Në një atmosferë gjithnjë e më intensive elektorale, Mirela Karabina, kandidate për deputete e Koalicionit Euroatlantik në qarkun e Elbasanit, vijon takimet me qytetarët me një qasje të thjeshtë, njerëzore dhe të sinqertë.
“Me njerëzit për njerëzit, e vërtetë, duke i parë në sy,” – shprehet Karabina, duke theksuar rëndësinë e kontaktit të drejtpërdrejtë dhe të sinqertë me votuesit. Në deklaratën e saj, ajo nënvizon se njerëzit i japin besim dhe e përgëzojnë për mënyrën autentike që ka zgjedhur për të komunikuar dhe për të kërkuar mbështetjen e tyre.
“Shoh shpresë në sytë e tyre,” – thotë ajo, duke shtuar se mënyra e saj e përulët dhe e përkushtuar nuk është e rastësishme, por një stil jetese dhe pune që e karakterizon çdo ditë.
Sipas Karabinës, fushata zgjedhore është edhe një mundësi për të reflektuar dhe për t’u rritur si njeri dhe përfaqësues publik: “Fushata të bën edhe më të mirë”.
Deklarata e plotë e Mirela Karabinës:
Me njerëzit për njerëzit, e vërtetë, duke i parë në sy, duke i kërkuar mbështetje për të qenë zëri i tyre.
Në sytë e tyre shoh shpresë❤️
Më besojnë, më përgëzojnë për mënyrën që kam zgjedhur të shkoj tek ta, thjeshtë dhe e vërtetë.
Kështu si kam vepruar dhe veproj çdo ditë, çdo herë, kudo jam.
Fushata të bën edhe më të mirë❤️
#Voto4
#KoalicioniEuroatlantik
#mirelakarabina
#elbasanimeritonmëshumë
#shqiperiameritonmeshume
