17.5 C
Tirana
E mërkurë, 7 Maj, 2025
type here...

Vaji i ullirit mbetet sërish stok, eksportet në Shqipëri bien me 75%! Shkak, çmimet e ulëta që ofrojnë blerësit e huaj! Konkurrenca me prodhuesit spanjollë dhe grekë në Itali është shumë e fortë

Eksportet e vajit të ullirit vijojnë të mbeten në sasi të ulëta për këtë vit, duke reflektuar vështirësitë e sektorit.

 

Për muajt janar-mars 2025 sipas të dhënave të Doganave u eksportuan rreth 322 ton vaj ulliri. Krahasuar me të njëjtën periudhë të vjetshme eksportet e vajit të ullirit janë ulur 75%.

Për këtë periudhë në vlerë eksportet e vajit të ullirit arritën rreth 188,5 mijë lekë, kundrejt 1 miliardë lekë që ishin eksportet e muajve janar-mars 2024. Rënia e eksporteve në vlerë është 81%.

Përpunuesit dhe eksportuesit e vajit të ullirit pohojnë se vijojnë të jenë thuajse të bllokuar në eksportin e vajit rifuxho, për shkak të çmimeve të ulëta që ofrojnë blerësit e huaj, sidomos nga Italia, ku konkurrenca me prodhuesit spanjollë dhe grekë është shumë e fortë.

Aldo Jolla, eksportues nga zona e Belshit, tregon se prej muajit nëntor nuk ka arritur të shesë asnjë litër vaj të paambalazhuar. Aktualisht, ai ka të magazinuara 30 ton vaj ulliri të pashitur.

“Çmimi që kërkojnë grosistët italianë është nën koston e prodhimit. Po na ofrojnë 4,7 euro për litër, ndërkohë që në Spanjë çmimi arrin 4,2 euro. Nën 500 lekë për litër, ne nuk dalim as me koston e punës,” thotë ai.

Kostot e larta të prodhimit janë jo vetëm për shkak të pagave të larta për punonjësit, por edhe nga mekanizimi i ulët që nuk nxit rritjen e rendimentit, mungesa e subvencioneve për çdo litër vaj të prodhuar nga fermeri, si në Greqi, ku shteti subvencionon fermerin 1 euro për litër dhe nga niveli i lartë i informalitetit të shitjeve në vend.

Gjatë sezonit të fundit 2024/2025, Spanja, Greqia, Turqia, Portugalia etj., kanë pasur një prodhim të mbarë, që ka sjellë edhe rënie të çmimit të vajit të ullirit që eksportohet në tregjet e mëdha ndërkombëtare, duke e bërë vajin shqiptar jo konkurrues.

Ndërkohë, Ministria e Bujqësisë më herët pohoi për Monitor se po punon për përmirësimin e kushteve të magazinimit dhe marketingut të vajit të ullirit, përmes një projekti të financuar nga Banka Botërore me vlerë rreth 1 mln USD. Sipas këtij projekti, planifikohet ngritja e një qendre moderne në qarkun e Beratit, ku do të kryhet ruajtja, ambalazhimi dhe brandimi i produktit shqiptar të vajit të ullirit.

Por aktualisht shpresa e vetme për eksportuesit duket të jetë sezoni turistik, ku pritet rritje e kërkesës nga restorantet për vaj ulliri, prej muajit mars.

Eksportues të tjerë pohojnë se për ta tregu i eksporteve zë më tepër peshë në shitje sesa tregu i brendshëm. Për këtë arsye po angazhohen për eksportin e vajit të ullirit të ambalazhuar me markë. Ndërsa në tregun e brendshëm kërkesa për vaj ulliri të ambalazhuar është e ulët.

Tregu i vajit të ullirit shënon luhatje të shumta vit pas viti. Në vitin 2023, rritja e lartë e eksporteve, kryesisht për vajin e paambalazhuar (rifuxho) drejt Italisë, u nxit pas bumerangut të krijuar me mbiprodhimin e vitit 2022, kur fermerët nuk gjenin treg për ta shitur vajin e ullirit.

Në dy vitet e shkuara 2023 dhe 2024 u rrit sasia e eksportit të vajit nga Shqipëria, sepse vendet si Spanja dhe Italia, që dominojnë tregun botëror, patën një rënie të madhe të prodhimit për dy vite me radhë, për shkak të mungesës së reshjeve. Gjatë sezonit të fundit 2024/2025, Spanja, Greqia, Turqia, Portugalia etj., kanë pasur një prodhim të mbarë, që ka sjellë edhe rënie të çmimit të vajit të ullirit që eksportohet në tregjet e mëdha ndërkombëtare./ Monitor

eks eks2

Zbulohen prova të reja/ Një planet misterioz mund të fshihet në sistemin diellor

Astronomët kanë zbuluar prova të reja që sugjerojnë se një planet i ri misterioz mund të fshihet në skaj të sistemit diellor.

planet

Një ekip ndërkombëtar nga Tajvani, Japonia dhe Australia përdori të dhëna 40-vjeçare nga dy anije kozmike për të dalluar ato që ata besojnë se janë shenja se ky planet i largët po lëviz rreth diellit tonë.

Planeti Nëntë (ose Planeti X siç e quan NASA) u shfaq për herë të parë si një mundësi reale në vitin 2016, kur dy astronomë nga Instituti i Teknologjisë i Kalifornisë paraqitën prova për një tërheqje të madhe gravitacionale (një planet) shumë përtej Neptunit.

Tani, një studim i ri ka ngushtuar një listë prej 13 kandidatësh në një objekt të vetëm të mundshëm që lëviz ngadalë rreth diellit tonë në një distancë prej rreth 46.5 miliardë vitesh dritë.

Ky planet i ri në skajet e jashtme të sistemit diellor do të ishte pothuajse 20 herë më larg diellit sesa Plutoni.

Meqenëse ky planet i fshehur mund të jetë kaq larg, studimi i ri hipotezon se ka të ngjarë të jetë një gjigant akulli si Urani ose Neptuni.

“Megatenderi” i Spitalit të Djegieve, Vetting: Si u skualifikuan konkurrentet, që të fitonte nipi ish-deputetit të PS! Kreu i KPP i ‘hapi’ rrugën Arbër Abazit dhe Petrit Patushit! Myzyri përfundon në SPAK

 

EMISIONI VETTING

Pas pesë vitesh në 17 mars 2025, Qendra Spitalore Universitare “Nënë Tereza” përmes Operatorit të Blerjeve të Përqendruara shpalli tenderin për rikonstruksionin e godinës së Djegies Plastike në QSUT, Tiranë, projekt do të financohet nga buxheti I shtetit me fondi limit 522 milionë lekë ose 5.2 milionë euro.

Për këtë tender u regjistruan gjithsej dymbëdhjetë operatorë ekonomikë, pesëmbëdhjetë ditë pas mbajtjes së tenderit u shpall fitues bashkimi i kompanive “AGRI CONSTRUCTION – ALKO IMPEX CONSTRUCTION” me ofertë 487 milionë lekë.

Disa prej operatorëve ekonomikë kërkuan më pak para për të realizuar projektin, psh. “ERGI”  me “BE-IS”  kërkuan 446 milionë lekë, pra 40 milionë lekë më pak se fituesit. Ajo që bie në sy është fakti se përveç konsorciumit fitues, të njëmbëdhjetë operatorët e tjerë ekonomikë janë skualifikuar që në fazën e parë duke ia garantuar fitoren biznesmenëve Petrit Patushi dhe Arbër Abazit. Ky i fundit është nipi i Sadri Abazit, ish deputetit të Partisë Socialiste, për të cilin Partia Demokratike ka ngritur vazhdimisht akuza për favorizim nga Komisioni i Prokurimeve Publike.

Kryetari i Komisionit të Prokurimeve Publike, Jonaid Myzyri sipas opozitës ka qenë i punësuar si jurist prej disa vitesh në kompanitë e Arbër Abazit. Vetë Myzyri është nën hetim nga Prokuroria e Posaçme sepse dyshohet se ka favorizuar disa kompani në përfitimin e tenderave publikë.

Arbër Abazi renditet si një ndër përfituesit më të mëdhenj të fondeve publike, ashtu si në rastin e tenderit për rikonstruksionin e godinës së Djegies Plastike ku oferta fituese arrin 90% të fondit limit. Kjo procedurë e tenderit është shënuar me flamur të kuq nga “Openprocurement.al” pasi ka dyshime për korrupsion dhe favorizim të kompanive fituese.

Shumica e tenderave të fituar nga ALKO IMPEX CONSTRUCTION (Ish KLEDOR ALBANIA-09) janë me flamur të kuq pasi skualifikohen nga gara të gjithë pjesëmarrësit ose garon vetëm kjo kompani në tender duke u shpallur automatikisht fituese.

Duket qartë që ky proces tenderimi ngre shumë pikëpyetje rreth skualifikimit të kompanive që paraqitën një ofertë më të leverdishme për kryerjen e punimeve.

Oferta e shpallur fituese është bërë në bazë të pikëve, elementi kryesor i shpalljes së fituesit është çmimi, pra çmimi duhet të ishte sa më i ulët. Në këtë rast është shpallur fituese oferta me çmimin më të lartë pasi janë skualifikuar kompanitë e tjera.

Agjencia e Prokurimeve merr masa ndaj kompanive në QSUT

Analizimi i raportit të Kontrollit të Lartë të Shtetit për QSUT-në i publikuar në dhjetor 2023 të jep përshtypjen e një anarkie në Qendrën Spitalore më të rëndësishme në Shqipëri.

Nga verifikimet e kryera në Spitalin e Urgjencës, sipas auditit, “Nga verifikimi fizik i kryer në Spitalin A2 (Urgjencës) në mars 2023 “është konstatuar se në 1312 copë për 6 artikuj në vlerën 25 milionë lekë, nuk janë zbatuar specifikimet teknike” nga kompania “RO-AL” me pronar Robert Kaso.

Ka qenë Agjencia e Prokurimit Publik, e cila pasi ka marrë në dorëzim konkluzionet nga Kontrolli i Lartë i Shtetit, ka zhvilluar një hetim më të thelluar, duke arritur në përfundimin se kompania “Ro-al” nuk ka përmbushur detyrimet kontraktuale. Më 25 Korrik 2024 me anë të vendimit nr. 73, APP-ja ka vendosur të përjashtojë operatorin ekonomik R0-AL nga e drejta për të fituar kontratat publike për një periudhë 12-mujore.

Një nga kompani tjetër që është penalizuar nga Agjencia e Prokurimit Publik për problemet me zbatimin e kontratave të përfituar nga QSUT-ja është “Biometric Albania” në pronësi të Artur Kadaresë.

Në korrik të vitit 2022, ish drejtoresha e Përgjithshme, Albana Fico do të nënshkruante kontratën me kompaninë “Biometric Albania”, për tenderin “Furnizim vendosje të aparaturave mjekësore për spitalin e ri të ndërtuar (A2), loti 10”.

Në 30 nëntor 2022, QSUT, në zbatim të kontratës, ka marrë në dorëzim 130 shtretër pacienti me kontroll manual për vlerën 12 milionë lekë dhe 84 krevat spitalor ICU me 3 motor për vlerën 10 milionë lekë.

Por sipas Kontrollit të Lartë të Shtetit, “Nga verifikimi fizik i kryer në Spitalin A2 (Urgjencës), më datë 27 dhe 28 mars 2023 u konstatua se 130 shtretër pacienti me kontroll manual për vlerën 12 milionë lekë me TVSH, nuk janë të rinj, por të përdorur…”.

Edhe në këtë rast, Agjencia e Prokurimeve Publike me anë të vendimit nr. 74 në 25 Korrik 2024 do të përjashtonte “Biometrik Albania” nga pjesëmarrja në procedurat e Prokurimit Publik për një periudhë 12-mujore.

Emërimi i Albana Ficos si Drejtoreshë e Përgjithshme nga Ministria e Shëndetësisë është bërë fillim të dhjetorit 2021 deri në kryerjen e procedurave të konkurrimit në këtë pozicion pune. Sipas auditit, më QSUNT nuk ka kontratë punësimi të përkohshme ose të përhershme me Drejtorin e Përgjithshëm A.F. Pra gjatë të gjithë kohës që ka qenë në detyrë, ish drejtoresha e shkarkuar Fico, QSUNT është drejtuar me drejtor të përkohshëm dhe dy zv/drejtor përgjithshëm të përkohshëm.

Sipas ekspertit Erion Dasho, Shqipëria mund të ketë spitale që mund të jenë ndryshuar, mund të jenë lyer, mund të jenë shtruar pllaka, por teknologjia vjen duke u vjetëruar.

“Burimet njerëzore janë larguar dhe kanë lënë një sistem shëndetësor, i cili nuk është në gjendje që ti përgjigjet ashtu sikurse duhet nevojave shëndetësore të qytetarëve shqiptarë”, deklaroi Dr. Dasho.

Por teksa në rrjetën e SPAK-ut është rritur numri i zyrtarëve të lartë, në sektorin e Shëndetësisë bien më shumë të vegjlit. Deri tani i vetmi person i nivelit të lartë që është nën arrest dhe gjykim nga Gjykata e Posacme është ish ministri Ilir Beqaj. Duhet theksuar se hetimet ndaj tij kanë marrë shumë kohë dhe përsa i përket problemeve të theksuara në Qendrën Spitalore Universitare Nënë Tereza askush nuk është vendosur përpara përgjegjësisë nga kupola për skandalin e Onkologjikut, për tenderat me shkelje, për grabitjen e zyrave të administratës dhe së fundmi për inekzistencën e një godine për djegiet plastike.

FOTOLAJM/ “Po na kërcënojnë!”- Banorët e fshatit Kaçinar protestë kundër ndërtimit të Hec-it, mblidhen te ministria e Ballukut: Jo dorë e zënë në Mirditën e Bardhë!

Banorët e fshatit Kaçinar të Mirditës, kanë dalë në protestë ditën e sotme para Ministrisë së Infrastrukturës e drejtuar nga Belinda Balluku, për të kundërshtuar ndërtimin e një hidrocentrali në zonën e tyre.

Banoret e fshatit Kaçinar proteste ministria (11)

Ata e kanë cilësuar projektin si një kërcënim të drejtpërdrejtë ndaj jetesës, pronave dhe burimeve natyrore që i kanë mbajtur gjallë për breza.

Me pankarta në duar dhe zë të lartë, ata kërkojnë mbrojtjen e ujit, madje shprehen se janë kërcënuar që të braktisin vendbanimet, por nuk dorëzohen.

Banoret e fshatit Kaçinar proteste ministria (5)

“Nuk jemi dëgjuar dhe nuk kemi gjetur zgjidhje. Kemi ardhur këtu të ngremë zërin për pasuritë tona si uji dhe bjeshkët tona. Populli ka jetuar me shekuj atje falë natyrës e Zotit që na dha ujë dhe toka pjellore.

Disa grupe të errëta në bashkëpunim me pushtetarë duan të na vjedhun pasurinë tonë më të çmuar, ujin. Pa të nuk ka jetë. Duan të na lënë si peshku në rërë, të braktisim vendbanimet tona. Po na kërcënojnë”, tha një tjetër.

 

Banoret e fshatit Kaçinar proteste ministria (8)

“Uji është jetë, mos na e thani shpirtin!”, shkruhet në pankartat e tyre. “A e dinë firmëtarët specialistë që jeta ndërtohet nga uji? Nëse uji do të futet në tuba të mbyllur ku do të pijnë ujë kafshët e egra dhe jo vetëm. Duhet pasur parasysh efekti që ka ky HEC.

Ne do të qendrojmë të bashkuar në mbështetje të tokave dhe pronave tona. Edhe shteti mbrohet nga sulmuesit e jashtëm! Ne do të mbrohemi për fëmijët tanë”, tha njëri prej tyre.

Banoret e fshatit Kaçinar proteste ministria (12) Banoret e fshatit Kaçinar proteste ministria (10) Banoret e fshatit Kaçinar proteste ministria (9) Banoret e fshatit Kaçinar proteste ministria (3) Banoret e fshatit Kaçinar proteste ministria (2) Banoret e fshatit Kaçinar proteste ministria (1) Banoret e fshatit Kaçinar proteste ministria (6)

Joni Myshketa: “Aleancat e pamoralshme dhe pragmatizmi i rëndomtë politik kanë dëmtuar Shqipërinë”

Joni Myshketa, kandidat për deputet i Koalicionit Euroatlantik në Durrës, ka reaguar ashpër ndaj praktikave të shumta të pragmatizmit politik që, sipas tij, po dëmtojnë thellësisht besimin e qytetarëve në politikën shqiptare. Ai thekson se shumë politikanë shohin pushtetin vetëm si një mundësi për të realizuar interesa personale, duke injoruar integritetin dhe moralin.

Myshketa vë në dukje se politika shqiptare ka degraduar në një konkurrencë të shfrenuar për pushtet, ku përjashtohen zërat e rinj dhe aleancat formohen për qëllime pragmatike, duke u bërë gjithnjë e më të largëta nga nevojat reale të qytetarëve. Sipas tij, ky pragmatizëm politik ka bërë që qytetarët të humbasin besimin në klasën politike dhe të humbin çdo shpresë për ndryshim.

Ai thekson se zgjedhjet dhe pushteti nuk janë çështje të “radhës”, por të meritës, duke shpërndarë gjithashtu një mesazh të qartë për nevojën e një politike të bazuar në moral, ndershmëri dhe qytetari. Myshketa e mbyll fjalën e tij me një kritikë të fortë ndaj praktikave të korruptuara dhe të inkriminuara që, sipas tij, kanë karakterizuar politikën e Shqipërisë për më shumë se një dekadë.

 

Postimi i plotë i Joni Myshketës:

_”E dëgjoj shpesh kur thonë se rëndësi kanë nr…(por pa moral brenda janë të barabartë me ZERO, nuk bëjnë asnjë diferencë me të keqen)

Duhen votat thonë, kur së bashku me pushtetin mbyllën listat, duke u mbyllur derën të rinjve..

Duhet të vimë ne në pushtet thonë disa që pikërisht prej babëzisë së tyre u përzunë prej tij…

Është radha jonë thonë disa të tjerë…se kemi këshilltar Amerikan me vete, se i paguajmë sa frëngu pulën e na duhet pushteti për të larë borxhet….

Nuk është me radhë kjo punë, por me meritë..

Amerikani I radhës lëshon faturën dhe gajaset me mentalitetin tonë…

Disa madhështor të tjerë (PL) bashkojnë votat me pushtetin në Këshillin Bashkiak për të shpyllëzuar e për të hedhur beton ndërkohë që janë në “opozitë” të ethshme me ta.

Pa harruar lloj lloj deklaratash karshi të ngjashmëve që nuk e mendojnë si ti…

Nuk mundet e keqja me një të keqe më të vogël..

Nuk mundet errësira me errësirë, por vetëm me dritë…

Nuk mundet një pushtet I korruptuar dhe I inkriminuar si ky që kemi tash e 12 vite me arrnime, me aleanca të pamoralshme, me figura të konsumuara që vegjetojnë në politikë

Pikërisht ky pragmatizëm politik i ka neveritur qytetarët me prodhimtarinë tuaj politike…

Vetëm përmes moralit, ndershmërisë e qytetarisë mund të jesh alternativë….”_

11 Maji – Një ‘referendum’ për drejtësinë, jo për të nxjerrë shokët nga burgu

Nga Namir Lapardhaja

Zgjedhjet e 11 majit nuk janë thjesht pjesë e një cikli elektoral rutinë. Ato janë një moment kritik për drejtimin moral dhe politik të vendit. Të gjithë kemi parë sesi politika shqiptare është kthyer në një strehë për të paprekshmit. Tani jemi përballë një dileme të qartë: të votojmë për ndryshimin ose të votojmë për të nxjerrë shokët nga burgu.

Rama dhe Berisha nuk janë zgjidhja. Ata janë përfaqësuesit e një politike të konsumuar, që kanë ndërtuar karrierat mbi korrupsion, klientelizëm dhe pazare për të mbrojtur veten dhe sistemin. Qeverisja e tyre ka prodhuar më shumë varfëri dhe më shumë pabarazi. Zgjedhja për t’i votuar përsëri është zgjedhja për të mbajtur peng Shqipërinë.

Rama nuk është alternativë. Është përpjekja për të kapur drejtësinë, për të shpëtuar shokët nga 313. Në vend që të ofrojë ndryshimin, numri 5 përfaqëson stanjacionin e së vjetrës me një ambalazh të ri.

As Berisha nuk është zgjidhja. Partia që dikur përfaqësonte sakrificën e demokratëve, sot është kthyer në një mekanizëm riciklimi për figura të errëta të tranzicionit. Si mund të thuash “jo krimit dhe korrupsionit”, kur në listën tënde ke Ilir Metën?

Nëse duam një Shqipëri të drejtë, me një sistem ku drejtësia është e barabartë për të gjithë, ku pushteti nuk përdoret për të mbrojtur të korruptuarit, atëherë nuk mund të votojmë as për 5, as për 1, dhe as për të vjetrën që na ka zënë prej fyti.

11 Maji është dita kur duhet të themi “Jo!” politikës që intimidon drejtësinë. “Jo!” partive që kërkojnë votën për të mbrojtur shokët e tyre. “Jo!” së vjetrës që kërkon të riciklohet.
11 Maji duhet të jetë dita e një ‘referendumi’ në mbështetje të drejtësisë dhe të fundit të pandëshkueshmërisë në këtë vend.

Endri Hasa: 9 ditë nga zgjedhjet, është koha të ndëshkojmë të korruptuarit me votë

Kandidati për deputet i Koalicionit Euroatlantik në qarkun e Elbasanit, Endri Hasa, ka bërë një thirrje publike për qytetarët, duke i ftuar që më 11 maj të votojnë për ndryshimin dhe ndëshkimin e politikës së korruptuar të tranzicionit.

Në një deklaratë të shpërndarë në rrjetet sociale, Hasa thekson se qytetarët kanë në dorë një vendim të rëndësishëm që nuk ndikon vetëm në të ardhmen e Elbasanit, por të gjithë Shqipërisë. Ai bën thirrje për besim tek forca e qytetarëve dhe te mundësia reale për të sjellë ndryshimin.

Postimi i plotë i Endri Hasës:

9 ditë na ndajnë nga një vendim i madh për Elbasanin dhe gjithë Shqipërinë! Është koha të besojmë tek forca jonë, tek mundësia për një të ardhme më të mirë, tek shansi për të ndëshkuar me votë të korruptuarit. Ndryshimi vjen nga ju më 11 maj, voto për të ardhmen, voto Endri Hasën, voto Koalicionin Euroatlantik.

Beso te Shqipëria
✅ Voto Nr. 4️⃣ Koalicioni Euroatlantik
✅ Voto Endri Hasa

Shqipëria Madhështore nuk ndërtohet me njerëz të vegjël në shpirt dhe të mëdhenj në vjedhje!

Nga Bujar Vreto

Sot na duhet të pyesim me zë të lartë: Me kë do ta bëjmë Shqipërinë madhështore? Me “trekëndëshin e Bermudës”?
Me ata që shpenzojnë miliona për postera në një popull të varfër, ndërsa fëmijët tanë largohen për bukën e gojës?
Me ata që janë dhe kanë qenë ministra, drejtora, kryeministra dhe janë kthyer në oligarkë të politikës dhe gllabërues të ekonomisë?

Jo, vendi nuk ndërtohet nga ata që bëhen bashkë vetëm kur ndihen të rrezikuar nga SPAK-u. Nga ata që bëjnë ligje jo për popullin, por për të mbrojtur njëri-tjetrin. Nga ata që listat i duan të mbyllura, që t’i caktojnë vetë deputetët, jo qytetarët.

Ne nuk mund të ndërtojmë një të ardhme me njerëz që prej 34 vitesh kanë grabitur gjithçka, që kanë vrarë shpresën, që kanë përzënë rininë, që i tremben drejtësisë dhe i binden vetëm interesave të tyre.

Shikoni mbrapa kurrizit tim. Shikoni si i shpenzojnë paratë e vjedhura nga taksat tuaja.
Dilni e shikoni veprat publike si janë shkatërruar që janë marrë në dorëzim nga këta hajdutë, hulumtoni për tenderat që këta kanë firmosur dhe sot enden dyerve të drejtësisë. Këto nuk janë vetëm dëshmi të dështimit, por provat e vjedhjes!

Prandaj unë sot i bëj thirrje popullit të rrethit Librazhd, të qarkut Elbasan, dhe gjithë Shqipërisë: Zgjohuni! Mos i lini t’ju mashtrojnë përsëri! Votoni për njerëzit e ndershëm. Largoni me votë ata që janë në tavën e drejtësisë, ata që duan të riciklohen dhe të vazhdojnë të na vjedhin dhe gënjejnë!

Koha e tyre ka mbaruar. Koha e popullit ka ardhur! Le ta ndërtojmë Shqipërinë me njerëz që kanë ndërgjegje, jo me ata që kanë dosje!

Koalicioni Euroatlantik përmbyll fushatën më 8 Maj – Mesazh për anëtarët: “Ky është momenti vendimtar!”

Koalicioni Euroatlantik ka njoftuar zyrtarisht zhvillimin e aktivitetit përmbyllës të fushatës elektorale më 8 Maj, ora 18:30, në Pallatin e Sportit “Asllan Rusi”.

Në një mesazh dërguar anëtarëve të Këshillit Kombëtar, drejtuesit e koalicionit theksojnë rëndësinë e kësaj ngjarjeje, duke e cilësuar si një moment vendimtar për forcimin e mesazhit politik dhe angazhimin qytetar.

“Prania juaj dhe pjesëmarrja sa më e gjerë janë thelbësore për suksesin e këtij eventi,” thuhet në komunikim, i cili vjen në një fazë kritike, vetëm tre ditë përpara zgjedhjeve të 11 Majit.

Pritet që në këtë event të marrin pjesë përfaqësuesit kryesorë të Koalicionit Euroatlantik, kandidatët për deputetë nga të gjitha qarqet, si dhe një numër i konsiderueshëm mbështetësish nga e gjithë Shqipëria.

Koalicioni Euroatlantik ka zhvilluar një fushatë intensive, të fokusuar në çështje të rëndësishme për qytetarin dhe familjen shqiptare, drejtësia, ekonomia, integrimi europian dhe rikthimi i besimit në politikë.

“Bëhuni pjesë e mbylljes së fushatës – Shqipëria meriton më shumë!”

Ligji i ri i Kroacisë për ‘varrezat’ nxit ndjenjat e pakicës serbe

Lufta e pavarësisë së Kroacisë përfundoi pothuajse 30 vjet më parë. Megjithatë, ligjvënësit e vendit anëtar të BE-së dhe NATO-s menduan se disa çështje ende duheshin lënë mënjanë.

Të mërkurën, deputetët votuan me shumicë dërrmuese në favor të Ligjit të ri për Varrezat, duke zëvendësuar legjislacionin dy dekadash të vjetër me një sërë rregullash të reja, të cilat tani kërkojnë heqjen e mbishkrimeve dhe pllakave të varrezave të ngritura gjatë konfliktit të viteve 1991-1995 “që nuk janë në përputhje me rendin kushtetues”.

Ligji i ri, siç shpjegohet në një deklaratë të lëshuar nga Ministria e Planifikimit Fizik, Ndërtimit dhe Aseteve Shtetërore, ndalon mbishkrimet e bëra gjatë “pushtimit dhe riintegrimit paqësor” dhe përmban “simbole që mund të ofendojnë moralin dhe ndjenjat e qytetarëve”.

Ligji synon veçanërisht gurët e varreve të ndërtuar pas 30 majit 1990 dita kur Republika e atëhershme Socialiste e Kroacisë përuroi parlamentin e saj të parë shumëpartiak, një hap i parë në rrugën e saj drejt pavarësisë nga pjesa tjetër e Jugosllavisë.

Një seri përleshjesh dhe rrethimesh fillestare shkatërruan qytete si Vukovari, në verilindje të Kroacisë, dhe çuan në një ngërç të organizuar nga bashkësia ndërkombëtare, të monitoruar nga paqeruajtësit e OKB-së.

Megjithatë, në vitin 1995, Operacionet “Flesh” dhe “Stuhia” të ushtrisë kroate të riorganizuar dhe të riarmatosur i dhanë fund luftës duke i shtyrë në mënyrë efektive forcat serbe — dhe shumicën e popullsisë etnike serbe — nga territori i saj.

Tani, ligji i ri planifikon të heqë çdo memorial që lavdëron Republika Srpska Krajina ose nderon forcat armike, duke përfshirë edhe referimin ndaj Kroacisë si “tokë serbe”.

Legjislacioni përcakton se çdo qytetar mund të raportojë një gur varri ose monument tjetër si potencialisht problematik. Nëse konstatohet se është fajtor, pronarët e parcelave ose të afërmit e të varrosurve do të kenë 30 ditë kohë për të ndryshuar mbishkrimin. Përndryshe, ata do të përballen me një gjobë prej 1,000 deri në 5,000 euro.

Vendimi për atë që mund të jetë në shkelje të ligjit do të merret nga një komision vendor, i përbërë nga pesë anëtarë të pavarur, përfshirë një historian, një historian arti dhe një avokat.

Më herët në prill, Ministri i Ndërtimit, Planifikimit Hapësinor dhe Pronës Shtetërore Branko Bačić tha se ndryshimet në ligj u nxitën nga fakti se “pas pushtimit të një pjese të Kroacisë gjatë Luftës Atdhetare, mbetën varre të caktuara, ku ishin gdhendur monumente dhe pllaka përkujtimore me emra të papërshtatshëm në kundërshtim me rendin kushtetues dhe ligjor të Republikës së Kroacisë”.

1...161718...8 288Faqja 17 nga 8 288

Kryesore

Continue to the category
Më shumë
© 2024 Rilindja Demokratike Euroatlantike