Nga Osman Stafa
Ramazan si je?
I dëshpëruar!!!
Pse?
Sytë po më lënë.
Ke bërë ndonje vizitë për sytë?
Kam bërë para 2 vitesh.
Dhe?
Më thanë të bleja syze 90 mijë lekë.
Pse si bleve?
Unë të kisha 90 mijë lekë, kisha blerë shtëpi.
Po këtë në dorë, çe ke?
E kam blerë në rrugë. Më ndihmon të shikoj e lexoj.
Lexon me lupë?
Po. Me këtë lexoj.
Çfarë po lexon sot?
Një gazetë.
Si duket situata e Shqipërisë nëpër gazeta?
Keq. Shumë keq.
Pse kështu?
Kam besuar se Rama do ishte ndryshe, por ky e prishi krejt. Duhet të ikë, njejtë si Sali Berisha dhe Ilir Meta. Na kanë lodhur.
Po libra lexon?
Dua, por s’kam.
Çfarë libri do të lexosh?
Dua të lexoj librin e Blendi Fevziut për komunizmin.
E njeh Fevziun?
Jo nuk e njoh.
Po ku ke dëgjuar për të?
Kam lexuar nëpër gazeta për librin e tij për komunizmin, para ca vitesh. Dua ta lexoj.
Do të ta sjell unë. Dhe bashkë do bëjmë një vizitë për sytë dhe do blejmë edhe syzet.
Jo, mos u mundo. Janë shumë lekë. Sytë e mi nuk vlejnë aq.
Ramazan, e kam vendos. Nuk ma kthen më mendjen.
Mirë pra, të uroj të bëhesh 100 vjeç.
Ku të të gjej këto ditë?
Këtu tek Xhamia e Madhe.
Pse qëndron këtu?
Po pres të çelet Xhamia.
Pse ç’ne ti me Xhaminë?
Dua të falem për Zotin.
Po ti jeton në rrugë, pse do t’i falesh Zotit?
Që më ka dhënë shëndet dhe se ka më keq sesa jam unë. Por më duket se më shpejt do vdes unë sesa do hapet kjo xhami.
Si ti jesh mirënjohës Zotit, duke qënë një endacak?
Kjo është sprova ime.
Ramazan, do takohemi përsëri.
Do të të pres.
