Deputetja Monika Kryemadhi në një intervistë për Ora News, deklaroi se nëse do të ktheheshim në 2016 ajo nuk do ta votonte reformën në drejtësi.
Kryemadhi tha se nuk votoi që drejtësia të jetë me regji.
Jeni e pakënaqur me drejtësinë deri tani?
Shiko, nëse drejtësia do të jetë me regji, unë nuk kam votuar këtë drejtësi.
Do ta votoje në këto kushte përsëri një SPAK nëse do të ktheheshim pas në kohë?
Jo! Sepse për mua SPAK është në provë. Pse nuk do ta votoja? Nëse SPAK-u do të bënte politikë që përdor gazetarët për të dezinformuar opinionin për qëllime politike, unë nuk e kam votuar këtë në 2016.
