Rubin Hebaj është aktualisht lojtar i lirë. Sulmuesi shkodran ka ndarë rrugët me Sfaxien në Tunizi dhe për të pritet një rikthim në Uzbekistan.
Janë kampionët e Nasaf Qarshi, që kërkojnë shërbimet e Hebajt. Gjithçka mbetet në dorën e 26-vjeçarit, që në Shqipëria i ka fituar të gjithë trofetë duke qenë pjesë e Partizanit dhe Tiranës.
Viti 2024 pa Hebajn të mbante veshur fanellën e tri skuadrave të ndryshme. Fillimisht të Andijon ku dhe spikati në Uzbekistan, më pas firmosi me Al Orobah ku asgjë nuk shkoi si duhet.
Në shtator firmosi me Sfaxien, një eksperiencë që po ashtu nuk zgjati shumë.
