Legjenda e Arsenal-it, Thierry Henry, ka zgjedhur mesfushorin e Manchester Cityt, Rodri, përpara sulmuesit të Real Madrid-it, Vinicius Junior, për Topin e Artë të vitit 2024.
Fituesi do të shpallet në Paris më 28 tetor.
Vinicius është një nga pretendentët kryesorë për çmimin e lakmuar pas një sezoni mbresëlënës 2023-24 me Los Blancos.
Pavarësisht se humbi disa ndeshje për shkak të dëmtimi, 24-vjeçari kontribuoi me 24 gola dhe 11 asiste në 39 paraqitje në të gjitha kompeticione, ndërsa skuadra e Carlo Ancelotti fitoi La Liga-n dhe Champions League.
Sulmuesi, megjithatë, pati një ecuri zhgënjyese me Brazilin në Kupën e Amerikës 2024 – duke shënuar dy herë në tri ndeshje – përpara se Seleçao të humbiste me penallti ndaj Uruguait në çerekfinale, me Vinicius që humbi ndeshjen për shkak skualifikimi.
Në një video të publikuar nga propsMCFC, Micah Richards dhe Henry kanë zgjedhur Rodri për Topin e Artë, me francezin duke shpjeguar pse nuk e meriton Vinicius:
“Vini Jr nuk bëri një paraqitje të mirë në Copa America, Rodri meriton Topin e Artë”.
Rodri pati një sezon të shkëlqyer me klubin dhe kombëtaren. Spanjolli kontribuoi me nëntë gola dhe 14 asiste në 50 ndeshje, ndërsa City u bë skuadra e parë në historinë e Premier League që fiton katër kampionate radhazi.
Gjithashtu, mesfushori fitoi edhe Europianin me Spanjën.
