Pavarësisht se Parlamenti Europian i ka kërkuar Shqipërisë përmbushjen e 15 kushteve përpara Konferencës së Parë Ndërqeveritare, kryeministri i vendit iniston se nuk ka për nisjen zyrtare të negociatave.

Edhe vetë eurodeputeti gjerman Michael Gahler në takimin e Komisionit për Marrëdhëniet me Jashtë në Parlamentin Evropian ditën e djeshme (22 qershor) tha se BE është serioze, ndaj shqiptarët duhet ta kenë të qartë që kushtet duhen plotësuar.

Në një intervistë për Ora News, ish deputetja e PD-së, Grida Duma u shpreh se Europa i ka ndezur “llampën e kuqe” Ramës duke i kërkuar plotësimin e pikave.

Ajo shprehet se Bundestagu prej kohësh ka kërkuar plotësimin e tyre por qeveria shqiptare nuk ka arritur të përmbushë asnjë.

Duma: Reforma zgjedhore është një ndër pikat e vendosura nga BE. Ishte detyrimi i vetëm i opozitës ndaj këtyre 15 kushteve që janë një dëtyrim tashmë për tu plotësuar përpara konferencës ndërkombëtare përpara dhjetorit. Nuk kishte ndodhur ndonjëherë që Parlamenti Europian të jepte një kusht të tillë, plotëso ose nuk vijon. Përpara një viti kishte 3 vite rresht që thoshte të hapen negociatat pa kushte kushtet.

Ky ndërrim kaq i shpejt do të thotë që ndërkombëtarët po i vendosin “llampë të kuqe” Edi Ramës. Sepse 15 kushtet kanë 1 vit që kërkohen nga Bundestagu. Dhe nga këto 15 rezulton se shteti shqiptar nuk ka realizuar asnjë. E vetmja që i takonte me më shumë barrë opozitës ishte reforma zgjedhore ndaj ne morëm pjesë në tryezën e këshillit politik.

Gjithashtu përsa i përket reformës zgjedhore e cila ende nuk po bën bashkë palët, Duma thotë se Rama po mendon të kapë çfarë të kapi. Në fillim me administratën zgjedhore e tashmë me KQZ-në.

Ajo shprehet se kryeministri i vendit nuk mund të dalë kundër partnerëve ndërkombëtarë, BE-së dhe ShBA-së të cilët patën dhe një rol kryesor në këtë reformë.

Duma: Ajo që po rrezikohej në këtë tryezë në ditët e para ishte që dhe komisionet zgjedhore të bëheshin nga administrata publike, pra të kishim një kthim prapa. Se askush nuk dyshon që administrata të ishte e depolitizuar. Kjo qeverisje e ka shkatërruar administratën pasi ka futur njerëz politik. Hyjmë në zgjedhje me një tjetër premtim, ditën e dytë thyejmë çdo premtim dhe themi që ishte premtim zgjedhor. Kjo duhet të mbarojë një orë e më parë.

Kjo nuk u arrit dhe qartësia jonë që Rama donte të kapte reformën zgjedhore u lexua qartë në publik. Po fillonte frika e Ramës. Tani vijon me KQZ. Në 30 vite tranzicion KQZ ka qenë gjithmonë e balancuar. Tani kërkojnë që deputetët e Partisë Socialiste të zgjedhin KQZ-në. Nuk bëhet, ose do jetë e balancuar ose nuk ka. Rama duhet të kuptojë që nuk mund të jetë kundër ShBA-së dhe BE-së. Po bën një gabim të madh nëse po mendon ti vendoset kundër ShBA-së.

Ish-deputeti i PD, Bardh Spahia përmes një reagimi në rrjetet sociale ku i referohet të dhënave nga Forumi Ndërkombëtar Ekonomik i Vjenës, thotë se COVID-19 do nxisë emigrimin e mjekëve nga vendet si Shqipëria dhe se është koha të merren masa për ta frenuar me strategji.

“Eshtë koha që të merren masa, duke hartuar strategji për të parandaluar një hemoragji mjekësh që do dobësonte ndjeshëm kapacitetet e sistemit tonë shëndetësor për t’i shërbyer pacientëve”, shprehet ndër të tjera në reagimin e tij ish deputeti demokrat.

Reagimi i plotë i Spahisë

Sipas të dhënave nga Forumi Ndërkombëtar Ekonomik i Vjenës, pandemia Covid-19 do nxisë emigrimin e mjekëve nga vendet si Shqipëria drejt perëndimit për shkak të mangësive që u identifikuan në sistemin shëndetësor në vendet e zhvilluara nga sfida me këtë pandemi.

Sipas këtyre të dhënave, 772 mjekë janë larguar nga vendi ynë në periudhën 2012-2017, ndërsa shifrat e tre viteve të fundit, ende në proces matjeje janë më të larta. Duke patur parasysh se në një vit diplomohen më pak se 200 mjekë në Fakultetin e Mjekësisë, shifra e të larguarve është e konsiderueshme.

Nevojat e vendeve të zhvilluara për personel shëndetësor, pagesat dhe kushtet shumë më të mira të punës, do tërheqin interesin e mjekëve tanë. Eshtë koha që të merren masa, duke hartuar strategji për të parandaluar një hemoragji mjekësh që do dobësonte ndjeshëm kapacitetet e sistemit tonë shëndetësor për t’i shërbyer pacientëve.

PD dhe kryetari Lulzim Basha e ka në vëmendje këtë situatë dhe me ardhjen në pushtet, rrogat e mjekëve do nisin nga 1200 euro, ndërsa ato të infermierëve nga 700 euro.

Nga Jorida TABAKU

Sot në Zall Bastar, një nga fshatrat e mrekullueshëm që rrethojnë Tiranën. Një fshat i bekuar nga Zoti me begati dhe bukuri, me njerëz punëtorë që përpiqen të nderojnë tokën dhe mbajnë frymën e tyre gjallë por të harruar nga pushteti. Janë 5000 banorë të Zall Bastarit që jetojnë me bujqësinë dhe janë lënë pa rrugë që i lidh me kryeqytetin ndonëse janë më pak se 10 km në vijë ajrore nga qendra e tij.

Pa rrugë, pa asnjë subvencion, me kosto të larta në karburant dhe mjete pune. Me mungesë të plotë të sistemeve të vaditjes dhe kullimit, pa asnjë logjistikë për të dërguar produktin në treg familjet nuk dinë si të mbijetojnë.

Gjetëm njerëz të ndershëm dhe punëtorë që nuk presin asgjë nga shteti vetëm se mundësinë për të punuar tokën e tyre. Nuk duan as koncesione, as ndonjë foto me zyrtarë por vetëm mundësinë për lidhje me tregun, mundësinë për subvencione për atë pjesë të taksave që paguajnë.

Na u deshën mbi 40 minuta për të mbërritur në këtë fshat i cili nuk ka vëmendjen e qeverisë dhe për të parë që problemet e bujqësisë janë kudo njëlloj. PD është e angazhuar për të mundësuar mbështetje buxhetore prej 150 mln euro për bujqësinë dhe një mbështetje e tillë duhet të shkojë drejtë për drejtë tek fermeri, tek i zoti që punon tokën dhe jo grosisti.

Jemi në shekullin e 21 ku përflitet mundësi për të futur teknologjinë në bujqësi ndërsa fshatrat tonë punojnë më zejtorë të gjysmës së parë të shekullit të shkuar. Infrastruktura mungon në shumicën dërrmuese të fshatrave, prodhimi vendas është jetim.

Prandaj paratë për fasada qendrash që lyejnë tre faqe me pamje nga qendra dhe lënë në rrënim një fshat të tërë nuk i jep bukë askujt. Kjo është Shqipëria reale shumë larg Shqiperisë së propagandës!

Ambasadorja Yuri Kim ishte në qytetin e Krujës, me ministren e Kulturës, Elva Margariti, ku nënshkroi një grant prej pothuajse 800,000 dollarë të Fondit të Ambasadorëve për Trashëgiminë Kulturore, për restaurimin e fortifikimeve në Krujë, Durrës, dhe Prezë, të cilat u dëmtuan nga tërmeti i 26 nëntorit.

“Ky projekt i ruajtjes së kulturës tregon vlerën që Shtetet e Bashkuara i kushtojnë trashëgimisë së pasur të Shqipërisë dhe shpresa ime është që puna e përfunduar do të qëndrojë si një dëshmi për miqësinë e thellë midis dy popujve tanë”, tha Ambasadorja Yuri Kim gjatë një ceremonie nënshkrimi granti me Ministren e Kulturës Elva Margariti sot në Krujë. Ambasadorja Kim nënshkroi një grant prej pothuajse 800,000 dollarë të Fondit të Ambasadorëve për Trashëgiminë Kulturore, për restaurimin e fortifikimeve në Krujë, Durrës, dhe Prezë, të cilat u dëmtuan nga tërmeti i 26 nëntorit”, thuhet ndër të tjera në njoftimin e ambasadës amerikane në Tiranë.

Mesazhi i plotë i ambasadores Yuri Kim
Ministre Margariti, të nderuar të ftuar, mirëmëngjes dhe faleminderit që u bashkuat me ne.
Sot shënojmë fillimin e projektit për të restauruar sitet (vendet) kulturore të dëmtuara nga tërmeti i 26 nëntorit në Krujë, Durrës dhe Prezë si pjesë e Projektit të Fondit të Ambasadorëve të Sh.B.A. për Ruajtjen e Trashëgimisë Kulturore (AFCP).

Që nga krijimi i tij në vitin 2001, Fondi i Ambasadorëve për Trashëgiminë Kulturore ka ofruar mbështetje financiare për më shumë se 1,000 projekte në mbi 125 vende të botës. Këto angazhime tregojnë se sa thellë Shteteve të Bashkuara respektojnë trashëgiminë kulturore të vendeve të tjera.

Në Shqipëri, ne kemi punuar në projekte të shumta përmes këtij fondi, përfshirë restaurimin e Galerisë Nr. 3 të Kalasë në Gjirokastër, dokumentacionin e muzikës Iso-Polifonike shqiptare, si dhe ruajtjen e Kullës së Sahatit në Tiranë. Sot, po nënshkruajmë një grant prej afro 800,000 dollarësh për restaurimin e fortifikimeve në Krujë, Durrës, dhe Prezë. Jam e kënaqur të vërej se ky është projekti ynë më i madh i Fondit të Ambasadorëve për Trashëgiminë Kulturore në Shqipëri deri më sot.

Dua të falënderoj Zj. Lejla Hadzic dhe ekipin e saj të “Trashëgimisë kulturore pa kufij”, Ministren Margariti, Zj. Arta Dollani dhe ekipin e saj të Institutit Kombëtar të Trashëgimisë Kulturore, partnerët tanë në Fondin e Trashëgimisë Botërore dhe ekspertët vendas për pasionin dhe përkushtimin e tyre ndaj kësaj nisme. Dëshiroj të falënderoj gjithashtu Fondin e Princit Clause të Hollandës dhe Agjencinë Suedeze për Bashkëpunim dhe Zhvillim Ndërkombëtar, për kontributet e tyre ndaj këtyre përpjekjeve të ruajtjes kulturore.

Ky projekt dy-vjeçar do të fillojë punën në Kullën C në Durrës, dhe më pas do të vazhdojë me punën në Teqenë e Dollmës këtu në Krujë, në Kalanë mesjetare të Prezës dhe në Kullën e Sahatit të Kështjellës së Krujës.

Të gjitha këto vende kanë një vlerë të jashtëzakonshme kulturore dhe unë jam veçanërisht e lumtur që po e nënshkruaj këtë Memorandum Mirëkuptimi për zbatimin e këtyre granteve të AFCP-së këtu në Krujë, që është shtëpia e Skenderbeut, heroit kombëtar të Shqipërisë. Poeti amerikan Henry Wadsworth Longfellow dikur shkroi për kthimin e Skënderbeut në Krujë:

Dhe me zemrën plot gëzim
Kapërceu lumin Drin
Dhe u-gdhi e n’agullim
Pa kështjellën Ak-Hissar,
Krujën, ah atë qytet
Rreth me mur e me hendek,
Tek u-lint e tek u-rrit,
Yll mëngjezi mi të ndrit.

Duke lexuar këto rreshta frymëzues për domethënien e Krujës, jam thellësisht e nderuar që Shtetet e Bashkuara do të luajnë një rol në ruajtjen e këtij vendi historik, i cili ka një kuptim kaq të thellë për popullin shqiptar. Ky projekt i ruajtjes së kulturës tregon vlerën që Shtetet e Bashkuara i kushtojnë trashëgimisë së pasur të Shqipërisë dhe shpresa ime është që puna e përfunduar do të qëndrojë si një dëshmi për miqësinë e thellë midis dy popujve tanë.
Me krahë të lehta! Faleminderit!

Lojërat e fëlliqura me valë të dytë pandemie pa asnjë argument shkencor, të cilat synojnë një riizolim të popullsisë janë duke krijuar një pështjellim pa sens mbi popullatën.

Ditët e fundit në Shqipëri ka pasur një rritje të pajustifikuar të shifrave të të infektuarve, fakt që nuk shkon në sinkron me dobësimin e koronavirusin në gjithë botën.

Në 5 ditët e fundit rritja e infeksioneve me tre dhe katërfishim të rasteve duket qartë që ka një prapavijë të fortë politike. Kryeministri duke qenë i apasionuar pas gjendjes së jashtëzakonshme pret të firmosë një tjetër mandat mbretëror, ku firma e tij të mbizotërojë mbi ligjet dhe kushtetutën shqiptare. Këto ditë ka aktivizuar së tepërmi shpurën e servilëve sanitarë që gëlojnë në oborrin e tij, të cilët në mënyrë thuajse të pamundur mundohen të interpretojnë shifrat e covid 19 të ekzagjeruara.

Një nga këta është edhe Drejtori io Urgjëncës Kombëtare, Skënder Brataj, i cili para dy ditësh në një emision televiziv rrekej t’u mbushte mendjen shikuesve për shifrat që po rriten në gjithë botë, si alibi për rritjen e bilancit infektiv në vend.

Me paturpësinë më të madhe deklaroi se Italia është një vend që po pëson rritje të numrit të të infektuarve. Me keqardhje konstatoj se ky burrë që pranon të përdoret me infeksione dhe pa infeksione çon veten në këtë pozicion mashtruesi sa manipulon shifrat e një shteti që ka mbi një muaj që covidi është duke lënguar në shifra minimale.

Janë mbi 10 qarqe në Itali ku Covidi është zhdukur, ndërkohë që numri i vdekjeve ka rënë 20 herë më pak nga piku i pandemisë. Të vjen keq kur shikon këtë sanitar mjeran që mashtron në mënyrë kaq të shëmtuar. “Ka njerëz që më thonë “bravo të qoftë, e luajte bukur rolin si i sëmurë”, tha Brataj.

Gjithçka mund të bëjë ky personazh me atë reagim të pacipë. Mjafton t’i tregojmë këtij “heroit” pandemik të ditëve të sotme vetëm shifrat që jep worldometers për 4 shtete për të marrë vesh se koronavirusi po vdes dhe nuk po ngjallet, siç po bëjnë në mënyrë të shëmtuar sanitarët shqiptarë.
Italia sot ka 47 të vdekur dhe 251 të infektuar, dje 66 të vdekur dhe 331 të infektuar, pardje 43 të vdekur dhe 328 të infektuar.

Anglia pardje 1,115 të infektuar dhe 184 të vdekur, dje 1218 të infektuar dhe 135 të vdekur, sot 1346 të infektuar dhe 173 të vdekur.

Gjermania sot 324 të infektuar 6 të vdekur, dje 622 të infektuar dhe 19 të vdekur, pardje 1122 të infektuar dhe 17 të vdekur.

Franca sot 811 të infektuar dhe 14 të vdekur, dje 467 të infektuar 28 të vdekur, pardje 458 të infektuar dhe 28 të vdekur.

Mos harrojmë që shumë nga këto shtete kaluan deri në mijëra të vdekur në ditë dhe mbi 5 mijë të infektuar. Shifrat janë kokëforta dhe nxjerrin zbuluar shifrat e Brataj dhe KM sonë, pasi trendi i kësaj sëmundje është i njëjtë në gjithë botën, ku padyshim ne nuk mund të jemi eksepsion. /Sot

Pas disa ditësh i shtruar në spital në spital, në terapi intensive, një 65 vjeçar nga Tirana ka humbur jetën, megjithë përpjekjet e mjekëve dhe mjekimin intensiv medikamentoz. 65-vjeçari i konfirmuar me Covid-19 vuante nga Diabeti dhe Policitemia.

Ministria e Shëndetësisë i shpreh ngushëllime familjes së të ndjerit dhe u bën apel gjithë qytetarëve që të mos e ulin vigjilencën, por të zbatojnë rregullat e vendosura, si e vetmja mënyrë për të mbrojtur veten dhe të afërmit.

Nga fillimi i epidemisë, 46 qytetarë e kanë humbur betejën me Covid-19.