Nënkryetari i PD-së, Edi Paloka, njëherëz edhe nënkryetar i Kuvendit, ka reaguar ndaj deklaratës së bërë nga Ambasadori amerikan Donald Lu, sipas të cilit në janar do të nisin arrestimet e peshqve të mëdhenj. Përmes rrjeteve sociale, Paloka shkruan se peshku i madh i krimit në Shqipëri është një dhe vetëm një, ai quhet Edi Rama. “Peshq të vegjël, peshq të mëdhenj. Kush ha e kush do ta hajë? Unë nuk mund të ç’kodifikojë kodet e askujt, po unë dhe gjithë shqiptarët dimë shumë mirë se, “peshku i madh” i krimit në Shqiperi është një dhe vetëm një e quhet Edvin Kristaq Rama. Sa të vazhdojë të jetë ai kryeministër; një vit, një muaj, një javë, një ditë apo dhe një orë, krimi në Shqipëri do të vazhdojë vetëm të rritet e fuqizohet…”, shkruan Paloka në rrjetet sociale.
