Ministri i Shëndetësisë në Zimbabve Obadiah Moyo, i cili akuzohet për aferë të paligjshme me shqiptarin Ilir Dedja, është lënë sërish i lirë pasi u vu në pranga një ditë më parë.

Mediat ndërkombëtare raportojnë se 66-vjeçari është lënë i lirië, kundrejt dhënies së një shume të parash.

Ministri i Shëndetësisë ka paguar 2000 dollarë, ndërkohë që po përballet me tre akuza për shpërdorim detyre, dy prej të cilave datojnë nga viti i kaluar për furnizimin e pajisjeve të përgjithshme mjekësore në spitalet publike.

Sipas mediave vendase, ministri në Zimbabve i dha tenderin 60 milionë euro kompanisë së Ilir Dedjas, biznesmenit shqiptar që dyshohet se fshihet pas aferës me incerenatorët në vendin tonë.

Sipas prokurorisë në Zimbabve, tenderi 60 mln euro ishte pa garë dhe u fitua nga një kompani fantazëm. Kompania e Ilir Dedjës do furnizonte kompaninë shtetërore farmaceutike me medikamente kundër Covid 19.

Në Zimbabve, më herët u árrestuan dhe tre adminisrtraorët e shoqërisë farmaceutike, ndërkohë që Ilir Dedja nën hetim edhe në Hungari për pastrim parash. Biznesmeni shqiptar dyshohet se transferoi disa miliona dollarë në një kompani ofshore.

Si u zbulua afera që çoi në pranga ministrin:

Qeveria e Zimbabves urdhëroi fillimisht anulimin e një tenderi 60 milionë USD që agjencia shtetërore shëndetësore, “Natpharm” kishte lidhur me kompaninë “Drax International” të biznesmenit shqiptar, Ilir Dedja, nën dyshime për aferë korruptive.

Skandali, i cili po zhvillohet prej dy muajsh në vendin afrikan, zbulon për herë të parë edhe fytyrën e “njeriut-hije” të inceneratorëve në Shqipëri, Klodian (alias Mirel) Mërtiri.

Mërtiri, i cili deri tani njihej vetëm si emër që qëndron pas inceneratorëve në pronësi formale të Klodian Zotos, është paraqitur në Zimbabve me emrin Ilir Dedja.

Agjencia e lajmeve “Zimlive”, e cila ka raportuar më herët për skandalin e tenderit të ilaçeve, ka publikuar një foto të zyrtarëve të lartë të atij vendi, me biznesmenin shqiptar Ilir Dedja (Klodian Mërtiri) dhe ish-deputetin e Partisë Demokratike, Gerti Bogdani.

Në shkrimin e “Zimlive”, Ilir Dedja raportohet si biznesmen shqiptaro-italian, pronar i kompanisë “Drax International”, e njohur edhe me emrin tregtar “Drax Consult SAGL”.

Kush është Ilir Dedja (Klodian-Mirel Mërtiri)

Ilir Dedja, ose Klodian (Mirel) Mërtiri është një emër që gjendet në historinë e re të inceneratorëve të mbetjeve urbane në Shqipëri. Ai rezulton me lidhje në të tre inceneratorët, biznese që njihen formalisht me emrin e Klodian Zotos.

Klodian (Mirel) Mërtiri, i cili në Zimbabve është paraqitur me emrin Ilir Dedja, është një lidhje e ngushtë e biznesmenes Stela Gugallja, pronare e “Albtek Energy”, kompani e cila zotëron kontratën koncensionare të inceneratorit të Elbasanit.

Në bazë të të dhënave të Qendrës Kombëtare të Regjistrit në Shqipëri (QKR), Mirel Mërtiri rezulton administrator i kompanisë “C.G.C”. Kjo kompani kontrollohet në 70 përqind nga “Integrated Technology Service” e Klodian Zotos.

Kompania “C.G.C”, deri në vitin 2018, ka qenë në pronësi të Stela Gugallja.

Klodian (alias Mirel) Mërtiri rezulton të jetë bashkëpronar në kompaninë “EM Capital”, të regjistruar në Sofje, Bullgari, së bashku me Klodian Zoto dhe Eva Blushi.

Mirel Mërtiri është pronar i kompanisë off-shore ‘KL Group”, e regjistruar në Maltë.

Mirel Mërtiri është administrator i kompanisë “E.R One”, në pronësi të Stela Gugallja dhe kompanisë italiane ‘Energy Recuperator”, në pronësi të Ernesto Granelli.

Ernesto Granelli rezulton të jetë një nga bashkëpunëtorët e Klodian Zotos në kompaninë “Integrated Technology Service”, e regjistruar në Hollandë dhe që ka në pronësi inceneratorin e Tiranës.

Akademiku Artan Fuga i konsideron 15 kushtet ndaj Shqipërisë, të konfirmuara dy ditë më parë nga amendamenti i Parlamenti Europian, si të paplotësueshme nga politika aktuale shqiptare.

Përmes një reagimi në Facebook, ai shprehet se 15 kushtet janë për rithemelim të shtetit shqiptar pasi PE i kërkon qeverisë masa të drejta si hetimi i krimit zgjedhor, politikanëve, të korruptuarve që politika sunduese nuk i bën dot.

“Me 15 kushtet që konfirmoi Parlamenti Europian për të nisur negociatat e integrimit të Shqipërisë atje (për t’i nisur jo për t’i përfunduar!) i kërkon qeverisë të Shqipërisë, as më shumë dhe as më pak, të rithemelojë shtetin shqiptar, pra na thotë: Ju nuk keni ende shtet!”, shkruan ndër të tjera Fuga.

Statusi i plotë i Akademikut Fuga

Çfarë ka përtej 15 kushteve herkuliane?

Me 15 kushtet që konfirmoi Parlamenti Europian për të nisur negociatat e integrimit të Shqipërisë atje (për t’i nisur jo për t’i përfunduar!) i kërkon qeverisë të Shqipërisë, as më shumë dhe as më pak, të rithemelojë shtetin shqiptar, pra na thotë: Ju nuk keni ende shtet!

Aq më tepër i kërkon qeverisë masa të drejta sikurse është hetimi i krimit zgjedhor, hetimi i politikanëve të korruptuar, çka politika sunduese nuk i bën dot!

Çfarë do të thotë kjo për mua?

Më konfirmon analizat dhe përfundimet te botimi im i ri:

ORIGJINAT E PUSHTETIT,PRONËS,PASURISË, në Shqipërinë pastotalitare, sapohedhur në treg nga PAPIRUS.

Sipas meje, dhe e kam të provuar me argumente, as Europa nuk na do të integrohemi kështu sikurse jemi, për arsye të tjera shumë më të thella sesa shprehin ato 15 kushte,

as politika sunduese në Shqipëri, shumë përfaqësues influent të biznesit të madh, por edhe të mesëm, as ata nuk duan dhe e minojnë me çfarë munden këtë integrim,

asnjë fuqi tjetër nuk ka ndonjë interes, larg apo afër me ne, që Shqipëria të hyjë në BE!

Deklaratat e zotit Soreca se 95 përqind e shqiptarëve duan integrimin mund të jenë edhe të sakta, por ai harron ose nuk e di që janë ata 5 përqind të tjerët që vendosin, nuk ne jemi ne skllevërit që e duam integrimin që vendosim, janë ata me të cilët ai bashkëbisedon, negocion !

Të gjithë thonë se duan atë që në fakt nuk dëshërojnë, prishin natën atë që gjoja bëjnë ditën për integrimin.

Pse ndodh kjo?

Unë ju ftoj te analizat e kapitujve përkatës të dy librave të botimit : “ORIGJINAT E PUSHTETIT,PRONËS,PASURISË, në Shqipërinë pastotalitare” ku do ta kuptoni shumë qartë dhe thjeshtë.

Do të shihni se kërkesa për të plotësuar 15 ose 150 kushte, janë si kërkesat që iu bënë Herkulit, ose si kërkesat e Mbretit të përrallës për djalin që do të merrte për nuse vajzën e tij! Të paplotësueshme nga kjo politikë.

Gjendja jonë është në ditë të hallit, por e vërteta qendron më thellë, nuk është ajo që duket. Kot luajnë pingpong jo kërkohet jo nuk kërkohet plotësimi i 15 kushteve!!!

Lëreni tymin, shkoni te zjarri!

Mjeku Ilir Allkja gjatë një interviste për Fax News foli në lidhje me rritjen e numrit të personave të prekur me COVID-19 në vendin tonë.

Allkja e lidhi rritjen e numrit të personave të infektuar me rritjen e numrit të testimeve, duke theksuar se nuk ka vend për panik.

Personalisht nuk besoj se ka pasur rritje, thjeshtë janë rritur testimet. Thjeshtë që të qetësohen dhe njerëzit mos ti kapë paniku. Po zgjedh datën 15 mars të këtij viti dhe janë bërë 27 testime dhe janë zbuluar 4 raste. Por marr një datë tjetër në 1 prill janë bërë 152 testime dhe janë zbuluar 126 raste dmth më lart. Po marrim 14 qershorin janë bërë 362 testime dhe janë zbuluar 57 raste.

Më parë kemi bërë më pak testime dhe përkatësisht kemi më pak testime. Janë rritur testimet për pasojë janë rritur gjetjet. Unë kam marrë raste dhe nga vende të ndryshme, që kanë më pak testime sa ne dhe kanë më pak raste. Unë gjykoj se nuk ka vend për panik. Përderisa rriten testimet rriten gjetje. Ajo që kanë kërkuar plot epidemiologë që të rriten testimet më këtë logjikë janë kërkuar.
Klinikisht kishte më tepër të sëmurë se tani më parë. Në Shqipëri për ironi të fatit bëheshin shumë pak testime në ditë, megjithëse OBSH bënte thirrje për testime.

Sa i përket përdorimit të maskave, Allkja theksoi se duhet të përdoret në ambiente të mbylluar dhe shumë të populluara, duke shtuar se është i ekzagjëruar përdorimi i saj në natyrë.

“Maskat duhen përdorur me vend. Maska është mjet mbrojtës. E quaj të ekzagjëruar përdorimin e maskës në ambiente të hapura. Masaka ka funksion kur jemi në ambinete publike të populluara, të tipit, qendra tregtare. Në plot ambiente ku janë të mbyllura”, tha Allkja.

Ndërkohë që i pyetur për një valë të dytë të virusit, Allkaj tha se nuk mendon se do të ketë, pasi në vendin tonë sipas tij numri më i madh ka qenë në muajin janar dhe shkurt.

“Nuk mendoj se do të ketë një valë të dytë. Mendoj se numrin me të madh të infektuarve ne e kemi kaluar me kohë. Ka qenë në muajt janar dhe shkurt”, tha Allkja.

Ministri i shëndetësisë në Zimbabve Obadiah Moyo është arrestuar dhe aktualisht mbahet në Stacionin Policor Rhodesville në Harare.

Zëdhënësi i Komisionit Kundër Korrupsionit (ZACC) të vendit, John Makamure, ka konfirmuar arrestimin.

“Unë mund të konfirmoj që Ministri Moyo është arrestuar dhe aktualisht është në arrest policor. Kjo është gjithçka që unë them tani”, tha ai.

Moyo është akuzuar për dhënie të paligjshme të një tenderi prej 42 milion dollarësh për Drax International, që do të siguronte medikamente dhe pajisje mbrojtëse kundër COVID-19. Por kompania nuk ishte farmaceutike por një firmë konsulence.

Përfaqësuesi lokal i Drax International, Delish Nguwaya aktualisht është në paraburgim pasi atij iu mohua lirimi me kusht të hënën e kaluar.

Moyo bëhet ministri i dytë në qeverinë e Presidentit Emmerson Mnangagwa që u arrestua për korrupsion.

Tjetri është ish-ministri i Turizmit, Prisca Mupfumira, çështja e të cilit është ende në pritje përpara gjykatave.

Pronari i vetëm i Drax është Ilir Dedja, një shqiptar që jeton në Itali.

Po kush është Dedja? Ai njihet si njeriu hije i inceneratorëve në Shqipëri.

Skandali, i cili po zhvillohet prej dy muajsh në vendin afrikan, zbulon për herë të parë edhe fytyrën e “njeriut-hije” të inceneratorëve në Shqipëri, Klodian (alias Mirel) Mërtiri.

Mërtiri, i cili deri tani njihej vetëm si emër që qëndron pas inceneratorëve në pronësi formale të Klodian Zotos, është paraqitur në Zimbabve me emrin Ilir Dedja.

Agjencia e lajmeve “Zimlive”, e cila ka raportuar më herët për skandalin e tenderit të ilaçeve, ka publikuar një foto të zyrtarëve të lartë të atij vendi, me biznesmenin shqiptar Ilir Dedja (Klodian Mërtiri) dhe ish-deputetin e Partisë Demokratike, Gerti Bogdani.

Kush është Ilir Dedja (Klodian-Mirel Mërtiri)

Ilir Dedja, ose Klodian (Mirel) Mërtiri është një emër që gjendet në historinë e re të inceneratorëve të mbetjeve urbane në Shqipëri. Ai rezulton me lidhje në të tre inceneratorët, biznese që njihen formalisht me emrin e Klodian Zotos.

Klodian (Mirel) Mërtiri, i cili në Zimbabve është paraqitur me emrin Ilir Dedja, është një lidhje e ngushtë e biznesmenes Stela Gugallja, pronare e “Albtek Energy”, kompani e cila zotëron kontratën koncensionare të inceneratorit të Elbasanit.

Në bazë të të dhënave të Qendrës Kombëtare të Regjistrit në Shqipëri (QKR), Mirel Mërtiri rezulton administrator i kompanisë “C.G.C”. Kjo kompani kontrollohet në 70 përqind nga “Integrated Technology Service” e Klodian Zotos.

Kompania “C.G.C”, deri në vitin 2018, ka qenë në pronësi të Stela Gugallja.

Klodian (alias Mirel) Mërtiri rezulton të jetë bashkëpronar në kompaninë “EM Capital”, të regjistruar në Sofje, Bullgari, së bashku me Klodian Zoto dhe Eva Blushi.

Mirel Mërtiri është pronar i kompanisë off-shore ‘KL Group”, e regjistruar në Maltë.

Mirel Mërtiri është administrator i kompanisë “E.R One”, në pronësi të Stela Gugallja dhe kompanisë italiane ‘Energy Recuperator”, në pronësi të Ernesto Granelli.

Ernesto Granelli rezulton të jetë një nga bashkëpunëtorët e Klodian Zotos në kompaninë “Integrated Technology Service”, e regjistruar në Hollandë dhe që ka në pronësi inceneratorin e Tiranës.

Nga Bardh SPAHIA

Ndërsa vazhdon kurba e dhëmbëzuar e Shqipërisë me 53 raste të deklaruara ditën e sotme, spikat fatkeqësisht rrumpalla në menaxhimin e kësaj situate.

Një 69 vjecari nga Mjeda e Vaut të Dejës i paraqitur me shenja klinike të dyshuara si Covid në Shkodër, i ngatërrohet rezultati i tamponit dhe i thuhet se ka rezultuar negativ. Por gjatë qëndrimit në spital për të trajtuar simptomat që vijojnë akute, kuptojnë se është bërë ngatërresa në rezultat, dhe 69 vjecari ka qenë pozitiv. Këtu merr fund refuzimi për ta dërguar në Tiranë dhe sillet me urgjencë në orët e vona të mbrëmjes së kaluar në spitalin infektiv.

Ndërkohë, personi ka qëndruar mbi 24 orë në spital, në kontakt me pacientë të tjerë, me personel shëndetësor e mbështetës, e familjarë.

Ja pra një mënyrë se si përpapet Covid, nga papërgjegjëshmëria apo zelli i tepërt për të bërë tamponët për qoka, e kur ka raste konkrete, nuk kanë vëmendjen e duhur!

Denoncimet janë të shumta sesi refuzohet testimi për familjarë të një personi të prekur, edhe kur për shkak të Covid ka ndërruar jetë e kjo së fundmi ka ndodhur në Tiranë. I lenë njerëzit deri në ekstrem me agravim të simptomave dhe fare pak shpresë mbetet pasi futen në frymëmarrje mekanike apo të drejtuar! Dhe numri i viktimave po rritet…

Sugjerimi ynë mbetet i njëjtë që prej fillimit bazuar në eksperiencën e vendeve të tjera: të rritet numri i tamponëve sa më shumë: të testohet rregullisht i gjithë personeli mjekësor, të mos injorohen ankesat e qytetarëve, se nuk vijnë me porosi nga lart, sepse jo vetëm që është skandaloze si filozofi pune, por edhe tregon injorancë mbi faktin se Covid nuk zgjedh e sa më shumë të përhapet, aq më pranë vjen, secilit prej nesh!!!!