Krimi duket se ka shtrirë tentakulat kudo në qeverisjen e Edi Ramës. Ndonëse Babloku del dhe na mburret se në vitin 2030 do hyjnë në BE, nga dita në ditë po dalin fakte se PS po qeveris në aleancë me bandat. Nga Veriu në Jug krimi po bën ligjin dhe kjo falë njerëzve të tyre të implikuar në ministri, bashki dhe drejtori.
Një gjë të tillë e vërtetoi edhe Prokuroria e Posaçme ditën e sotme, e cila zbardhi detaje nga aksioni në Elbasan, ku u godit banda e Suel Çelës. Mes 21 emrave të akuzuar janë dhe Marsel dhe Xhino Roka. Në fakt ata janë vëllezërit e drejtoreshës së Agjencisë së Zhvillimit të Territorit, Adelajda Roka.
Zonja në fjalë e ka marrë detyrën në fillimit të nëntorit të vitit 2023, duke zëvendësuar në këtë post Ledia Totën. Roka u katapultua nga juriste në kompaninë e çimentos në Fushë Krujë, në drejtoreshë në AZHT. Pyetja që shtrohet është: Kush ja rekomandoi Edi Ramës emërimin e motrës së dy kriminelëve të bandës së Suel Çelës?
“Marjus Lulaj alias Suel Çela është identifikuar si drejtuesi i organizatës, përgjegjës për menaxhimin dhe koordinimin e aktiviteteve kriminale, përfshirë vrasjet, trafikimin ndërkombëtar të drogës, kryerjen e veprimeve korruptive dhe organizimin e skemave të pastrimit të parave. Ndërkohë disa nga anëtarët me role kyçe si; Mario Çela, Fuad Verzivolli, Bujar Shega, Klaus Matishi alias Kledjan Çopja, Xhino Roka etj ishin pjesë operative e organizatës, të angazhuar në planifikimin dhe ekzekutimin e veprave të rënda penale, përfshirë vrasje me paramendim dhe trafikun e narkotikëve”, tha SPAK.
Edhe pse Babloku deklaron se kushdo që ka ngrënë kumbulla pas shpine duhet të mbajë përgjegjësi personale, duket sikur po shtohen shumë emrat e lidhur me krimin. Rrahman Rrajën e hoqi pasi e përdori për të mbledhur vota. Jurgis Çyrbja na doli jo i lidhur me bandat, por pjesë e tyre dhe një emër mjaft i rëndësishëm te bandat e Shijakut.
Motra e Nuredin Dumanit, ishte punonjësi në Ministrinë e Jashtme. Jo vetëm kaq, por ishte te seksioni për marrëdhëniet me NATO, ku kishte në dorë sekrete shtetërore.
Tani na doli se edhe motra e vëllezërve Roka qenka pjesë e Rilindjes dhe jo në post dosido, por drejtoreshë e Agjencisë së Zhvillimit të Territorit.
Në vitin 2017, kjo agjenci kaloi në varësi të vetë Kryeministrit dhe sipas VKM-së, Drejtori i Përgjithshëm i Agjencisë së Zhvillimit të Territorit emërohet, lirohet dhe shkarkohet nga detyra me urdhër të Kryeministrit, në përputhje me aktet ligjore në fuqi. Pra zonja, është emëruar me firmën e kryeministrit. Ajo ka si detyrë të zbatojë vendimet e Këshillit Kombëtar të Territorit, pra me pak fjalë është ajo që merret me lejet e ndërtimit. Dhe nuk është çudi që bandat po pastrojnë paratë përmes kullave dhe raporteve, pasi në një prej institucioneve kyçe është motra e dy personazheve të rëndësishëm të botës së krimit. /Pamfleti
