Berat Gjimshiti i ka dërguar nëpërmjet rrjeteve sociale një mesazh mjaft thumbues Gianni De Biasit, i cili e la jashtë listës përfundimtare për pjesëmarrjen në Euro 2016. “Ndonjëherë jeta nuk na jep atë që duam, jo sepse nuk meritojmë, por se meritojmë më shumë. Suksese shokëve në Evropian”, ishte mesazhi i mbrojtësit të Atalantas, që shoqërohej me një foto në aeroport përkrah Milot Rashicës.
Mungesa e Gjimshitit në listë është cilësuar si surpriza më e madhe e De Biasit, i cili preferoi Frederik Veselin. Përveç Gjimshitit, jashtë listës ka mbetur edhe Amir Rrahmani, Milot Rashica dhe Herolind Shala.
