Ish-Kryeministri Sali Berisha ka publikur një tjetër denoncim të fortë, ku tregon skandalin e madh që po ndodh me testet për COVID-19.

Në mesazhin dërguar ish-Kryeministrit Berisha, qytetari thekson se rilindasit po regjistrojnë si persona që u ëhstë bërë testi i COVID 19 emrat e qytetarëve shqiptarë që jetojnë në SHBA.

Postimi i ish-Kryeministrit Berisha

Denoncon perdorimin e emrave te emigranteve qe jane ne SHBA sikur kane bere testin e covid19!

Lexoni mesazhin e emigrantit dixhital. sb

Pershendetje Doktor ju lutem verifikoni rastet te te testuarve sepse kam nje shok ketu ne neë york dhe ne rregjister rezulton familjarisht sikur ka bere testin.

Kriminale dhe e pa shpjegueshme Doktor betimi i hipokratit eshte te shpetoj njerez jo te mbush rregjistrat me emra qe nuk jetojne ne shqiperi duke justifikuar fatkeqesite e pandemine shqiptareve se kemi testuar eshte jashte cdo llogjike tek sanatoriumi jane mbushur rregjistrat plot fiktivisht.shpresoj tek doktor dhe i infermier ndershem ta bej publike kte kriminalitet.

Zaida Çobo, nëna e adoleshentit të rrahur nga disa policë thotë se është ndjerë e tmerruar nga video që ka nxjerrë drejtori i Policisë së Shtetit Ardi Veliu. Çobo tha se përgënjeshtron gjithçka që deklaroi Veliu për të dhe tregon se pamjet ishin marrë në rrjetin e saj social, teksa po xhironte një film.

“Jam ndjerë e tmerruar. E kam telefonuar drejtorin e Policisë Ardi Veliun dhe ai nuk ma ka hapur telefonin. Veliu ka cenuar figurën time në mënyrë ekstreme. Kjo është skenë filmi. Video është bërë në një prapaskenë filmi që kam realizuar.

Video është realizuar në vitin 2018. Gjendet në Facebook-un tim. I bie që ka gërmuar kaq shumë në rrjetet sociale. Nuk e kuptoj se me çfarë të drejte e publikon atë video. Çështjen do ta çoj në gjykatë”, tha Çobo për News 24.

Anëtari i Kryesisë së Partisë Demokratike, Tomor Alizoti, duke komentuar skandalin e sotëm të Drejtorit të Përgjithshëm të Policisë, Ardi Veliu, i cili intimidoi nënën e një djali të dhunuar nga policia me një video të paqenë, bën edhe një paralelizëm me kërkesën e Ministrisë së Brendshme për të marrë edhe të drejtën e përgjimeve, duke e cilësuar si një tmerr nëse ndodh.

‘Banaliteti në dikasteret e shtetit shqiptar ka kaluar çdo cak! Imagjinoni të kenë edhe të drejtën e përgjimit! Tmerr!’

Drejtori i Përgjithshëm i Policisë së Shtetit sulmoi të premten në një seancë parlamentare online nënën e një fëmije të dhunuar nga oficerë policie dy javë më parë, duke sugjeruar se fëmija i dhunuar vjen nga një familje me moral të keq dhe e përdori këtë argument për të justifikuar dhunën.

Sulmi verbal i Veliut u konsiderua si kërcënim nga Zaida Çobo, nëna e fëmijës së dhunuar ndërsa aktivistë të shoqërisë civile dhe qytetarë të ndryshëm e cilësuan si skandaloze sjelljen e kryepolicit në parlament.

Në komentin e tij të përjavshëm për situatën në Shqipëri, publicisti Kim Mehmeti ka një mesazh për qëndrimin e pushtetarëve tanë karshi të huajve.

Sipas tij, reformat nuk duhen bërë pse i duan të huajt, por sepse i nevojiten Shqipërisë.

“Prijësit tanë duhet t’i masim se sa janë të përgjegjshëm, sa janë të ndershëm e jo sa janë të pëlqyer nga të huajt. Me atë ata duan të na tregojnë se janë perëndimorë dhe se janë fanari që ne duhet të ndjekim. Por në fakt qytetarët duhet të jenë perëndimorë, politikanët duhet të jetë pro-shqiptarë. Ata nuk duhet të bëjnë reformë në drejtësi pse e do Amerika apo Europa, por sepse iu duhet Shqipërisë.

Edhe sot cilat janë britmat më të zëshme në Shqipëri? “E dio Amerikan”, “Amerika do të arrestojë këtë edhe atë”. Ne presim që Shqipërinë do e ndërtojnë të huajt”, u shpreh Mehmeti në emisionin “Këndi i Kimit” në Syri TV.

Sa i përket reformës në drejtësi, publicisti nga Shkupi e quajti një projekt të dështuar.

“Reforma në drejtësi është e dështuar. Kur Maqedonia kërkoi të bënte vettingun, cila ishte përgjigje? “Është një projekt i dështuar”, tha Mehmeti, ndërsa pati edhe një apel: “Të mos bëjmë si rilindasit që edhe plisin do të na i hiqnin dhe do të vendosin tangat si veshje kombëtare”.

Ish-ministri i Jashtëm i Shqipërisë, Besnik Mustafaj, i ftuar në rubrikën “Opinion” në “News 24”, deklaroi se shoqëria shqiptare asesi nuk duhet të tolerojë të keqen. Ish-ministri tha se kjo qeveri mban mbi shpinë zgjedhjet skandaloze të vitit 2017.

Ai theksoi gjithashtu se Edi Rama po merr nën kontroll reformën në drejtësi përmes njerëzve të tij, ndërsa shtoi se vetëm maxhoranca mund të vrasë reformën në drejtësi pasi opozita nuk ka mundësi të ndikojë

“Ne duhet të kemi një shoqëri që nuk pajtohet me të keqen. Jemi shoqëri ose e trembur ose e fjetur. Protesta është shkolla nga duhet të kalojë shoqëria jonë. Protesta besoj se është një formë e domosdoshme për të demonstruar se qytetari vërtetë ka forcë. Aleanca për Mbrojtjen e Teatrit ka bërë thirrje për protesta. Protestat po i thërret shoqëria civile. Përditë ka protesta civile në rajon e botë.

Qytetarët, atë pakënaqësi që kanë dhe e flasin nëpër kafe, kudo, duhet ta shprehin në rrugë. Kjo, pasi përndryshe do të kemi shprehjen që çdo popull meriton qeverinë që ka. Zgjedhjet e vitit 2017 ishin një skandal. Një shoqëri që voton për tepsinë e kryeministrit nuk meriton që të hyjë në BE. Opozita duhet që të jetë si qytetare në rrugë. Opozita duhet të reagojë se s’bën”, u shpreh Mustafaj.

“Mua më duket se gjërat kanë shkuar larg tashmë dhe vështirë të kthehen pas, qoftë për teatrin. Edi Rama vazhdon të tallet. Shteti po degradon përditë e më shumë. Edhe ambasadat po reagojnë. Publikimi i mesazhit nga Meta ka qenë në rregull. Unë besoj se presidenti Meta ka komunikime me shumë diplomatë. Reformën në Drejtësi Rama po e merr nën kontroll nëpërmjet njerëzve. Diplomatët e huaj e dinë se çfarë fuqie ka Rama dhe mbyllin sytë”, tha Mustafaj.

I pyetur për deklaratën e ambasadores amerikane në Tiranë Yuri Kim se disa forca duan të vrasin reformën në drejtësi, Mustafaj tha se vetëm maxhoranca mund të bëjë këtë gjë, pasi opozita nuk ka asnjë mundësi të ndikojë.

“Nuk e di se për kë ishte drejtuar ajo që tha ambasadorja Yuri Kim. Në dorë sot për ta vrarë reformën në drejtësi e ka vetëm maxhoranca. Opozita nuk është as në parlament. Teknikisht nuk ka mundësi të ndikojë në cilësinë e reformës. Kjo sepse nuk është në tavolinë”, vlerësoi Mustafaj.

Për takimin mes ambasadores Kim e kreut demokrat Lulzim Basha, Mustafaj u shpreh se numri një i PD e ka takuar edhe më herët ambasadoren e se kjo mund të dëshmojë se të huajt po mbështesin mjaft kauza opozitare.

“Për mua, gjithcka do të jetë zhgënjim. U përshpejtua ritmi për Reformën Zgjedhore. Mesa di unë nuk është hera e parë që Lulzim Basha takon ambasadoren amerikane në Tiranë. Kjo tregon se ndërkombëtarët e shikojnë gjithmonë e më shumë si alternativë opozitën”, tha Mustafaj.

Në fund, i pyetur për videon e bërë nga drejtori i Policisë së Shtetit Ardi Veliu, që thoshte se policët që ushtruan dhunë ndaj një të mituri nuk kanë aq faj, duke treguar pamje sikur nëna e djalit ishte me armë në dorë, Mustafaj tha se kryepolici i Shqipërisë meriton të shkarkohet nga detyra.

“Kjo video tregon se drejtori i Policisë ka gënjyer përpara Komisionit të Sigurisë. Kjo gënjeshtër bie ndesh me detyrimet që ka. Ai nuk ka ndjerë asnjë keqardhje. Ka bërë një lidhje që nuk ekziston mes një të mituri dhe nënës. Për mua kjo duhet të shoqërohet në mos me dorëheqjen e kryepolicit të Shqipërisë, Felaj duhet të kërkojë tek Rama që të largojë Ardi Veliun nga detyra që ka. Nëse nuk e bën Felaj, duhet ta bëjë Alban Zeneli. Ky komision nëse nuk bën këtë gjë, do ishte e rëndë nga ana juridike”, përmbylli Mustafaj.