Një shqiptaro-palestinez, me emrin Ibrahim Jaber ka humbur jetën në Gaza për shkak të luftës. Ende nuk dihet se si ka ndodhur ngjarja dhe sa ditë ka që ka humbur jetën.
Është vetë vëllai i tij, që ka raportuar këtë ngjarje, ndërsa tregon gjithashtu se prej 9 ditësh nuk po arrin me dot të kontaktojë me familjen. Ahmed Jaber ka folur për “Shqipëria LIVE”, ku ka treguar se si e ka marrë vesh lajmin, ndërsa shton se ishte shumë i lidhur me të vëllain
“Unë kam prej 3 javësh që nuk flas me vëllain. Ai jetonte në qytetin e Gazas. Shokë që kam atje më kanë thënë që është vrarë. As me familjarët e mi nuk kam kontakte, shpresoj që dhe ata të jenë mirë. Atje ëhstë shumë rrëmujë, nuk futen të gjithë viktimat në listë. Për herë të fundit me vëllain kam folur para 3-4 javësh. Ai më thoshte që e kishte marrë malli. Ishim shumë të lidhur bashkë. Ai ishte gjysma ime. U ndamë kur unë erdha këtej, para se të niste lufta. Ne donim që ata të vinin këtej, por babi nuk pranoi sepse ai kishte motrën e tij andej, familjen e saj dhe nuk donte t’i linte vetëm. Nuk duroj dot më, doja të ikja unë jo vëllai im. Më ndihmonte për çdo problem, i zgjidhnim bashkë të jgitha gjërat. Unë tani nuk kam më vlerë fare. Do ishte gjëja më e bukur nëse do ishte gjallë, nëse e gjtiha kjo do ishte thjesht një ëndërr e keq. Nëse unë do çmendem… nuk kam më fuqi. Kam shuëm dëshirë ta përqafoj vëllain para se të varroset, t’i them mirupafshim.”- tha Ahmedi.
