14.5 C
Tirana
E mërkurë, 7 Maj, 2025
type here...

Albana Vokshi zbërthen aferën kriminale: Paratë e pista të krimit e drogës për të ndërtuar kulla betoni në tokën e Teatrit

Teatri Kombëtar është në rrezik më shumë se asnjëherë nga epidemia e vjedhjes, e grabitjes së pronës publike, nga babëzia për të zhvatur gjithçka që ta jep në dorë pushteti i vjedhur dhe i blerë me paratë e krimit.

Ky është një qark i mbyllur mes qeverisë dhe botës së krimit. Paratë e pista të krimit dhe korrupsionit që zgjedhin qeverinë, parlamentin, pushtetin lokal, kanë vënë në lëvizje vendimin për shembjen e Teatrit Kombëtar, në mënyrë që të investohen në kulla betoni në tokën e Teatrit dhe në pronën publike pas tij.

Kësaj skeme kriminale do t’i shërbejë edhe vendimi i nesërm i Këshillit Bashkiak për shembjen e Teatrit Kombëtar. Ky është një vendin që e mbajnë sekret, sepse është një raport i manipuluar, siç ka mashtruar këto 20 vjet Edi Rama opinionin publik, duke na thënë se Teatri rrezikon të shembet. Teatri nuk u shemb as kur gënjeu Edi Rama, as kur ra tërmeti.

Rreziku i vetëm i vjen nga babëzia e Edi Ramës dhe e Erion Veliajt për të vjedhur. Bashkë me artistët dhe qytetarët do të jemi këtu për t’i bërë rezistencë kësaj hordhie që, në ikje e sipër po përpiqet të na vjedhë pasurinë kombëtare, të na shkatërrojë trashëgiminë kulturore me akte talebanësh dhe të na përdhosë identitetin tonë europian.

#MbroTeatrin

Bizneset pa ndihmë dhe të mbytur me faturat aforfe. Basha: Dështimet e Ramës po u kushtojnë shumë shtrenjtë qytetarëve 

Durrësi është po aq i prekur sa Tirana nga mungesa e ndihmës së qeverisë për qytetarët dhe bizneset. Për shkak të tërmetit të nëntorit, situata atje është edhe më e rënduar. Disa dhjetëra tregtarë që takoi kryetari i opozitës, Basha në Durrës treguan për rënien drastike të konsumit dhe për mosmarrjen e asnjë qindarke ndihmë nga shteti, duke faktuar se dështimet e Edi Ramës po u kushtojnë shumë shtrenjtë qytetarëve, që po varfërohen edhe më shumë.

“Xhiro është 50% më pak. Nga ndihma nuk përfituam asgjë“, tha një tregtar, ndërsa një tjetër që kishte tre të punësuar pohoi se asnjëri prej tyre nuk e ka marrë pagesën e ndihmës.

Pronarët e bizneseve të vogla e përkufizojnë si vjedhje të tyre vendimin e qeverisë për faturat afrife të dritave dhe të ujit.

“Ne patëm dy goditje njëra pas tjetrës. Si nga tërmeti, që s’patëm asnjë ndihmë, si nga koha e virusit, ne thjesht po mbahemi me një rrogë minimale. Na kanë futur në faturën, e faturuar sipas këtij muaji të vitit të kaluar. Është afrofe 340 mijë lekë”, tha njëri prej tyre, duke e bërë faturën e dritave shumë të lartë sesa pagesën e marrë nga qeveria, siç vuri në dukje kreu i opozitës.

Njësoj si qytetarët e Tiranës, edhe në Durrës tregtarët kërkojnë të dinë ku janë paratë që ata kanë paguar si taksa të rritura gjithë këto vite.

“Duam pak mbështetje se në ditë të mirë, ditë me diell ecim vetë. Po mbajmë deri diku niptin hapur me shpresën që mund të rimëkëmbemi, mund të na japin ndonjë kredi të butë me atë që dëgjojmë në televizor, por për momentin s’dimë asgjë. Shkojmë nëpër banka asnjë lloj përgjigje, është thjesht vetëm llafe, letrat nuk dihet se ku janë, se ça bëhet”, u shpreh një tregtar tjetër.

Në Durrës, Kryetari Bashi u takua edhe me disa pronarë hotelesh e agjencish turistike, të cilët janë prekur rëndë nga izolimi për shkak të pandemisë. Disa prej tyre, të njohur në Durrës si mbështetës të PS, shprehën zhgënjimin për braktisjen e plotë nga qeveria për sektorin e turizmit.

Kërkesa e tyre për anullimin e taksave lokale deri në mars 2021 është mbështetur nga Kryetari Basha. Të gjithë ishin të një mendimi se qeveria duhet të ndihmonte bizneset që të mbante hapur vendet e punës dhe jo të bënte amnisti fiskale për paratë e pista te krimit dhe të klienteles së saj.

Veliaj, si vrásës me pagesë i rezistencës qytetare

Nga Red VARAKU

Projekti për shembjen e Teatrit Kombëtar, fillimisht nisi para 20 vjetësh, ashtu si çdo projekt tjetër korruptiv i nisur nga Rama në Tiranë, që është grabitja e truallit publik, me qëllim përfitimin e shumës prej rreth 200 milion euro.

Por me kalimin e kohës, dështimet e njëpasnjëshme të përpjekjeve për ta shembur atë, janë bërë tejet shqetësuese për kryeministrin, sepse po prodhojnë një perceptim rrënues për imazhin e qeverisë.

Ndaj, sfida duket se nuk janë më dhe aq paratë që do i zhvaten shqiptarëve nga kjo aferë, por frika e madhe nga ekpozimi i pafuqisë dhe shëmtisë së regjimit për të mposhtur një rezistencë të mirëfilltë qytetare, e cila është vënë në mbrojtje të Teatrit.

Dështimi për ta blerë dhe shantazhuar atë, ashtu siç ka blerë dhe shantazhuar shumicën e protestave, e ka bërë këtë rezistencë jo vetëm historike, por frymëzuese të rezistencës civile.

Për herë të parë një grup i vogël qytetarësh, ia ka dalë të sensibilizojë opinionin publik dhe të ekpozojë, jo vetëm natyrën e korruptuar të këtij regjimi, por edhe fuqinë e madhe që kanë qytetarët nëse ata bëhen bashkë në mbrojtje të vlerave.

Kjo rezistencë është kthyer dhe në ngjarjen më të bukur në kryeqytet, jo vetëm sepse është kthyer në frymëzim dhe ka bërë bashkë të gjithë qytetarët, arkitektë, artistë, poetë, shkrimtarë, gazetarë, aktivistë, ëndërrimtarë, por sepse kjo rezistencë është kthyer në pasqyrën, që tregon shëmtinë e vërtetë të këtij regjimi.

Kjo është dhe arsyeja se pse kjo rezistencë është kthyer në makthin e regjjmit dhe dita ditës, frika se kjo rezistencë mund të prodhojë fundin politik të Ramës, ngjan me gurin e Sizifit, që po e shtyn këtë regjim drejt akteve kriminale dhe të paligjshme.

Ndaj, për të shtypur këtë rezistencë, kryeministri ka punësuar një vrasës të paskrupullt me pagesë, një burrec dhe një pervers politik si Veliaj, i cili lëngëzon dhe ndjen ekstazë, që po i shërben padronit. Ashtu si çdo njeri, që e ka arritur gjithçka duke iu servilosur shefit, ai e humb arsyen, kur vjen puna për t’i shërbyer atij.

Kryetari i paligjshëm i bashkisë së Tiranës, ashtu siç ndodh rëndom në organizatat mafioze, ku ushtari mezi pret të sakrifikohet për shefin, është gati të marrë përsipër një nisëm ligjore, të cilën edhe pse ai e ka të qartë që të çon në burg, duhet ta kryejë patjetër, ndryshe nuk ka si ta vërtetojë besnikërinë e tij.

Pra, tani nuk duhet të ketë më asnjë iluzion. Është e qartë që ‘mbrojtësit’ e Teatrit janë kthyer në ‘armiqtë’ dhe rrezikun kryesor të regjimit, prandaj objektivi kryesor i Ramës nuk është më shembja e Teatrit, por shtypja e rezistencës, eliminimi i ‘armiqve’, që po e nxjerrin lakuriq makabritetin dhe babëzinë e këtij regjimi.

Ndaj, rezistenca për të mbrojtur Teatrin nuk lidhet më me ndonjë objekt specifik. Ajo është kthyer në simbol të rezistencës për liri dhe demokraci dhe rënia e saj është rënia e kështjellës së fundit të demokracisë.

I vunë eksplôziv dy herë, humb jetën mjeku stomatolog

Mjeku stomatolog Arlind Lala ndërroi jetë mbrëmjen e kaluar në moshën 36-vjeçare. Presidenti i Urdhrit të Stomatologut, Nikoll Deda konfirmoi lajmin e hidhur duke shprehur ngushëllimet për familjen dhe kolegët e tij.

“Me hidhërim të thellë ju njoftojmë se është ndarë nga jeta Dr.Arlind Lala, lindur më 9 Korrik 1984, në qytetin e Durrësit. Ai u diplomua në vitin 2007 pranë Fakultetit të Mjekësisë, Dega Stomatologji. Dr.Arlindi ushtronte aktivitetin e tij si dentist në qytetin e Shijakut.

Në emër të Urdhrit të Stomatologut i shpreh ngushëllime familjes, bashkëshortes e të gjithë miqve e kolegëve të tij. U prehsh në paqe Dr.Arlindi! Presidenti i U.S.SH,” shkroi Deda në postimin e tij.

Nuk dihet ende arsyeja që i ka marrë jetën stomatologut. Ai është i njohur për publikun jo vetëm për punën si stomatolog, por për faktin iu vu dy herë eksplozív në vitin 2017 në aktivitetet e tij private. Hera e parë ishte në klinikën e tij dentare, ndërsa hera e dytë në një magazinë që e kishte marrë me qera.

Çmimi i miellit rritet me 15%

Çmimet e miellit u rritën me 15 për qind këto ditë si pasojë e ndikimit të pandemisë në bursat ndërkombëtare të grurit.

Një kilogram miell i zakonshëm për bukë, i paketuar në supermarkete, tani po shitet me 75 lekë nga 65 lekë që ishte më parë.

Prodhuesi më i madh i grurit në botë, Rusia, në mes të marsit kufizoi kuotat e eksportit në vetëm 7 milionë tonë për këtë vit. Këto kuota teorikisht janë ezuaruar dhe kjo ka bërë që çmimi i grurit për ton të rritet gjatë kësaj periudhe me 15-17 për qind.

Kryetari i Shoqatës së Përpunuesve të Miellit, Adi Haxhiymeri, kishte paraajmëruar se kufizimet ruse do të sjellin rritje të çmimeve të miellit dhe nënprodukteve të tij edhe në tregun vendas, por ai përjashtoi rrezikun për mosfurnizim të rregullt të tregut.

Prodhimet e grurit nuk janë ndikuar nga pandemia, por vendet që zotërojnë prodhimin më të lartë janë duke e shfrytëzuar situatën për gjeopolitike dhe për të realizuar fitime gjithashtu. Kjo sjellje e prodhuesve të mëdhenj të grurit është nxitur nga rritja e kërkesës për furnizime të mëdha nga vende të tilla si Italia, Turqia, etj. gjatë pandemisë.

Roland Hysi, i cili drejton “Miell Tirana” tha se kontraktorët e tij kanë rritur çmimet muajin e fundit me mbi 10 për qind dhe në përgjithësi ekziston një stres në furnizime, por gjithsesi ai përjashtoi mungesa në miell në tregun e brendshëm.

Në vitin 2019, importet ruse zunë 54% të totalit të importeve të drithërave, sipas të dhënave nga INSTAT. Gjatë vitit 2019, importet e drithërave pësuan një rënie me 2,6%. Kjo rënie, sipas operatorëve të tregut, është nxitur nga mbifurnizimet gjatë vitit 2018 dhe nga kërkesa më e ulët në vitin 2019, si pasojë e rënies së popullsisë.

Eksportet nga Rusia shënuan rritje më 2019, duke rritur peshën e tyre në 54% të totalit nga 47% që ishte më 2018. Burimi i dytë më i madh i furnizimit me drithëra është Serbia, importet e së cilës zunë 35% të totalit më 2019, duke shënuar ulje në raport me vitin 2018, kur ato zinin 42% të totalit të importeve./Monitor.al

18 raste të reja me Covid-19, kush janë qytetet me numrin më të lartë

Pas disa ditësh me një numër të ulët rastesh, gjatë ditës së sotme situata nuk paraqitet e mirë, pasi janë zbuluar 18 raste të reja me Covid-19.

Në total janë testuar 191 persona, dhe sipas ministrisë rastet e reja, janë kryesisht raste kontaktesh. Rastet e reja janë zbuluar në Tiranë, Berat, Krujë dhe Durrës.

Deklarata e plotë

Dr. Eugena Tomini
Instituti i Shëndetit Publik

Ju bëjmë me dije të dhënat e 24 orëve të fundit të situatës së COVID 19 në Shqipëri.

Në 24 orët të fundit janë testuar 191 qytetarë të dyshuar si të prekur me Covid-19 dhe kanë rezultuar pozitivë 18 qytetarë. Pjesa më e madhe e tyre janë kontake të rasteve të mëparshme, ndërkohë që vazhdon hetimi epidemiologjik në terren.

Rastet e 24 orëve të fundit janë të shpërndara si vijon: 11 raste në Tiranë, 4 në Krujë, 2 në Berat dhe 1 në Durrës. Të shëruar janë 6 qytetarë.

Pavarësisht numrit të rasteve pozitive të identifikuara, situata epidemiologjike paraqitet e qëndrueshme, por që tregon qartë se kujdesi i qytetarëve duhet të vazhdojë, për të respektuar masat e vendosura, në mënyrë që të minimizojmë sa më shumë përhapjen e virusit tek kontaktet familjare apo më gjerë.

Deri më sot janë konfirmuar pozitivë me COVID-19 në të gjithë vendin 898 qytetarë, ndërsa 77% e të prekurve tashmë janë të shëruar. Në të gjithë vendin aktualisht janë 173 persona aktivë me COVID-19, kryesisht në Tiranë, Krujë, Shkodër, Kamëz.

Situata në spitale paraqitet e qëndrueshme prej ditësh. Aktualisht në dy spitalet COVID janë të shtruar 19 pacientë dhe vetëm 3 prej tyre janë në terapi intensive. Me pak se 11% e te prekurve aktivë po marrin trajtim në spitalet Covid, pjesa tjetër ndiqet nga mjeku i familjes.

Nga fillimi i epidemisë, deri tani, në vendin tonë janë kryer 11769 testime, nga të cilat, 11239 janë testime molekulare dhe 530 janë testime serologjike.

Rastet e sotme pozitive janë tregues se funksionimi i strategjisë së ri-hapjes dhe e lehtësimit të masave varet vetëm nga ju. Nëse ju do të tregoheni të përgjegjshëm duke respektuar distancimin fizik, të kombinuar me masat e higjienës respiratore dhe personale, të mos kryeni vizita tek të afërmit për çdo lloj arsye, bizneset të zbatojnë protokollet strikte, do të vijojmë me një situatë epidemiologjike nën kontroll.

Qytetarët duhet të jenë të kujdesshëm të mos neglizhojnë shenjat e sëmundjes Covid-19, ndaj ju lutemi telefoni në numrin unik të Urgjencës Kombëtare, 127.

Për informacion në lidhje me COVID19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40.

COVID-19 – Statistika (14 Maj 2020)
Testime totale- 11769
Testime molekulare- 11239
Testime serologjike- 530
Raste pozitive- 898
Raste të shëruara- 694
Raste Aktive- 173
Humbje jete- 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë- 81
Krujë- 47
Shkodër- 16
Kamëz- 12
Fier- 5
Berat- 5
Elbasan- 2
Durrës- 2
Kurbin- 1
Mirditë- 1
Korçë- 1

Vendi në situatë të jashtëzakonshme, Veliaj nesër miraton vendimin për shembjen e Teatrit Kombëtar

Pavarësisht faktit që vendi gjendet në situatë të jashtëzakonshme, Bashkia e Tiranës ka dërguar për miratim në Këshillin Bashkiak një projektvendim përmes të cilit synohet shembja e Teatrit Kombëtar, mbështetur në një akt ekspertize të Institutit të Ndërtimit që e nxjerr ndërtesën të rrezikshme.

Nga Gjergj Erebara | BIRN

Bashkia e Tiranës duket se ka në plan të shpallë ndërtesat ekzistuese të Teatrit Kombëtar të rrezikshme dhe t’i shembë ato si të tilla, pavarësisht se nuk ka aktualisht asnjë plan financiar për të ashtuquajturin teatër të ri dhe vendi gjendet në një krizë të thellë ekonomike, bazuar në një inspektim të vitit 2018 të kryer nga Instituti i Ndërtimit, një zyrë shtetërore.

Mësohet se Bashkia ka dërguar për miratim në Këshill Bashkiak projektvendimin me titull: “Për Miratimin e aktekspertizës së Institutit të Ndërtimit nr. 75.1 datë 23.03.2018 të dhe raportit nr. 1026/1 rpoot datë 13.05.2020, për objektin “Teatri Kombëtar” dhe shembjen e goditës së “Tearit Kombëtar”, në pronësi të Bashkisë Tiranë.””

Projektvendimi pritet të miratohet në Këshill Bashkiak të Premten më 15 Maj. Këshilli Bashkiak i Tiranës përbëhet nga 61 anëtarë të Partisë Socialiste dhe aleatëve të saj.

Akti i ekspertizës së Institutit të Ndërtimit të vitit 2018 është një dokument i prodhuar në kuadër të planeve të kryeministrit Edi Rama për të dhënë me koncesion tokën e Teatrit Kombëtar për të ndërtuar pallate dhe një ndërtesë të vogël në afro një të tretën e sipërfaqes së tokës, të quajtur Teatri i ri Kombëtar.

Akti i ekspertimit [link] është firmosur nga Agron Hysenlliu dhe të tjerë dhe thotë se ndërtesa e teatrit është në gjendje shumë të rëndë, ndërsa kostoja e riparimit të saj “është disa herë më e lartë se sa kostoja minimale fiskale”.

Planet e kryeministrit Edi Rama për të dhënë me koncesion rreth 8,500 metra katrorë tokë nën pronësi publike në qendër të Tiranës dështuan pas më shumë se dy vjet protestash nga qytetarë dhe aktivistë që kërkojnë mbrojtjen e historisë së qytetit përballë babëzisë për kulla të larta.

Pavarësisht se planet dështuan, dëshira për të shembur ndërtesat historike duket se nuk është larguar.

Korrupsion në kohë pandemie/ Berisha: Narkôqeveritarët janë vënë në garë kush të vjedhë më shumë

Ish-Kryeministri Sali Berisha ka akuzuar drejtpërsëdrejti kryetarin e bashkisë së Tiranës, Erion Veliajn për një vjedhje të pastër dhe të pacipë me tendera me një ofertë dhe me 100% të vlerës.

Berisha shkruan në një postim në Facebook se, narkoqeveritarët janë vënë në garë kush të vjedhë më shumë nën hijen e pandemisë!

Postimi i plotë i ish-Kryeministrit Berisha

Lajme nga gara te vjedhim sa me shume!
Lal plehu mbush valixhet me tendera me nje oferte dhe me 100% te vleres!

Miq, Epidemi vjedhjesh te papermbajtura ka shperthyer gjate pandemise se covid 19.
Narkoqeveritaret jane vene ne gare kush te vjedhe me shume nen hijen e pandemise?!

Keshtu gazetare investigativ kane gjetur se Lal Plehu midis tjerash ka dhene brenda 12 diteve te pandemise 2 tendera me nje ofertues dhe 100% te vleres. Te dy tenderat se bashku kapin vleren 120 milion leke.

Kjo eshte nje vjedhje e paster e pacipe dhe e paskrupull nga Lal Plehu dhe vartesit e tij!

Ketu me poshte keni raportin e gazetarit investigativ. sb

S’kanë të ndalur tenderat e “lali Erit”, Bashkia e Tiranës jep miliona lekë për blerje bitumi
Shkruar nga: N Hoxha | Publikuar më: 13/05/2020 20:25

Vijojnë tenderët me një konkurrent në Bashkinë e Tiranës. Këtë herë bëhet fjalë për kompaninë “RESULI-ER”, e cila ka fituar tenderin me 100% të vlerës, për blerje bitumi.
Kjo kontratë është lidhur në 30 prill të këtij viti, në një kohë kur Shqipëria po vuan pasojat e rënda ekonomike që shkaktoi koronavirusi, bashkia jep milion lekë për blerje bitumi.
Siç duket Bashkia e Tiranës nuk shqetësohet aspak për këtë fakt ndërsa jep tendera me 100% të vlerës.

Normalisht tenderat fitohen me konkurs, por kjo nuk paska qenë e përcaktuar për këtë kompani, pasi Bashkia e Tiranës ka lidhur kontratë me vlerë 100% të fondit limit.
Tenderi është dhënë nga Drejtoria e Përgjithshme e Rrugëve dhe Ndriçimit Rrugor, fondet nga Buxheti i bashkisë Tiranë.

Fondi limit i këtij tenderi është 67.925.000 (gjashtëdhjetë e shtatë milion e nëntëqind e njëzetë e pesë mijë) lekë pa TVSH. CNA.al ka mësuar se vlera totale përfundimtare e kontratës: 81.510.000 (tetëdhjetë e një milion e pesëqind e dhjetë mijë) lekë me TVSH.
Gjithashtu, kjo ndërmarrje ka dhënë edhe dy tendera të tjerë me garë formale për mirëmbajtjen e rrjetit të ndriçimit publik, ku ka garuar vetëm një subjekt dhe është shpallur fitues.

Bëhet fjalë për kompaninë “ITE Group”sh.p.k, e cila ka siguruar nga Bashkia e Tiranës një tender me vlerë 39.198.200 (tridhjetë e nëntë milion e njëdind e tridhjetë e tetë mijë e dyqind lek) për mirëmbajtjen e ndriçimit publik dhe që mban datën 11 maj 2020.
Ndërkohë, po në të njëjtën datë, kjo kompani është shpallur fituese dhe për tenderin për blerjen e materialeve për ndriçim me vlerë 30.642.000 (tridhjetë milion e gjashtëqind e dyzetë e dy mijë lek). Në dokumentet e Drejtorisë së Përgjithëshme të Rrugëve dhe Ndriçimit Rrugor, Tiranë, i vetmi operator konkurues në garën për këto dy tendera ka qenë “ITE Group”sh.p.k.

Punonjësit e Fasonerisë në Korçë në protestë për pagën e luftës

Në Korçë rreth 118 puntorë të fasonerisë dalin në protestë. Ata kërkojnë të marrin pagën e luftës që i është premtuar nga shteti.

“Ne jemi rreth 118 puntor në këtë fasoneri, është e vetmja mjet mbijetese që ne kemi për të mbajtur frymën gjallë.

Jemi këtu sepse duam pagën e luftës që na është premtuar. Askush nuk na pret, vetëm sa na sjellin vërdallë në dyert e instuticioneve”, tha një nga protestuesit.

Artistët e kalojnë natën te Teatri Kombëtar, kompania private ministrit Lleshaj nuk lejon mediat…

Një ditë pasi policia shkoi në ambientet e Teatrit Kombëtar, duke ushtruar presion mbi artistët, ditën e sotme është regjistruar një tjetër situatë skandaloze. Kompania ‘Iliryan Guard’, e cila është në pronësi të Ministrisë së Brendshme, ka ndaluar mediat që të hyjnë në oborrin e Teatrit, pa asnjë sqarim se pse duhet të ndodhë kjo, dhe pa asnjë urdhër zyrtar. E vetmja gjë që thonë nën zë punonjësit e kësaj kompanie, është që ky ishte një urdhër nga eprorët e tyre, por pa dhënë detaje të mëtejshme.

Policia Bashkiake mbërriti ditën e djeshme para Teatrit Kombëtar dhe pati konfrontim me artistët, të cilët u mbkllodhën menjëherë aty, në mbrojtje të godinës. Kalimi i Teatrit Kombëtar në pronësi të Bashkisë së Tiranës është konsideruar si “pazar” nga mbrojtësit e Teatrit, dhe është bërë shkak që tensionet mes palëve të rriten. Efektivët e pólicisë u larguan dje duke lënë një letër konstatim që tregon se teatri është në pronësi të Bashkisë së Tiranës.

Dhe në këtë kuadër edhe sot punonjësit e kompanisë që është në varësi të Lleshajt, nuk lejojnë as mediat që të bëjë punën e saj. Aktivistët kanë kaluar me turne gjatë natës në ruajtje të godinës, dhe shprehen të vendosur se nuk do të lëshojnë pe, në ruajtje të saj, dhe që do të ndalin çdo plan të Bashkisë për shembjen.

1...3 4063 4073 408...8 291Faqja 3 407 nga 8 291

Kryesore

Continue to the category
Më shumë
© 2024 Rilindja Demokratike Euroatlantike