E ftuar në A2 CNN, anëtarja e kryesisë së PD, Taulanda Jupi, u shpreh se PD mbështet SPAK nëpërmjet propozimeve të saj dhe i bën thirrje kryetares së Kuvendit që t’i fusë në rendin e ditës nismat ligjore të PD.
Jupi u shpreh se “presim nga SPAK të bëjë përgjegjës Erjon Veliajn dhe këdo tjetër që abuzon me pushtetin dhe besimin e qytetarëve duke shkuar drejt Edi Ramës i cili është koka e kësaj piramide korrupsioni”.
“Mbështetje ndaj SPAK në burime njerëzore, financiare dhe logjistike duke i bërë thirrje Kryetares së Kuvendit Lindita Nikolla të fusi në vijim në rendin e ditës për diskutim dhe miratim nismat ligjore të propozuara nga Partia Demokratike 1- VETTINGUN në politikë dhe 2 -Heqjen e imunitetin të deputeteve, nisma përmes të cilave tregojmë se jemi me akte jo me fjalë në mbështetje të SPAK dhe drejtësisë.” – tha Jupi.
“Duhet të japim gjithë mbështetjen që ky institucion kërkon sepse sot SPAK po tregon se po përpiqet të funksionojë i pavarur, përtej pushtetit, përtej një kaste politike që ka kontrolluar sistemin e drejtësisë për 34 vite.” – përfundoi zyrtarja demokrate.
