Mungesa e ilaçeve është një tjetër problem shqetësues në spitale. Ish-kryeministri Berisha ka denoncuar mungesën e ilaçit Metadon në spitale, medikament që përdoret nga pacientët që kanë qenë të varur nga droga. Në një postim në rrjetin social Facebook, Berisha ka publikuar ankesën e një të riu, i cili shkruan se, ka 8 muaj që ky ilaç mungon.
“Në Narko-republikën e Noriegës nuk lejohet ndërprerja e marrjes së drogës! Prej tetë muajve në Shqipëri mungon Metadoni, ilaçi jetik për ata që ndërpresin marrjen e drogës. Lexoni mesazhin tronditës të njërit prej të rinjve që kanë ndërprerë marrjen e drogës!”, shkruan Berisha në Facebook.
“Zoti Berisha. Po ju shkruaj ju me shpresën e madhe se do i jepni jehonë hallit që kam unë dhe 10 000 persona të target grupit tim. Në radhë të parë shpresoj, se do e kuptosh hallin tonë se ju keni qenë vetë mjek. Unë jam një viktimë e drogës heroinë dhe e kam fituar atë betejë falë medikamentit “Metadon” që në qeverisjen tuaj nuk na mungoi kurrë. Sot, Ministria Shëndetësisë dhe Instituti i Shëndetit Publik kanë 8 muaj që nuk bëjnë tenderimin dhe situata është bërë tepër kritike, pasi gjithë ky target grup për të kompensuar këtë medikament do të kthehen sërish te droga; Katastrofë. 10 000 pacientë po hidhen në rrugë.
Këta 10 000 persona sikur nga 2gr. heroinë në ditë i bie 2 kile në ditë të shitura me pakicë dhe fitimi kalon 100 mijë euro dita. Kjo punë po bëhet me kast se po afrojnë zgjedhjet dhe i duhen lekë, se furnitorët kryesor të heroinës janë vetë shefat e Antidrogës, pasi nuk e asgjësojnë drogën e sekuestruar, por e rihedhin sërisht në treg. Një pjesë e këtyre pacientëve janë në burg dhe kanë nisur revoltat dhe duke prerë damarët se i mungon ilaçi më jetik për ta. Për ç’farë të shkruajta më lart është çdo gjë e vërtetë dhe nëse kam shtuar një presje mbaj përgjegjësi. Të lutem verifikoje dhe jepi jehonë hallit tonë. Sinqerisht dhe respekt”, shkruan qytetari.
