar nga Shoqata “Together for Life”.
Në fjalën e tij, Nika theksoi se sistemi shëndetësor shqiptar ka nevojë për ndryshime rrënjësore dhe një qasje moderne që vendos në qendër qytetarin dhe shëndetin publik. Ai vuri në dukje se Koalicioni Euroatlantik angazhohet për:
Ristrukturimin e Ministrisë së Shëndetësisë dhe kalimin e saj në duart e specialistëve,
Ndarjen e mbrojtjes sociale si institucion i pavarur,
Rishikimin e rolit të Operatorit të Shërbimit të Kujdesit Shëndetësor,
Rritjen e autonomisë së Fondit të Sigurimeve Shëndetësore,
Ristrukturimin e ISHP sipas modelit të ECDC (Qendra Evropiane për Kontrollin e Sëmundjeve),
Investime në infrastrukturë, pajisje, personel dhe laboratorë me standarde europiane,
Rritje të kapaciteteve për përballimin e epidemive,
Forcim të programeve të edukimit shëndetësor,
Krijimin e një regjistri kombëtar për sëmundjet jo të transmetueshme.
“Vlora meriton më shumë. Ne angazhohemi për një sistem shëndetësor dinjitoz dhe funksional, ku qytetari të ketë besim, dhe punonjësit shëndetësorë të kenë dinjitet,” – u shpreh Nika gjatë fjalës së tij.
Ai i bëri thirrje qytetarëve që më 11 maj të mbështesin ndryshimin dhe të votojnë Koalicionin Euroatlantik me numrin 4.
Më poshtë postimi i plotë i Nikës:
I ftuar nga Shoqata Together for Life mora pjesë në forumin publik të debatit, dhe paraqitjen e programit te Koalicionit Euroatlantik për shëndetësinë!
Ku mbi të tjerat paraqitëm ndryshimet rrënjesorë në:
✔️ Ristrukturimin e Ministrisë së Shëndetësisë dhe Çështjeve sociale – sistemi
shëndetësor do të jetë në duar të specialistëve;
✔️ Mbrojtja sociale do të bëhet një institucion më vete;
✔️ Rishikim i rolit të Operatorit të Shërbimit të Kujdesit Shëndetësor;
✔️ Rritja dhe forcimi i autonomisë financiare dhe menaxheriale të Fondit të Sigurimevetë Detyrueshëm Shëndetësor;
✔️Ristrukturimi i Institutit të Shëndetit Publik (ISHP) sipas modelit ECDC (Qendra Evropiane për Kontrollin e Sëmundjeve);
✔️Investim në burime njerëzore, infrastrukturë, pajisje dhe laboratore sipas standarteve evropiane;
✔️ Rritja të kapaciteteve dhe rezervave për përballimin e situatave epidemike (afatgjatë);
✔️Forcim të programeve të promocionit shëndetësor;
✔️ Krijim të regjistrit kombëtar të sëmundjeve jo të transmetueshme.
Sepse Vlora meriton më shumë
#voto4
#KoalicioniEuroatlantik
