Zëdhënësja e Partisë Demokratike-Demokratët Euroatlantikë, Mirela Karabina, ka shpërndarë një mesazh të kryetarit Lulzim Basha pas takimit të zonjave demokrate, duke theksuar rëndësinë e rolit të grave në shoqëri.
Karabina shkruan se fuqizimi ekonomik i grave ndikon drejtpërdrejt në uljen e varfërisë dhe përmirësimin e standardeve të jetesës. Ajo thekson se në programin e demokratëve euroatlantikë, gratë zënë një vend të rëndësishëm si forca kryesore e ndryshimit dhe përfshin masa konkrete si:
• 2,000 euro për çdo bebe dhe 20 mijë euro për fëmijën e tretë.
• Subvencionim të plotë të interesave të kredive për shtëpi për çiftet e reja.
• Dyfishim të ndihmës ekonomike për gratë kryefamiljare dhe viktima të dhunës.
• Bursa dhe kurse falas për vajzat dhe gratë në nevojë apo nga zonat rurale.
Postimi i plotë i Mirela Karabina:
Një takim frymëzues i zonjave demokrate me kryetarin Basha në këtë vit të rëndësishëm për ndryshimin e vendit.
Fuqizimi ekonomik i grave ndikon drejtpërdrejtë në uljen e varfërisë dhe përmirësimin e standardeve të jetesës dhe në një shoqëri më të mirë.
Në programin e demokratëve euroatlantikë gruaja zë një vënd të rendësishme pasi ato janë forca e ndryshimit.
Programi i Lulzim Bashës për familjen parashikon:
• 2,000 euro për çdo bebe.
• 20 mijë euro për fëmijën e tretë.
• Subvencionim i plotë i interesave të kredive për shtëpi për 30 mijë çifte të reja shqiptare.
• 1 vit pagë e plotë për periudhën e lejes së lindjes për nënat në marrëdhënie pune.
• Rritje e pensioneve me të paktën 20% dhe indeksimi i tyre me dyfishin e vlerës së inflacionit çdo vit.
• Bonus periodik prej 250 mijë lekësh për pensionet e ulëta.
• Dyfishim i ndihmës ekonomike për familjet në nevojë.
• Pagesa për personat me aftësi të kufizuara do të jetë 70% e pagës minimale.
• Nga statusi i jetimit do të përfitojnë edhe ata që nuk kanë njërin prind.
• Trajnim për vajzat dhe gratë në kurse profesionale në fushat e teknologjisë së informacionit.
• Mbështetje financiare për gratë dhe vajzat që kontribuojnë në industrinë e artizanatit.
• Bursa studimi për vajzat nga familjet me vështirësi ekonomike dhe nga zonat rurale.
• Kurse falas për gratë dhe vajzat shtëpiake për të marrë një profesion.
• Dyfishimi i ndihmës ekonomike për gratë kryefamiljare, viktima të dhunës.
• Bursa studimi falas për të gjithë fëmijët e nënave kryefamiljare, viktima të dhunës në familje.
• Strehim i paguar nga shteti për të gjitha gratë që kanë urdhër mbrojtjeje nga gjykatat.
