Avokati Spartak Ngjela komentoi debatet në Kryesinë e Partisë Demokratike pas zgjedhjes së drejtuesve të 12 qarqeve. Sipas Ngjelës opozita dhe PD kanë një impakt negativ në shoqëri dhe kanë rënë në sondazhe pasi kryetari Berisha është në arrest shtëpie.
”Opozita ka një impakt negativ në opinion se kryetar është u arrestuar. Mendoni se nuk influencon në pikët që duhet të marri në opinionin publik. Sondazhet i ka shumë keq. nuk po dijnë të dalin nga kjo gjendje. Kryetari i arrestuar për korrupsion nga SPAK dhe SPAK e drejton nga ndërkombëtarët.
Prandaj këta janë dobët. E dobët se e ka kryetarin të arrestuar. Nëse dënohet para zgjedhjeve para fushatës, ai nuk ka të drejtë për të qenë më në politikë. Opozita e dobët dhe nuk ka marrë masa se kush do e zëvendësojë dhe socialistët e kanë në favor”, tha Ngjela në Report Tv.
Më tej, sipas Ngjelës ajo që e rëndon situatën është se Berisha u shpall non grata dhe një parti e djathtë në Shqipëri nuk vjen në pushtet nëse është anti-amerikane.
”Çështja që këto i ka në disfavor, opozita është e përçarë. Duhet të gjendet arsyeja. Është Berisha, nuk mund të drejtojë Berisha të djathtën zonjë. Është non grata në Amerikë. Të djathtë anti amerikane nuk mund të ketë në Shqipëri. Mban dhe PD varur. Nuk ka opozitë, të tjerat janë artikulime të dobëta me këtë gjëmë që iu ka ndodhur”, shtoi Ngjela.
Sa i përket kërkesës dhe thirrjes së përsëritur të Berishës për qeveri teknike, Ngjela shprehet për gazetaren Esmeralda Dodaj se këto janë të kota dhe fantazira.
”Asgjë. Saliu nuk e ka aktiv, është në akuzë penale. Por ai është në një gjendje të tillë që mendon se me një revolucion berishjan do rikthejë veten. Është ëndërr në pamundësi. Është në akuzë. Fakti që nuk heq dorë nga politika, se një parti e djathtë nuk mund të jetë anti amerikane, nuk ka fjalë tjetër. Po nuk largohet dhe ta lërë të djathtën të rigjenerohet nuk do ketë të djathtë shqiptare”.
E pamundur për Ngjelën që Berisha të vijë në pushtet duke iu folur njerëzve nga dritarja.
”Nuk ka kryetar, e kanë burg. Si mund të fitosh zgjedhjet nga burgu. Është pamundësi absolute. Nga penxherja do i flasi popullit. Është në hallin e vet dhe kjo nuk zgjidhet në asgjësimin e së djathtës. Nëse tërhiqet nga PD, SPAK nuk e lëshon sepse e drejton Uashingtoni, nuk ka shpresë.
Fakti që e mbajnë e ka shumë të vështirë pafajësinë. E ka dhe SPAK, atje janë ekspertët ndërkombëtarë. Duan të reformojnë Shqipërinë me një luftë anti korrupsion. Po SPAK ka arrestuar Saliun për korrupsion, paguhet nga ndërkombëtarët. Kjo parti nuk fiton zgjedhjet. Ka kryetarin non grata.”
