Nga Sidi Hasanaj
Pronar Sali Berisha, Trashëngon: Argita Malltezi!
Të shpenzosh më energji dhe kohë me Sali Berishën, është tashmë e tepërt.
Atij i ka humbur verbi politik, aktet dinake dhe të forta, i ka humbur totalish morali politik por edhe pragmatizmi dhe nuhatja. Rrezonon vetëm vjetërsi, dobësi, cektësi, gjuhë të dhunshme e të ngarkuar me urrejtje e mallkine por në gojën e një entiteti politik tepër të pafuqishëm, e si pasojë është gjuhë që tingëllon me kujet e plakave histerike.
Berisha është tashmë i mundur, dhe është hera e parë që në Shqipëri një politikanë është shkatërruar vetë, është mundur vetë.
Kartën Morale e sakrifikoi vetë, e këmbeu me 2 qindarka paburrërie siç është aleanca me Bardhin/Salianjin.
Partinë e tij, Rithemelimin, e mishëroi vetë në subjekt të injorantëve dhe servilëve… se detyroi askush, i zgjodhi vetë në shumicë figurat groteske të spikatura për injorancën dhe servilizmin e tyre.
Sa herë ka hyrë në gara elektorale vetëm ka humbur, fitorja e fundit e një partie nën drejtimin e Berishës është 2005 e largët, në 2009 morri barazim, pra ka plot 19vjet (pa pak javë) gati 2dekada që nuk e ka shijuar kurrë fitoren.
Madje nëse në 2013 humbi në forëm plebishitare, por ruajti disa simbole ai Shkodra, Kukësi e Tropoja, sot humbet thellësisht edhe këto simbole!
Dinjitetin e humbi vetë, humb Kukësi ku Rama e mund thujse me dyfishin e votave, dhe justifikohet duke thënë se “u shitën burrat e Kukësit”.
Edhe kur humbet humbet padinjitet, duke u fshehur para fakteve dhe akuzuar burrat e që votuan për 13 vjet.
Ashtu si dhe “patriotizmin” e shiti si në rastin Beleri të Agimit të Artë, me të cilin bëri aleancë ku flamuri Shqipëtarë u ul dhe nl shtabin elektoral të Rithemelimit Himarë u ngrit flamuri i VorioEpirit Ksenofob Grek.
Linear me gjithë degradimin e Berishës, ishte dhe kuvendi i dy Dhjetorit.
Berisha aty hapi “letrat” e partisë së tij para Shqipëtarëve, letrat e mbyllura në kasafortën e Palokës. Tregoi se ajo parti është pronë private e tij, ka Tapi dhe tapia e saj shkruan “pronar: S.Berisha”, ndërkohë që noteri ose oborrtarët e tijë lexuan dhe noterizuan njëzëri aktin e trashëgimisë:
Kur pronarit i vjen fundi (politik), shtëpinë e trashëgon fëmija… jo miku, dhe pronën private të Berishës me trashëgoi vajza e tijë.
Me një fjalim mediokër dhe që ngjallte veçse hilaritet kur e konsideronte veten “shtresë të mesme”, luftëtare që ka sjell dikur kapitalizmin në vend apo si dikush që drejtësia i kishte akuzuar burrin me pa të drejtë falë urdhërave të po atij që i kishte firmosur 20leje ndërtimi; Malltezi morri aktin e trashëgimisë. Morri në pronësi oborrin politikë-ekonomikë të të atit të saj.
Problemi nuk qëndron te faza terminale, te pjesa ku e bija trashëgoi pronën e të atit, por te gjithë mënyra se si ka operuar kjo pronë, ky aset:
Ka qenë gjithnjë me oborrtarë, kushërinj, nipër e mbesa, nënpunës servilë e lakmitarë për plaçkë të një personi.
Ndaj firmëtarët e famshëm të mbajtur sekret te kasaforta e Palokës, nuk u treguan kurrë… se ata ishin nipër, mbesa, fëmijë, funksionarë të korruptuar e të skllavëruar të padronit Sali Berisha.
Ndaj Sali Berisha u nda nga Partia Demokratike, sepse Partia Demokratike vendosi të shkojë “right” në zemrat e Shqipëtarëve, të shtresave simbol të së djathtës dhe në Perëndim.
Berisha me PD ka pasur kontratë pasuri dhe pushteti, jo kontratë për të shkuar “Right”, ndaj edhe ndarjen e kreu vetë me akt turpi si ai i 8janarit.
