Është i nevojshëm një hetim mbi influencën politike të manjatit miliarder George Soros, thotë Nigel Farage.
Prezantuesi në radion LBC u kujdes të vërë në dukje se ai nuk po e akuzonte zotin Soros për kryerjen e aktivitetit të paligjshëm.
Por ai tha se një shikim i kujdesshëm ishte i nevojshem për të parë se sa Fondacioni ‘Shoqëria e hapur’ i themeluar nga zoti Soros ishte “përpjekur të ndryshonte klimën politike” në të gjithë botën perëndimore.
Kjo pasi u bë e njohur se investitori amerikano-hungarez, 87-vjeçar, kishte dhuruar 400 mijë stërlina për fushatën pro BE, më e mira për Britaninë.
Duke shprehur mendimin e tij Nigel tha: “Unë pranoj… se njerëzit e pasur dhe korporatat në të dyja anët e argumentit, kanë plotësisht të drejtë brenda sistemit tonë demokratik të japin para për të mbështetur kauzat e tyre, pasionet e tyre madje edhe interesat e tyre të biznesit.
Argumenti që unë po mbroj është se të gjitha çështjet e konspiracionit, që lidhen me Rusinë nuk kanë prodhuar asgjë pavarësisht hetimit, pyetjeve në Parlament e gjithçkaje tjetër.
Po them se, nëse duhet bërë një hetim, ai duhet të bëhet për të parë se deri në çfarë mase Fondacioni “Shoqëria e hapur” e George Soros është përpjekur të ndryshojë klimën politike, jo vetëm në Britani, por në të gjithë botën perëndimore.
Ky është hetimi që na duhet”.
