Joni Myshketa, këshilltar bashkiak në Bashkinë Durrës tha përmes një lidhje Skype me studion e MCN Economy se reforma territoriale ka qenë e dështuar dhe ka sjellë mungesë shërbimi tek qytetarët dhe rritje të kostos për ta.
Pas reformës të 2015 kemi 61 bashki. Vëmë re që ka ineficencë totale thjesht nga shpenzimet buxhetore duhet të ishin më të reduktuara, duhet të ishin një shërbim i dhënë më i drejtpërdrejtë qytetarëve të qarkur të Durrësit, apo qytetit të Durrësit pasi kjo reformë i ka larguar njerëzit që jetojnë në rrethina me kontaktin e drejtpërdrejtë me administratorët publikë. Sjell mungesë të theksuar në shërbim ,sjell kosto te qytetarët që detyrohen të lënë punët.
Reforma ka qenë e dështuar. Është bërë më shumë politike, se pa për t’i qëndruar pranë qytetarëve dhe biznesit. Qendërzon shërbimet dhe nuk është pranë qytetarëve.
Kemi një bashki të Durrësit që është ineficente në raport me të ardhurat e saj. Nëse bashkia arkëton 100 lekë, shpenzimet për pagat e punonjësve janë 80 lekë. Me 20 lekë një bashki sa e Durrësit, është totalisht jorentabël.
