Alvaro Morata drejt Man.United. Duket se zyrtarizimi i transferimit të sulmuesit në radhët e “Djajve të Kuq” është vetëm çështje ditësh. Sipas gazetave britanike është vetë spanjolli ai që i ka rrëfyer miqve të tij të afërt, se do të transferohet tek klubi anglez. Situata është e qartë, mes 24-vjeçarit dhe ekipit të trajnerit Jose Mourinho është arritur akordi. Nga ana tjetër edhe Reali i Madridit duket se është dorëzuar dhe ka pranuar ofertën e bërë nga ana e Man.United. 68 milionë euro do të shkojnë në arkat e klubit merenges.
Shumë e konsiderueshme, që padiskutim do të përdoret për merkato nga ana e “Los Blancos”. Kështu Alvaro Morata shumë shpejt do të nisë një aventurë të re, në Premier League, ku do të jetë nën urdhrat e teknikut Jose Mourinho, njeriut i cili i dha sulmuesit mundësinë e artë për të firmosur një kontratë profesionisti gjatë kohës kur portugezi drejtonte skuadrën spanjolle. Ata nuk patën mundësi të bashkëpunonin me njëri-tjetrin pasi, Special One u largua nga stoli i Realit. Nga ana tjetër pritet që sulmuesit t’i ofrohet një pagë shumë e lartë vjetore.
Sipas “Daily Express”, Morata iu ka thënë miqve se do të transferohet në “Old Traffrod” dhe se një marrëveshje mes klubeve është afër realizimit. Thuhet se klubi nga Premierliga do t’i ofrojë kampionit të Spanjës dhe Evropës 60 milionë funte. Morata dëshiron të transferohet në Manchester Untied pasi Jose Mourinho i ka premtuar se do të luajë rregullisht. Ai shihet si zëvendësuese i Zlatan Ibrahimoviçit, i cili është larguar nga klubi.
