“Një Shqipërie halleplotë, e dërmuar ekonomikisht nga mbyllja dhe me një perspektivë të ngadaltë rimëkëmbjeje, nuk mund t’i shtohet arbitrariteti me të cilin pushteti godet qytetarët,  mendon politikani Arben Duka, kryetar i PAA-së, duke iu referuar spastrimit të bregdetit nga ndërtimet e paligjshme në ditët kur pritet ardhja e pushuesve.

“Ngjarjet e Velipojës, në fillim të sezonit turistik dhe me impakt negativ në ndotjen e mëtejshme të mjedisit, janë të dënueshme dhe tregojnë fytyrën e vërtetë të një pushteti të paarsyeshëm, i cili nuk mendon për qytetarët por për interesat e klientëve të tij, nënvizon Duka. Gazi lotsjellës në rërën e bekuar të plazheve, kur aty do të duhet të kishte pushues dhe turistë, është një tjetër rekord i turpshëm për këtë pushtet, që ka marrë hijen e pushtuesit të huaj”.

Në 24 orët e fundit janë konfirmuar 31 raste të reja me Covid-19, ndërkohë që një person ka humbur jetën. Ministria e Shëndetësisë bën të ditur se ka ndërruar jetë një 71-vjeçar tek spiatli Infektivit.

Shpërndarja e rasteve të reja është si vijon: 8 raste në Tiranë, 6 në Pukë, 5 në Shkodër, 5 në Vlorë, nga 2 raste në Durrës, Krujë, Elbasan, dhe 1 rast në Lushnje. Ndërkohë që vihet ere një rënie e ndjeshme e numrit të të shtruarve në spital, ku një ditë më parë ishin 54 ndërsa sot janë 48 pacientë, prej të cilëve 7 ndodhen në terapi intensive.

Njoftimi i Ministrisë së e Shëndetësisë

Shpërndarja e rasteve të reja është si vijon: 8 raste në Tiranë, 6 në Pukë, 5 në Shkodër, 5 në Vlorë, nga 2 raste në Durrës, Krujë, Elbasan, dhe 1 rast në Lushnje.

Lajmi i mirë është se gjatë 24 orëve të fundit numri i të shëruarve është më i lartë se ai i të prekurve nga Covid19. Janë shëruar 33 qytetarë.

Por pavarësisht përpjekjeve të mjekëve, një pacient nuk e ka fituar dot betejën me Covid19. Në 24 orët e fundit ka ndërruar jetë në spitalin infektiv një pacient 71 vjeçar nga Durrësi, i shtruar prej më shumë se dy javësh.

Aktualisht në spitalin infektiv po marrin sherbim 48 pacientë, prej tyre 7 janë në terapi intensive. Në vendin tonë janë aktualisht 346 persona aktivë me COVID19, kryesisht në Tiranë, Shkodër, Krujë ku ka transmetime komunitare.

Ministria e Shëndetësisë dhe Mbrojtjes Sociale ju fton edhe njëherë për t’u treguar të kujdesshëm për respektimin e rregullave dhe për të mos e ulur vigjilencën në asnjë moment. Nëse keni shenja të sëmundjes telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për Covid19.

Tre eurodeputetë i kanë dërguar një kërkesë Komisionit Evropian, ku pyesin nëse ky organizëm ka dijeni për dhunën e ushtruar në mëngjesin e 17 majit gjatë prishjes së Teatrit Kombëtar në Tiranë dhe a do ndikojë shembja e godinës në hapjen e negociatave.

Mënyra e shembjes së Teatrit Kombëtar në mëngjesin e 17 majit, dhuna që e shoqëroi, dhe sjellja e qeverisë me objektet e trashëgimisë kulturore, duket se ka shqetësuar jo pak deputetët e parlamentit Europian. Tre prej tyre Lidia Pereira, Maria da Graça Carvalho, Claudia Monteiro de Aguiar eurodeputetë të grupimit parlamentar të Partisë Popullore Europiane i kanë parashtruar KE-së dy pyetje, që lidhen me faktin nëse ishin apo janë në dijeni të arrestimit të protestuesve si dhe për impaktin që ky veprim ka mbi politikën e fqinjësisë shqiptare dhe hapjen e negociatave.

“Bashkimi Europian ka një politikë fqinjësie të rrënjosur në bashkëpunimin politik, mbështetjen për zhvillimin ekonomik e social dhe mbrojtjen e vlerave që përkufizojnë projektin europian. Siç u pa edhe te samiti i BE dhe Ballkanit Perëndimor në 6 Maj (e cila rezultoi në një paketë ndihme prej 3 miliard eurosh), afrimiteti mes BE dhe Ballkanit Perëndimor është një shembull shumë i mirë i kësaj politike, e cila përfshin 6 vende kandidate bashkë me Shqipërinë.

Në 17 Maj, autoritetet shqiptare shkatërruan Teatrin Kombëtar në Tiranë, një ndërtesë e vlerësuar nga Europa Nostra si një prej shtatë monumenteve më të rrezikuara në Europë. Shembja e ndërtesës u dënua nga Presidenti i Shqipërisë dhe nga shumë institucione shqiptare dhe europiane. Forcat shqiptare të sigurisë arrestuan me dhjetëra protestues, gjatë shembjes, përfshirë këtu edhe figura politike, gazetarë dhe aktivistë. Liria e shprehjes është një prej shtyllave të demokracisë dhe sundimit të ligjit. Këto liri janë dhunuar”, thuhet në letrën e dërguar prej tre eurodeputetëve.

Më tej ato i kërkojnë Komisionit Evropian të shprehet nëse është në dijeni për mënyrën se si janë arrestuar protestuesit, dhe ndikimin që do të ketë ky veprim në hapjen e negociatave. “A është Komisioni në dijeni për mënyrën se si janë arrestuar protestuesit? Çfarë impakti pret Komisioni që të ketë ky veprim mbi politikën e fqinjësisë shqiptare dhe hapjen e negociatave?”, thuhet në reagimin e tre eurodeputetëve.

Akuzat
Ndërkohë ditën e djeshme Aleanca për Mbrojtjen e Teatrit ka dorëzuar në SPAK, akuzën ndaj Edi Ramës, Erion Veliajt, dhe Sandër Lleshajt për një sërë akuzash që nga shpërdorimi i detyrës, shkatërrimi i pronës, korrupsioni, organizatë kriminale, si dhe kryerja e veprimeve të paligjshme në kuadër të grupit të strukturuar kriminal.

Së bashku me zyrtarët e sipërpërmendur, nën akuzë nga AMT janë dhe të gjithë anëtarët e këshillit bashkiak, së bashku me drejtoreshën e IKMT Dallandyshe Bici dhe specialistët e Institutit të Ndërtimit që bënë akt-ekspertizën ku u bazua më pas Bashkia e Tiranës për shembjen e godinës. Në fjalën e tij, regjisori Edmond Budina tha se artistët do t’u rrinë pas qafe atyre që kryen këtë krim monstruoz sipas tij, për të cilin është lemerisur e gjithë bota.

“Njerëzit do të përgjigjen për atë që dinë. Do jepen dëshmitë e tyre për gjithçka që ka ndodhur atë natë. Ne kemi një shprehje nga anët tona, të ardhtë pas qafe. Edhe ne do t’u rrimë pas qafe këtyre, të gjithë atyre që kanë kryer atë krim monstruoz për të cilin është lemerisur e gjithë bota, ne do t’u rrimë pas qafe, nuk do të heshtim. Kryeministri ka thënë forcat RENEA nuk kanë qenë fare në teatër, ndërsa ministri i Brendshëm tha kanë qenë sepse kishin të dhëna për eksploziv. Si e shembe atë duke menduar se aty kishe eksploziv? Këtu ka një monstruozitet të jashtëzakonshëm. Policia është kthyer në një polici baxhibuzukësh. Edhe objektet tona personale janë vjedhur atë natë, vlera është e konsiderueshme, kalon mijëra euro dhe asgjë nuk është kthyer. Ata të gjitha i shkatërruan aty, edhe biçikletat tona janë gjetur të shitura në pazarin e Tiranës”, u shpreh Budina.

Aksioni
Prishja e teatrit Kombëtar u krye të dielën e 17 majit në orën 4:15 të mëngjesit. Me mijëra forca policie, rrethuan godinën ku prej më shumë se dy vjetësh qëndronin artistët në ruajtje të saj. Bashkia dhe qeveria me anë të kryeministrit kanë këmbëngulur se Teatri nuk ishte objekt i trashëgimisë sonë kulturore, madje kreu i Bashkisë Veliaj ka shkuar deri aty sa ta quajë dhe “Stallë kuajsh”, por shumë nuk mendojnë kështu.

Krah arkitektëve, historianëve apo dhe vetë artistëve kanë dalë dhe institucionet e BE-së, të cilat kanë shkuar deri aty sa të vënë në dyshim dhe hapjen e negociatave për shkak të këtij veprimi. Kjo ka vënë në një situatë aspak të favorshme qeverinë Rama, e cila u detyrua të tërhiqej nga ndërtimi i kullave aty, siç ishte projekti fillestar.

Në vend të teatrit kombëtar të ndërtuar nga arkitektët italianë, qeveria me anë të bashkisë ka vendosur të ndërtojë një tjetër objekt, vepër e arkitektit Bjarke Ingels, një strukturë futuriste, që nuk i përshtatet aspak filozofisë së arkitekturës të ndërtesave përreth.

Gjithsesi, mediat ndërkombëtare dhe ato vendase shkruajnë se pas këtij veprimi qëndrojnë afera të forta korruptive. SPAK, tashmë ka në dorë dhe një akuzë tjetër të ngritur më parë nga AMT, për të cilën është shprehur se po kryhen hetime./Mapo.al

Mbrëmjen e djeshme u ekzekutua në Tiranë 40-vjeçari Hekuran Billa. Krimi ka ndodhur në zonën e “Komunës së Parisit”, ndërsa Bill u qëlluar me një armë MP5, e cila nuk rezulton e regjistruar në Shqipëri.

Billa ishte duke udhëtuar me automjetin e tij, kur u qëllua me breshëri.

Policia ka gjetur në vendin e ngjarjes mbi 30 gëzhoja, dhe më vonë në zonën e Prezës së Vogël, pak kilometra nga vendi i ngjarjes, u njoftua për një automjet të djegur, duke ngritur dyshimet se ai është mjeti i përdorur nga autorët e ngjarjes.

Dyshimet janë se vrasja mund të jetë kryer nga ekzekutorë me pagesë, ndërsa pista ku po hetohet është ajo e hakmarrjes. Gjithsesi burime policore shprehen se po hetohen edhe pista të tjera.

Sipas burimeve, autorët duket se e kanë mbajtur viktimën nën mbikqyrje, pasi ai është qëlluar sapo ka dalë nga një lokal ku kishte konsumuar kafe dhe kishte hipur në automjetin e tij, i cili rezulton i paregjistruar në Shqipëri.

Viktima prej disa kohësh kishte hapur një aktivitet të dhënies së automjeteve me qira.

Momenti i ekzekutimit të 40-vjeçarit Hekuran Billa mbrëmjen e kaluar nuk është regjistruar nga kamerat e sigurisë.

Sipas BW, autorët e kanë zgjedhur qëllimisht zonën që të mos regjistroheshin nga kamerat e sigurisë.

Referuar burimeve policore, ata e kanë ndjekur dhe gjurmuar 40-vjeçarin, këmba-këmbës me automjet dhe janë pozicionuar paralel me makinën e tij pikërisht në 100 metrat e zonës pa kamera në rrugën te ‘Komuna e Parisit” për ta qëlluar me 11 plumba.

Arma e përdorur në krim ishte një MP5 me silenciator, e paregjistruar në Shqipëri, por që është dërguar në laborator për ekspertizë të mëtejshme. Ky fakt shtoi edhe dyshimet se autorët mund të jenë vrasës me pagesë.

Mjeti i përdorur nga autorët e krimit është një “Benz” që rezulton të jetë vjedhur në Kukës. Ai është fiksuar nga kamerat në dalje të rrugicës ku u krye vrasja e më pas në Unazën e Re, për të mbërritur në Pezë të Vogël aty ku edhe u gjet i djegur. Nuk dihet ende se me çfarë kanë udhëtuar autorët pasi e braktisën këtë mjet.

Po ashtu mësohet se jo vetëm mjeti i atentatorëve ishte i vjedhur, por edhe targat. Rezulton se targat që mbante mjeti të jenë vjedhur në Laç rreth një vit më parë.

Pista kryesore që ka ngritur policia është ajo e vrasjes për hakmarrje. 40-vjeçari rezulton një njeri me precedentë penalë në Angli. Ai akuzohet se ka vrarë një 22-vjeçar të identifikuar si Preng Marku në Angli. Të dy menaxhonin një parking dhe në sherr e sipër për ndarjen e parave, ka ndodhur edhe krimi. Edhe viktima rezulton të jetë nga Kukësi, e njëjta zonë me Billën.

Ndërkaq, policia ka vijuar me shoqërimin e personave të dyshuar apo që mund të kenë dijeni për ngjarjen.