Transporti urban publik në të gjithë Shqipërinë nuk do të rinisë punën më 15 qershor, nëse nuk plotësohen katër kërkesat e operatorëve. Vendimi për mosnisjen e transportit urban u mor nga përfaqësuesit e shoqatave të transportit një ditë pas protestës së zhvilluar para Ministrisë së Infrastrukturës.

Sot pas mbledhjes, Shoqata Kombëtare e Transportit Qytetas, Ndërqytetas dhe Rrethqytetas të Udhëtarëve, si dhe Shoqata Urbane dhe Interurbane Veri, në një letër drejtuar kryeministrit Rama, ministres të Financave, Anila Denaj, ministres së Infrastrukturës Balluku dhe ministrit Shalsi kërkojnë edhe një herë plotësimin e 4 kërkesave që nga heqja e akcizës, TVSH-së, si dhe rimbursim për reduktim të kapacitetit dhe kategorive që udhëtojnë falas.

Operatorët e transportit publik në të gjithë vendin thonë se nëse këto kërkesa nuk do të plotësohen, puna nuk do të rifillojë. Nesër në orën 10:00, përfaqësues të Shoqatave të Transportit dhe operatorë të këtij shërbimi do të zhvillojnë një tjetër protestë për plotësimin e kërkesave të tyre.

Përfaqësues të Shoqatës paralajmërojnë përshkallëzim të protestave deri në plotësimin e kërkesave të tyre financiare. Qeveria vendosi që transporti publik të rinisë punën më 15 qershor me 70% të kapacitetit të lejuar dhe protokoll sigurie të miratuar nga Instituti i Shëndetit Publik.
Por sipas Shoqatave të Transportit, nisja e punës me kapacitet të reduktuar dhe me çmimet aktuale të biletave do të çonte drejt falimentimit sektorin. Në Tiranë operojnë 15 linja të transportit publik urban, të cilat kanë vendosur të mosrikthehen në punë me 70% të kapacitetit të lejuar, pasi kjo do të vështirësonte situatën financiare të këtij sektori.

LETRA E PLOTË

Përfaqësitë e shoqatave të transportit publik janë duke ndjekur me shqetësim situatën alarmante të krijuar nga COVID-19. Pa dyshim që qeveria shqiptare po përballet me vështirësi në këto momente delikate, por ju bëjmë të ditur se situata e transportit në Shqipëri, më saktë shoqëritë tregtare të cilat operojnë janë të fundit ende të mbyllura dhe si pasojë në kolaps ekonomik.

Bazuar në informacionin e marrë në rrugë jozyrtare, i cili thotë për rifillimin e shërbimit më datë 15 Qershor, në pritje të zyrtarizmit të dy prej kërkesave të premtuara nga Kryeministri, ne po ju përsërisim edhe një herë kërkesat tona ekonomike të panegociueshme, për të mundësuar rifillimin e shërbimit:

1.Heqjen e akcizës dhe taksave për blerjen e karburantit nga shoqëritë e transportit publik (njësoj siç është për industrinë e peshkut).

Zbritjen e TVSH-së në shitje nga 20% në 0% për vitin 2020 dhe rikthimin e saj në nivelet e turizmit 6%, pasi edhe transporti është një nga hallkat thelbësore të zhvillimit të tij.

3.Rimbursimin e kapacitetit të munguar si arsye e protokollit të sigurisë.

4.Rimbursimin e kategorive, të cilat përfitojnë shërbimin falas në burim, në respekt të ligjit nr.37, datë 10.04.2014.

Ka ndërruar jetë në spitalin e Traumës në Tiranë, 35 vjeçari, Kristi Plluska, i cili u aksidentua mesditën e sotme pranë fshatit Bulgarec në Korçë ndërsa drejtonte furgonin e Postës Shqiptare.

Plluska nuk mundi ti shpëtonte plagëve të marra.

Furgoni të cilin drejtonte u përplas fillimisht me një Benz dhe më pas goditi një pemë.

Ai mbeti i bllokuar në automjet dhe u desh ndërhyrja e zjarrfikësve për ta nxjerrjë nga automjeti i dëmtuar.

Mjeku i njohur Petrit Vargu i ftuar në emisionin “Pasdite me Xhaxhiun” në Fax News, foli në lidhje me shpërthimin e e rasteve të reja të personave të prekur nga COVID-19, ku vetëm ditën e sotme u regjistruan 36 raste të reja.

Vargu u shpreh se testet për COVID-19 që po bëhen tani duhet të ishin bërë që në periudhën mars-prill në mënyrë të tillë që mos të përhapej edhe më shumë virusi.

“Me masat që u morën me mënyrën sesi komuniteti shkencor veproi duke i mbajtur ison kryeministrit, vetëm më distancim social dhe fizik, pa masa konkrete, dhe për këtë fakt situata ka dalë jashtë dore. Sot ne po shpenzojmë dhe po bëjmë ato teste që duhet të ishin bërë në mars dhe në prill. Situata mendoj se ka dalë totalisht jashtë dore.

Po drejtohet nga njerëz jo kompetente, pasi COVID-19 e panë si një mjet propagande. Stafi shkencor duhet të ishte në krye dhe komuniteti të ishte profesionist dhe kompetentë. Duhet të bashkoheshim në ato zëra sporadike. Sot ndodhi ajo, që në institucionin që duhet të ishte fortesa siç është spitali, sot kemi dy vatra, që janë të rrezikshme për shpërndarjen e COVID-19.

Nuk kemi parë asnjëherë drejtorin e spitalit për të dhënë një deklaratë, në lidhje me masat që ka marrë. Nëse shkojmë në një spital privat shohim që masat janë krejtësisht të ndryshme”, tha Vargu.

Studentët e Lëvizjes për Univeristetin kanë bërë thirrje për bójkotim të tarifës shkollore, ndërsa ka nisur të mbledh edhe nënshkrime për një péticion drejtuar ministrisë së Arsimit ku kërkohet anulimi i tarifave për vitin akademik 2019-2020, arsyet kryesore të kësaj kërkese lidhen me vështirësitë ekonomike të krijuar nga tërmeti dhe pandemia për gjatë këtij viti.

“Gjatë gjithë këtij viti akademik nuk kemi qënë shumë në fakultet, së pari prej situatës së tërmetit e më pas prej situatës së Covid -19. Thirrja për anulimin e tarifave bëhët akoma edhe më e rëndësishme edhe më aktuale”, tha studentja.

“Vetëm dy ditët e para të këtij pedicioni ku ne kërkojmë anulim tarifash për këtë vit shkollor, rreth 500 studentë e kanë firmosur. Ne do kërkojmë që edhe ata studentë që e kanë paguar deri tani tarifën t’ju rilthehet tarifa sepse është absurde, nuk ka arsye përsëe të paguhet” shprehet studentja.

Studentët u ndalën edhe te mësimi online ku treguan për Faxnews vështirësitë që kanë hasur.
“45 përqindë e studentëve nuk kanë patur akses online për të ndjekur mësimin, e vetëm kjo duket se e bënë mësimin online diskriminues dhe goxha e vështirë sepse leksionet janë dërguar vetëm në formatin word powrpoint dhe gjithashtu praktikat kanë munguar”, tregoi studentja.

Ndër të tjera studentët e viteve të fundit kanë hasur vështirësi në kthimin e auditoreve pas pandemisë.

“Përpara se të vinim në fakultet ajo që ne mendonim ishte një përmbledhje dhe konslutim i gjithë mësimit online që ne kishim praktikuar, por ajo që ne u përballëm ishte krejt absurde sepse pedagogët nuk e mendojnë si moment për t’u shpjeguar por për të diskutuar me njëri tjetrin për paqartësi”.

Lëvizja për univeristetin ka protestuar herë pas here përpara Ministrisë së Arsimit për të bojkotuar tarifën e studimeve për këtë vit akademik, duke adresuar edhe problemet që të rinjët hasin gjatë jetës studentore.

Një vit më parë pikërisht në muajin prill të vitit 2019, Pòlicia e Shtetit në bashkëpunim me RENEA-n, vunë në pránga gjashtë persona nga Elbasani dhe Tirana në kuadër të një operacioni të koduar “Shënkoll”. Në pránga ranë gjashtë personat mes të cilëve edhe ish miku i qèlisë së Emiljano Shullazit, i cili tregëtonte lëndë nárkotike në dy qytetet Elbasan dhe Tiranë.

Sakaq sipas burimeve asokohe Prokroria e Elbasanit kishte rreth një vit që hètonte rreth këtyre gjashtë personave, madje implikoi në hètim edhe tre agjèntë të saj të cilët ishin të koduar me numra nga ana e Prokurorisë. Ndërkohë në lidhjet e tyre për tregëtimin e lèndës narkòtike, kryesisht kòkainë, të arrèstuarit komunikonin me kode, si përshembull “një sabrator e gjysmë naftë” e shprehje të tilla me qëllim që të mos kuptoheshin ndoshta nga ndonjë pèrgjim ndërsa si duket kanë qenë të sigurtë se një e tillë nuk do iu ndodhte.

Dosja përfshin gjatë të arrèstuar të cilët janë: Klajdi Gjeci, Klaudjo Trungu menaxherin i lokalit “My Brother” në Elbasan, Agron Qafën, Skënder Pëllumbin, Lavdosh Demaj dhe Lorencio Gjini. Në muajin prill të vitit 2019 Pòlicia gjatë operacionit që u krye në banesat e tyre, sekuestròi gjithashtu edhe një sasi prej 500 gramë kòkainë, ndërsa kishte të sigurtë të dhënat për tregëtimin e lëndës narkòtike.

Duke vënë në shërbim të tyre tre agjentët, Prokuroria nisi të zbulojë se ata jo vetëm që tregtonin drògë, por bënin edhe pazare. Sipas Prokurorisë në rast se dròga e tyre shitje, ato u siguronin klientëve edhe vajza të bukura dhe të reja për të kaluar pak orë me to ku çmimi përfshihej në lëndën narkòtike që ato shisnin. Sipas Prokurorisë pjesë e kësaj oferte ka qenë edhe një agjent i implikuar si përdorues dròge, i cili më pas raportoi për ofertën pikërisht tek eprorët e tij në pòlici.

Me kodet 315, 317, 316 agjentët arritën të mbledhin shumë material për arrèstimin e tyre. Sakaq i arrèstuari Klaudio Trungu përveçse merrej me shitjen e kòkainës në lokalin “My Brother” në Elbasan, gjithashtu ishte pjesë aktive e grupit kríminal që vepronin në këtë qytet. Kurse Klajdi Gjeçi gjithashtu është një emër i njohur, pasi ka qënë i dènuar më parë dhe njihet për miqësinë që ka me Emiljano Shullazin. Shtetasit Agron Qafa, dhe Klajdi Gjeci, si organizatorë të grupit kríminal, siguronin lëndën narkòtike dhe pjesëtarët e tjerë të grupit kryenin shpërndarjen e lëndës narkòtike në dòza të vogla në qytetin e Elbasanit.

Pòlicia gjatë kontrollit fizik të krerëve të grupit, por edhe kontrollit në banesat e tyre, gjeti dhe sèkuestròi në cilësinë e pròvës materiale një sasi prej rreth 550 gramë lëndë narkòtike të dyshuar kòkainë. Tashmë kjo dosje pritet ti kalojë gjykatës e cila do të marrë edhe vendimin për gjashtë të arrèstuarit.

Ish-Kryeministri Sali Berisha reagon lidhur me kriminalitetin e shtuar në vend javët e fundit.

Ai ka postuar një video në profilin e tij në Facebook, ku fillimisht atë çfarë premtoi kryeministri Edi Rama gjatë fushatës së vitit 2013 dhe ngjarjet kriminale që kanë tronditur vendin dy javët e fundit.
“Shqipëria nën kthetrat e krimit”, shkruan Berisha mbi video.

Reagimi i ish-kryeministrit vjen pas atentatit të djeshëm në Elbasan ndaj Ardjan Çapjas dhe pas një sërë vrasjesh e atentatesh në dy javët e fundit ku më i rëndi ishte ai në Laç ku dy persona mbetën të vrarë pas një atentati tipik mafioz.