Nga Ilir NIKOLLA

Disa herë gjatë këtyre 7 viteve (keq)qeverisje, Edi Rama ka kalëruar tezën e sovranizmit, si një metodë për t’u imponuar si “i fortë” brenda vendit, dhe si i vetmi intelokutor me “të jashtmit” dhe të njëjën lojë po kërkon ta imponojë edhe tani me ndryshimin e paprecentë të kushtetutës, për të siguruar një fitore zgjedhore në tavolinë.

Fakti është se përvojat e deritanishme, përveçse kanë nxjerrë gafil dobësitë momentale të pozicionit politik të kryeministrit, nuk ja kanë dalë që sovranizmin ta shndërrojnë në një pozicion standard të diplomacisë publike të shefit të qeverisë. Në kohën e armëve kimike, tërheqja u justifikua me një defekt në komunikim, me fjalë të tjera me një ngatërresë, ndërsa në rastet e tjera, si me gili-vilit me nismat e bashkëpunimit me Kinën, me tentativat për një vizitë zyrtare në Moskë, apo edhe me marrëveshjet private për ndarje kufijsh me Greqinë, sovranizmi i Edi Ramës është shumëzuar me zero, duke u cilësuar si i panevojshëm.

Dy rastet që meritojnë një analizë të posaçme, për të kuptuar se pse Edi Rama strehohet tek sovranizmi, jane pozicionet e forta ndaj Bashkimit Evropian, duke e “shantazhuar” këtë të fundit se Shqipëria kishte edhe hapësira të tjera ku të integrohej (!!!), si dhe mbrojtja me shpatë e mundësisë për shkëmbimin e territoreve mes Kosovës dhe Serbisë. Në të dyja rastet, Edi Rama ka luajtur në advancë, për t’i dalë përpara asaj që dihej, mos’hapjes së negociatave dhe identifikimit të qeverisjes së tij si vatra e vërtetë e infeksionit.

Më mirë, bllokojmë denoncimet publike të Brukselit për keqqeverisjen e po ashtu bëjmë pazare me tokat shqiptare, në këmbim të Vuçiçit si aleat shtesë. Në këtë skemë, pra në atë të aleatit shtesë, mund të lexohet edhe pozicioni i kundërt, ai i rrogozit, që kryeministri shqiptar ka mbajtur ndaj kryeministrit turk, duke shkelur çfarëdolloj standardi të shtetit ligjor, vetëm e vetëm për të dorëzuar gylenistët që kishin kërkuar azil politik tek ne.

Sovranizmi i Edi Ramës nuk ëshë një konstante, aq më pak nuk është një ideologji e tij. Sovranizmi është një mjet, që edhe pse është përdorur shpesh, praktikisht s’ka dhënë rezultate, veç ndonjë fitore të vogël propagandistike në mediat e Tiranës. Edi Rama është zbuluar tashmë (ka nisur edhe të demaskohet) nga kancelaritë e Perëndimit, nuk është konsideruar nga Moska dhe Pekini, si dhe është keqpërdorur nga Beogradi dhe Ankaraja.

Me këtë libër të zi përvoje, ai i është futur edhe njëherë detit në këmbë dhe po kërkon prishjen e zgjedhjeve, përmes ndryshimit të njëanshëm të kushtetutës dhe pa referendum, një gjë e pandodhur në 30 vite tranzicion. Mungesa e precedentit flet për vështirësinë e madhe përballë të cilës ndodhet kreu i mazhorancës. Edhe njëherë, rregullat e lojës nuk mjaftojnë që ta lejojnë Ramën të përballet me tmerrin e vet, të përballet me votën e të qendrojë mbi ujë, prandaj, me maskën e sovranistit në fytyrë, ai po refuzon çfarëdo apeli ndërkombëtar për t’u ndalur.

Kryeministri ynë mund të jetë në të drejtën e vet të provojë edhe njëherë një lojë të cilën 5-6 herët e shkuara e ka humbur, por përveç kostos, që ai s’po ja kursen vendit, kur lojën e luajnë të njëjtët lojtarë, përfundimi dihet. Veç këtë herë, spektakli ka rrezik të jetë më piroteknik, për shkak se Edi Rama po bën një gjë që s’guxuan ta bëjnë as falangat që erdhën në pushtet me armë pas rebelimit të ’97-s.

Taulant Balla është i mirënjohur si një ndër personazhet e politikës, tejet i përfolur për lidhjet e tij me botën e krimit.

Taulant Balla si deputeti i Partisë Socialiste në Librazhd është i përfolur se drejton grupin kriminal të Suel Çelës, ky grup kriminal e ka qendrën në Elbasan, është shumë i fuqishëm në Shqipëri, the hetuar se merret me trafik ndërkombëtar të lëndëve narkotike, me marrjen e tenderave të qeverisë së partisë socialiste në mënyrë të jashtëligjshme, etj.

Taulant Balla, i cili jep leksione drejtësie, është i përfolur për 57 udhëtimet me trafikantin ndërkombëtar të drogës, Edmond Bego.

Dy makina Toyota Yaris që u kapën në portin e Durrësit me rreth 5 milionë euro, kanë përfolur pikërisht deputetin “puritan” të Librazhdit.

Sa të vërteta janë këto?

Duhet që pikërisht kjo “drejtësi drapër” të na i sqarojë.

Entuziazmi i Taulantit se do t’ja hedhë pa u hetuar nga BKH e pa u ndëshkuar, ndoshta ka lidhje me besimin se ky e rraca e tij kanë, se do ta kenë përgjithmonë drejtësinë “drapër” në duart e tyre!

Po, po tamam drapër, të ndëshkojnë zërat kundër e të mbrojnë krimet e tyre!

Gjithsesi një gjë ta kesh të sigurtë Taulant, asgjë nuk është e përjetshme, as mosha, as shëndeti, as pasuria, pushteti jo se jo!

Ilir Allkja
mjek

Nga Red VARAKU

Shpejtësia me të cilën reagoi faktori ndërkombëtar kundër ndryshimeve të njëanshme kushtetuese duke kërcënuar me bllokimin e integrimit dhe izolimin e Shqipërisë, i ka tronditur themelet e rilindasve, sepse ata i dinë pasojat e çdo vendimi në kundërshtim të vullnetit të tyre, aq më tepër kur bēhet fjalë për rregullat bazë të pluralizmit dhe demokracisë, që është investim 100% i tyre.

Vendosmëria e Perëndimorëve dhe kërcënimi i tyre me bllokim të integrimit e ka asgjësuar atë ndjenjën e triumfalizmit tek ata që po kërkojnë të bëjnë një akt ekstrem, kundër sistemit dhe demokracisë. Kjo sepse ata i dinë mirë pasojat që vijnë në rast përplasje me Perëndimin.

Nuk jam i sigurt, nëse vërtet mazhoranca do t’i realizojë ato që thotë, por ajo që e shqetëson kryeministrin, është se askush nuk po i troket në derë për t’i ofruar një garanci për të ardhmen e tij.

Mazhoranca është e pështjelluar, jo vetëm sepse po has çdo moment me refuzimin e prerë të opozitës për çdo ofertë të tij, por edhe sepse nuk ka ngjallur aq panik sa mendonte me kërcënimin për ndryshime kushtetuese.

Këto dy çështje janë sot edhe halli më i madh politik i mazhorancës.

Pra, ajo po kërcënon me një akt që shemb sistemin e pluralizmit dhe rregullat e lojës në një Republikë Parlamentare, që në thelb janë një grusht i hapur shteti, por çuditërisht as opozita dhe as faktori ndërkombëtar nuk duken të shqetësuar për këtë.

Në kohën që Rama kërcënonte se do t’i bënte këto ndryshime kryetari i opozitës së bashkuar ndodhej në një vizitë, që është cilësuar ndër vizitat më të suksesshme të një lideri politik shqiptar në Prishtinë, ndërsa faktori ndërkombëtar as nuk është trazuar për t’i ofruar një varkë shpëtimi.

Dhe nuk kanë faj kur mendon se prej 30 qershorit ata janë investuar për një zgjidhje paqësore të krizës shqiptare.

Kanë duruar spërdredhjet dhe llastimet e Ramës, por me presion dhe durim arritën ta detyronin të pranonte Këshillin Politik dhe marrëveshjen e 5 qershorit, që në fakt ishte një mekanizëm, i cili në fakt delegjitimonte parlamentin, por garantonte një zgjidhje paqësore të krizës.

Jo më kot dokumenti i marrëveshjes ishte në anglisht dhe u përshëndet si nga BE ashtu dhe nga numri dy i SHBA-ve, z. Mike Pompeo.

Ndaj, pas gjithë këtij investimi, kush mendon se SHBA, BE dhe Opozita e Bashkuar do të tërhiqen nga vendimi i tyre për t’i rikthyer shqiptarëve mundësinë për të zgjedhur me votë të lirë qeverinë e tyre, e ka shumë gabim.

Pas gjithë këtyre përpjekjeve ata nuk mund të tolerojnë më askënd dhe është e qartë që nuk do të tolerojnë. Rama ka në dorë vetëm të zgjedhë. Uroj që të mos bëjë zgjedhjen që bëri Gruevski për t’iu kundërvënë Perëndimit.

Kjo jo aq për Ramën, sepse do të ketë padyshim ndëshkim më të ashpër se ai dhe këtë e lusim të gjithë, por për popullin shqiptar, i cili nuk meriton më të presë në dyert e ëndrrës së tij më të madhe.

Nga Orjola PAMPURI

Në përfundim të mandatit të dytë të qeverisjes, Edi Rama në vend që të bëjë bilancet e një dështimi galopant në çdo sektor, tenton të përdorë e shpikë çdo lloj mekanizmi me anë të të cilit llogaritë e tij tashmë të falimentuara mund ta shpëtojnë nga humbja. E të gjitha këto i bën ndërmjet kalkulimesh bazuar në lojëra të pista duke bashkëngjitur këtu dhe djemtë e tij problematike, trafikante, e mjeshtra të mashtrimit për shitblerjen e votës, duke fshirë nga çdo lloj kalkulimi votën e qytetarit, pikërisht të parën dhe të fundit mënyrë me të cilën një forcë politike vjen në pushtet.

Po ka një arsye madhore se përse nuk e kalkulon, sepse e di mirë që në çdo variant del i humbur, pasi ishte pikërisht ky që, shkatërroi institucionet e shtetit, duke e lënë vendin pa Gjykatë Kushtetuese e Gjykatë të Lartë, duke përvetësuar të gjitha pushtetet, ky armik i lirisë dhe votës së lirë, nuk mund të përballet më me Shqiptarët, sepse ata nuk mund t’ia falin;

-varfërinë ekstreme në të cilën po jetojnë deri në kufijtë e mbijetesës.

– shtresat në nevojë nuk ishin për asnjë moment në vëmendje të kësaj qeverie.

– personat me aftësi të kufizuar u perdorën për show, duke mos i dhënë zgjidhje dhe duke mos mbajtur asnjë premtim përballë tyre.

– borxhi publik pati rritjen më të madhe në këto shtatë vite.

– shtoi kushtet për çeljen e negociatave, falë korrupsionit, drogës, përfshirjes në politikë e shitblerje votash të personave me preçedente penale e trafikantëve, duke zbehur gjithnjë e më shumë ëndrrën e shqiptarëve për tu bërë pjesë e familjes së madhe Europiane.

– mbylli me qindra biznese të vogla, të mesme e të mëdha

– rriti taksat e nuk rriti pagat e pensionet

– në 7 vite shtroi aq km rrugë sa gishtat e dorës

– vuri traun në rrugën e Kombit, në atë rrugë ku ndjehemi krenarë për çdo km që përshkojmë, një ëndërr e madhe për çdo shqiptar, ku anti shqiptari tentoi të ç’bëjë këtë urë të madhe bashkimi.

-përzuri mjeke e inxhinierë, profesionistë të nderuar e qytetarë të ndershëm, të cilët përfaqësojnë shtresën e mesme, duke rrënuar me të varfërit e duke ‘ngopur orekset’ e një grupi oligarkësh që ushqejnë xhepat e tyre dhe te Edi Ramës me taksat e me gjakun e popullit. etj etj………

– Ndaj Edi Rama ka frikë të përballet me qytetarët.

– Ndaj marionetat e tij të dalura boje llomotisin nga mëngjesi në darkë si papagaj, atë që u mëson dështaku historik, të cilin e vetmja gjë që i jep shpresë në këto momente dhe nuk e ka lëshuar ende, është deliri, nëse dhe ky e lëshon, atëhere do të përfundojë si Narcizi, do të mbytet pikërisht në “pellgun” ku do të tentojë t’i mbushë mendjen vetes që ende vlen, ky do të jetë dhe fundi i Edi Ramës. Sido që t’i bëjë zgjedhjet humbja e tij është e sigurt.

Nga Ilir ALLKJA

Në momentet ekzistenciale, kur vendi është gjunjëzuar nga epidemia e coronavirusit, kur strukturat sanitare të vendit kanë kërkesa imediate për materiale mjekësore, teste, materiale mbrojtëse e shumë nevoja të tjera, Rama realizon fiksimin patologjik për shembjen e Teatrit Kombëtar dhe rindërton kërpudhën helmuese në oborrin e kryeministrisë.

Në kohën kur mijëra familje të mbetura pa strehë nga tërmeti flejnë nëpër çadra ose janë duke paguar qera, varrmihësi i parave publike shemb njërën nga godinat simbol të kulturës e historisë së Shqipërisë dhe “mbjell” kërpudhën e preferuar helmuese në tempullin e egzekutivit të Shqipërisë!

Një vend i varfër, i rraskapitur nga zhvatësit e vjedhësit më të pashpirt të gjithë kohërave kishte vërtetë mangut një kërpudhë disa milionëshe!