Nga Mirela Karabina
Goditja nga SPAK e grupit të strukturuar kriminal nga Elbasani, është një lajm i jashtëzakonshëm për qytetarët e Elbasanit, por jo vetëm. Eshtë një lajm sa tronditës për nga përbërja e grupit të përfshirë në krim por dhe shpresëdhënës. Integriteti i këtij institucioni për të godiur grupet kriminale dhe politikanë të korruptuar është shërbimi më i madh që po i bëhet popullit shqiptar në këto 34 vite.
Do të kishte qenë e bukur sikur sot të kishim një marshim qytetar në mbështetje të këtyre prokurorëve të ndershëm, që po përplasen ballazi me krimin 34 vjeçar.
Çdo përpjekje tjetër për ta zbehur këtë aksion, përballë megaoperacionit SPAK, janë thjesht karavidhe shporte.
Por, Elbasani është djepi i arsimit dhe duhet t’i kthehet kjo qasje dhe kjo krenari.
Dituria dhe mësuesia jo rastësisht lindi në Elbasan, në qytetin e njerëzve të urtë e fisnikë, patriotëve dhe gjuhëtarëve, në qytetin e luleve të verës dhe portokallave.
Dhe, falë SPAK e GJKKO dhe alternativës më të mirë qeverisëse së Demokratëve Euroatlantikë, qytetit do t’i kthehet shkëlqimi dhe dinjiteti.
Elbasanasit meritojnë të jetojnë të qetë dhe me dinjitet!
Foto: Qendra e Elbasanit dikur, tani është qytet grumbull-betoni.
