Gazeta italiane ‘Il Giornale’ i ka kushtuar një tjetër artikull Shqipërisë dhe situatës ku ndodhet vendi ynë, në rrugën drejt BE-së.

Gazetari Marco Valle, shkruan se, qeveria e Tiranës nën drejtimin e Edi Ramës, çdo ditë e më shumë po i largohet Europës së bashkuar. Ai ka marrë në analizë gjestin e fundit të qeverisë Rama, shembjen e Teatrit Kombëtar, që duket se italianëve u dhemb më shumë se shqiptarëve, për shkak se ishte një trashëgimni e një arkitekti mjaft të njohur milanez.

‘Shkatërrimi i Teatrit Kombëtar për të ndërtuar një qendër tregtare, ishte akti i fundit i Edi Ramës’, shkruan gazeta italiane.

Pjesë nga shkrimi i Gazetës italiane ‘Il Giornale’

Çfarë po ndodh në Tiranë? Në agimin e së dielës 17 maj, saktësisht në orën 4.35, buldozerët e bashkisë të mbrojtur nga mbi 1 mijë policë, rrënuan Teatrin Kombëtar në kohë rekord, simbol i një proteste të ashpër, që zgjati 27 muaj.

Paraditen e së njëjtës ditë, një turmë e madhe që kundërshtonte ndalimet e autoriteteve dhe rregulloret antivirus mbushën zemrën e kryeqytetit, zonën pranë sheshit Skëndërbej dhe bulevardin ‘Dëshmorët e Kombit’, për të protestuar ndaj qeverisë së kryeministrit socialist Edi Rama. Zemërim.

Policia dhunoi vazhdimisht protestuesit dhe arrestoi 64 persona, duke përfshirë Monika Kreymadhi, gruan e Presidentit të Republikës Ilir Meta dhe drejtuese e një partie në opozitë. Bilanci në fund të ditës ishte i rëndë: bomba tymi, gurë, shkopinj dhe disa të shtëna me armë (për fat të mirë) në ajër plus 7 arrestime për ‘shkelje të dhunshme të rendit publik’, ‘tubim të paligjshëm’, ‘shkelje të karantinës’. Dhjetëra persona të plagosur në spitale.

Një e diel e keqe që bëri debatin tashmë të mbinxehur (ose më saktë, përplasjen) midis Ramës dhe kundërshtarëve të tij flaktë dhe, edhe një herë, rigjallëroi sfidën midis vendimmarrësit kryeministër dhe protestuesve të tij të shumtë dhe aspak entuziast ( ta themi butë) nga metodat e tij të ashpra dhe projektet e tij ‘të modernizuara’ të paskrupullta.

Rasti i kompleksit Teatror është emblematik. Ndërtesa, e projektuar nga arkitekti Giulio Berte e ndërtuar në Milano në 1938 dhe e mbledhur disa muaj më vonë në Tiranë nuk ishte vetëm një nga shembujt e parë të parafabrikatave në histori dhe një nga veprat më interesante të arkitekturës racionaliste në Evropë, por, mbi të gjitha, përbënte një pjesë e rëndësishme e panoramës monumentale të kryeqytetit shqiptar.

E shndërruar në epokën komuniste fillimisht në një gjykatë popullore pastaj në Teatër Kombëtar, pas rënies së regjimit në 1990, ndërtesa ishte kthyer në pritje të restaurimeve.

Duke pasur parasysh vjetërsinë e materialeve origjinale, mirëmbajtjen e dobët në periudhën Enveriste dhe rregullat e reja të sigurisë, të gjithë (ose pothuajse) kërkonin një ristrukturim rrënjësor në përputhje me projektin e Berte-s. Këto ishin vetëm iluzione.

Në vitin 2018, me justifikimin e festimeve në vitin 2020 të 100-vjetorit të kryeqytetit të Tiranës, Rama dhe ‘delfini i tij’ Erion Veliaj, kryetar bashkie vendosën të ndryshojnë qendrën historike dhe plani filloi pikërisht nga prishja e ‘Teatrit Kombëtar’.

Në vend të saj u vendos të ngrihet një strukturë masive betoni prej kullash të projektuar nga studiot daneze Big dhe nënshkruar nga arkitekti Bjarke Ingels, ku do të ketë presë qendra tregtare, apartamente, etj., dhe një hapësirë të destinuar për aktivitete teatrale.

Pas këtij plani privat nisën protestat e shumta të artistëve.

Gjysma e Tiranës u ngrit kundër kryeministrit dhe kryebashkiakut, të treguara si autorët e një spekulimi maziv ndërtimi. Në mbrojtje të kompleksit, u ngritën artistët dhe intelektualët që i përkisnin ‘Aleancës për mbrojtjen e teatrit’. Për t’i mbështetur ata, Lulzim Basha, drejtuesi i Partisë Demokratike dhe Monika Kreymadhi, nga ana e tyre të mbështetur u bashkuan në terren me artistët:

Confindustria Albania, partneriteti që përfaqësojnë ndërmarrjet italiane në vend, ishte gjithashtu kundër shkatërrimit. Presidenti i saj Sergio Fontana komentoi me hidhërim: ‘Është njësoj sikur në vend që të ndërtosh një teatër më të mirë dhe të rehatshëm, të vendosësh të shkatërrosh Arenën e Veronës apo Koloseu. Një teatër i ri mund të ndërtohej në një zonë tjetër pa prishur një shembull të jashtëzakonshëm të arkitekturës italiane’.

Ambasadori italian ishte më i kujdesshëm (ose shumë i vakët): ‘Unë mendoj se në një vend demokratik këto zgjedhje duhet të merren pas një debati të gjerë, sepse pasi të merren, nuk është e mundur të kthehen mbrapsh’.

Asgjë më shumë, asgjë më pak. Nga ana e Institutit Kulturor Italian, heshtje absolute.

Reagimet e Evropës janë shumë më të ashpra. Delegacioni i BE në Tiranë ka shprehur kundërshtimin e tij ndaj mënyrave dhe kohësh së shkatërrimit të Teatrit.

Presidenti i PPE Donald Tusk e ka dënuar hapur shkatërrimin si një akt ‘i cili shkon kundër vlerave evropiane si mbrojtja e trashëgimisë kulturore, sundimi të ligjit dhe dialogut mes palëve.

Ish-Kryeministri Sali Berisha ka reaguar pas shkrimit në një prej portaleve në vend, sipas të cilit, pritet arrestimi i Ben Blushit pas skandalit 60 milionë dollarësh në Zimbave.

Sipas Berishës, “Arben Malavitën e pret fati i ortakut me tre emra; Klodian, Ilirjan, Mirel Mertiri!”

“Arben Malavitën e pret fati i ortakut me tre emra; Klodian, Ilirjan, Mirel Mërtiri! Pritet mandat ndërkombëtar arresti kundër tij! Këtu më poshtë keni hetimin e gazetarit investigativ”, shkruan Berisha, ndërsa publikon edhe artikullin të cilit i referohet.

https://www.cna.al/…/ortaku-perfshihet-ne-skandal-ben-blus…/

News Albania Ortaku përfshihet në skandal/ Ben Blushi rrezikon prangat?!
Një arrestim i pritshëm pas një skandali miliona dollarë në Zimbave, nisja e hetimeve nga interpoli por edhe qeveria Hungareze, ka futur në panik drejtorin e Top Channel Ben Blushi, i cili njihet si një nga ortakët e Mirel Mërtirit, i njohur edhe si Ilir Dedja apo Klodian Mertiri.

Një skandal ka plasur jo vetëm në mediat afrikane, por edhe në ato europiane.

Një kompani shqiptare, një person i shumëpërfolur nga mediat e vendit, i shfaqur me disa emra të ndryshme në biznese, vende dhe kompani zinxhir, në afera miliona euro. Ky është ortaku i Ben Blushit, nëpërmjet bashkëshortes së tij Eva Blushi në kompaninë “EM Capital Group” e cila po hetohet si një nga kompanitë e shumta të Mërtirit që ka qarkulluar shuma të mëdha parash. Në Shqipëri ka një transaksion me vlerë 2.2 milionë euro, kjo sipas këtij dokumenti.

Ortaku i Ben Blushit në skenën e biznesit një herë shfaqet si Ilir Dedja, njëherë si Mirel Mërtiri, njëherë si Klodian Mërtiri, me disa emra të ndryshëm. Një person me pasaportë malteze, në Shqipëri fiton koncesionin e inceneratorëve, gati 200 milion euro me bashkëpunëtorin e tij Klodian Zoto, ndërkohë në Zimbabve dështon dy herë.

Në vendet afrikane shkoi me të njëjtin profil, atë të inceneratorëve të Shqipërisë, por gjithçka u anullua dhe u pasua nga dy skandale, ky i dyti po zhyt thellë njeriun me tre emra, ndërsa në skandalin e parë ishte Klodian Zoto ortaku i tij që duket se shpëtoi pa asnjë gozhdë në këmbë.

Së fundmi, mediat vendase (Lexo këtu) zbuluan një skandal në lidhje me blerjen e pajisjeve shëndetësore dhe një hetim i fortë çoi në pranga përfaqësuesin vendor të Mërtirit, Dalish Nguvaya dhe ministrin e Shëndetësisë së Zimbabve Obadiah Moyo.
Ky është një skandal që ka përfshirë jo vetëm politikën në Zimbabve, por edhe në Europë, ku është përfshirë Interpol dhe shteti hungarez, në Shqipëri janë të njëjtët personazhe që askush nuk i heton, por përkundrazi i mbron sa qeveria dhe opozita.

Por paniku ka pushtuar një prej ortakëve të njeriut me 3 emra që është në kërkim ndërkombëtar, ai është Ben Blushi, drejtori aktual i Top Channel, ortaku i Ilir Dedjas dhe Klodian Mërtirit apo Mirel Mërtirit. Bashkëshortja e Ben Blushit, Eva Blushi është aksionere me 33% të aksioneve në kompaninë “EM Capital Group” në Bullgari, një kompani e themeluar dy vite me parë, e cila më pas bleu aksionet e brandit “Lori Caffe” të kompanisë “Valtelina Sh.p.k.”.

Hetimet kanë filluar në Hungari në lidhje me transfertat dhe paratë që ka qarkulluar Ilir Dedja apo Mirel Mërtiri. Janë disa kompani zinxhir që kanë qarkulluar miliona euro.
Nga ana tjetër Interpoli ka filluar hetimin edhe për disa kompani të tjera në emër të këtij personi, i cili tashmë duket se pas vetes do të tërheqë edhe Ben Blushin. Interpoli po heton disa dhjetëra kompani, përfshirë edhe atë bullgaren “EM Capital Group”, që është një nga bizneset e Ilir Dedjas regjistruar në një nga vendet e BE, që ka qarkulluar shuma të mëdha parash.

Blushit do t’i duhet të tregojë ku i ka gjetur qindra mijëra dollarët për blerjen e “Valtelino sh.p.k.” dhe çfarë e lidhi në ortakëri me disa biznesmenë që janë përfshirë në skandale korrupsioni në Europë por edhe Afrikë. Hetim që nuk mund të mbulohet më tashmë dhe mund të përfshijë edhe pasuritë e fshehura dhe grabitura nga Ben Blushi, që nga Dardha, në Korçë, Tiranë e Dhërmi.

Miliona dollarë kanë qarkulluar edhe në Shqipëri, nga Ben Blushi dhe ortakët e tij, në blerje kompanish apo në biznese të ndryshme, të cilat duket se tashmë kanë filluar t’i zbardhen vërtetë, t’i hetohen dhe mesa duket një skemë e madhe korruptive ka vënë përballë përgjegjësisë jo vetëm njeriun me tre emra Klodian Mërtiri, Mirel Mërtiri apo Ilir Dedja, por edhe ortakun e tij Ben Blushi.

Nëse hetimi do të vazhdojë të thellohet dhe Mërtiri do të përfundojë në pranga, vështirë se ortakët e tjerë do të shpëtojnë dot nga skandalet ku janë përfshirë, aferat korruptive, pazaret dhe gjithçka tjetër, që është krijuar thjeshtë dhe vetëm nëpër skema kompanish për përfitime miliona dollarë apo influenca pushteti, të cilat vijnë nëpërmjet parave të taksapaguesve nga qeveritë shkojnë tek koncesionet dhe përfundojnë deri tek drejtues dhe pronarë mediash.

Hetimi i kompanive mund të sjellë arrestime të mëdha që vështirë se shpëtojnë dot Ben Blushin apo familjarët e tij./ CNA.al