Rama është injoruar totalisht dje nga aleatët e tij në koalicionin qeverisës. Gjatë seancës plenare, punimet e së cilës tashmë janë shndërruar në një teatër tragji-komik, aleati kryesor i Ramës në koalicion, Meta është larguar nga salla e Parlamentit në momentin që Rama mori fjalën të fliste.
Kreu i LSI që është në të njëtën kohë edhe Kryetar i Parlamentit ka braktisur fjalimin e Ramës në Parlament. Ai nuk është i pranishëm në seancë. Ajo që bie në sy është se Ramën e kanë braktisur edhe të gjithë ministrat e LSI si dhe deputetët e kësaj force politike. Ndërkohë e njëjta situatë u përsërit edhe nga aleati tjetër i koalicionit qeverisës PDIU.
Rama po kalon momentin e vetmisë së madhe dhe një ngricë politike.
