Nga Londra, Naim Hasani, kandidati për deputet i Koalicionit Euroatlantik në Qarkun Shkodër, shprehu mirënjohjen për bashkëatdhetarët që morën pjesë në takimin me drejtuesin politik të koalicionit, Lulzim Basha. “Falenderim zemre për pjesëmarrjen në takimin në Londër. Mirënjohës për qëndresën tuaj ndaj neokomunistëve!”, tha Hasani, duke vënë në dukje rolin e diasporës si një pjesë e gjallë e ndryshimit politik në Shqipëri.
Sipas tij, mbështetja e emigrantëve është thelbësore për të rrëzuar “politikën e xhaketave të vjetra” dhe për të ndërtuar një qeverisje me fytyrë njerëzore. “Takimi i 29 marsit ishte si fillimi i një mbështetje të fuqishme për fushatën tonë, për shembjen e një kalbësire politike ndërtuar në 3 dekada e gjysmë,” u shpreh ai. Hasani theksoi se vetëm përmes bashkimit dhe një alternative të pastër, si ajo që përfaqëson Lulzim Basha, mund të thyhet cikli i tranzicionit të pafund në Shqipëri.
“Koha nuk pret. Le të përzëmë njëherë e mirë Rama-Berisha-Meta. Shqipëria nuk meriton të jetë më gazi i botës si popull gomonesh,” ishte thirrja e fortë që Hasani përcolli. Në këtë sfidë, ai shprehet i bindur se rruga euroatlantike është e vetmja që garanton zhvillim dhe integrim për vendin.
#ShqipëriaMeritonMëShumë 
Postimi i plotë:
