Pyetja e deputetit demokrat Ervin Salianji drejtuar ministres Olta Xhaçka në lidhje me buxhetin e 2018 për Ministrinë e Mbrojtjes, ka shkaktuar debate me dy deputetët socialistë, Pjerin Ndreu dhe Paulin Stërkaj. Salianji pyeti Xhaçkën nëse duhet më shumë buxhet për të kontrolluar ish-repartet ushtarake që përdoren për magazinim droge? “A ju duhet më shumë buxhet për të vendosur në funksion radarët…
Pjerin Ndreu: Rri more urtë se je bërë provokator i keq, rri more urtë nuk e shikon çfarë është bërë në të kaluarën.
Salianji: Nuk pyes dhe s’kam frikë nga asnjë bandit me ose pa pushtet.
Pjerin Ndreu: Mos i provoko të gjithë se do hash dajak. Ty do të rrah njëherë. Do të shkund në dru.
Ervin Salianji: Me mua e ke?! Me kë e ke, me mua?
Pjerin Ndreu: Me ty.
Ervin Salianji: Mua do më rrahësh ti? Ki kujdes kur më drejtohesh mua, ki kujdes.
Paulin Stërkaj: Unë bëj mundje, boks edhe karate. Mos më bëj mua presion.
Salianji: Askush s’mund t’i mbyllë gojën opozitës
Deputeti demokrat Ervin Salianji ka reaguar lidhur me kërcënimin që i kanë bërë dy deputetët e PS në Komisionin e Sigurisë, Paulin Stërkaj dhe Pjerin Ndreu, pasi ai iu drejtua me një pyetje, ministres së Mbrojtjes, Olta Xhaçka. “Kjo qeveri është e kapur në krim, në drogë dhe në përfshirje me grupe të strukturuara kriminale. Sot, ishte një fakt tjetër i provuar, i asaj që ne kemi thënë prej vitesh, që Rama fle dhe zgjohet me krimin. Që Rama banditët i ka futur në Parlament dhe në institucione. Që Rama kërkon që nëpërmjet banditëve të mbajë pushtetin, por të harrojë që banditë me ose pa pushtet të mbyllë gojën opozitës. Nuk kam pasur frikë nga punonjësit e tyre, kur kam hyrë në mes të parcelave me kanabis, për t’i denoncuar, e jo më nga njerëz, të cilët për shkak të asaj që përfaqësojnë si personalitet njerëzor, janë qesharakë dhe do të ishte një ngjarje qesharake, por për shkak të asaj që përfaqësojnë për shqiptarët, është një ngjarje e rëndë e parlamentarizmit, ku deputetë me preçedentë ne këtë situatë, ndërhyjnë dhe tentojnë t’i mbyllin gojën opozitës në momentin kur, pyes ministren e Mbrojtjes, nëse duhet buxhet shtesë që Ministria e Mbrojtjes të kontrollojë dhe të vendosë në funksion radarët që të mos qarkullojnë drogë. Nëse i duhet buxhet shtesë Ministrisë së Mbrojtjes, për të kontrolluar depot, ish-repartet ushtarake apo tunelet, të cilat përdoren për magazinimin e drogës, dhe nëse i duhet buxhet shtesë për të kontrolluar hapësirën ajrore, ish-aeroportet ushtarake që të mos përdoren për transport droge?
