Shqiptarët, qytetarët më të braktisur të dheut!

Ata janë kthyer sot nga narkoshteti në qytetarë të një vendi pa shtet!

Lexoni mesazhin e qytetarit dixhital! sb

Pershendetje Z Sali Berisha. Une qe po ju Shkruaj Jetoj prej afro 6 vitesh ne France me Dekumenta, Dhe Kam Nje Hall Të Madh Ambasada Shqiptare ne Paris Ka Të Pakten 2 Muaj qe nuk Funksionon ,As Konsullata ne Lyon nuk Punon. dhe si Une ka me Mijra Shqiptare qe kan Të njejtin Problem si Unë .nuk kan ku Të marin nje Pergjigje.. Shqiptarët në France jan len ne Meshire Të Fatit si jetimë nga Shteti Shqiptar. 

Ky esht nje Skandal per Ambasaden Shqiptare qe Paguhet me Taksat tona Dhe nuk jep asnje Sherbim dhe asnje informacion. Ju Lutem Publikojeni se ndoshta do Na ndihmoni ti Vini ne Levizje. Sepse ka Shume Njerez Qe Duan Të Martohen Por Ju Duhet Çertifikate Nga Ambasada Shqiptare per Të Bere Të Vlefshme Martesën. Dhe Shume Nevoja Të Tjeta. Me Shume Rrespekt per Ju i Nderuar Dhe Shume i Rrespektuar. Anonim ju Lutem.

Pak ditë pas dhunës së palavdishme të ushtruar në mes të Tiranës, për disa orë me radhë, nga 4 e 30 e mëngjesit e deri pasdite, me çizme mbi kokën e e të rinjve, me tërheqje zvarrë të studentëve, gazetarëve, artistëve, apo kundërshtarëve politikë, pas një trajtimi brutal të mbrojtësve të Teatrit, Ministri i Brendshëm është shfaqur në zyrat e Kuvendit ku ka dorëzuar një projektligj me të cilin ai dhe struktura që drejton, marrin edhe më shumë pushtet.

Marrin edhe më shumë hapësira dhe të drejta për arbitraritet ndaj qytetarëve, duke qënë se kjo nisëm e re, parashikon përgjimin e çdo lloji dhe të kujtdo, në çdo vend, pa miratimin e Prokurorisë.

Kur dikush pret një reflektim, dhe shumë të tjerë prisnin që të kishte një lloj ndjese nga Kryeministri apo Ministri i Brendshëm për dhunën e pajustifikuar në mes të sheshit ndaj qytetarëve paqësorë, del se ata janë në një kurs krejt tjetër, dhe krejt të kundërt, duke kërkuar edhe më shumë fuqi, edhe më shumë represion, edhe më shumë mundësi shtypëse.

Shenjat e një policie të ashpër me të pamundurit, me njerëzit normal, janë dhënë prej kohësh. Alarmuese, përpara barbarisë së Teatrit, ishte rrahja e një 15 vjeçari nga një grup policësh, vetëm pse ai po lëvizte me biçikletë në digën e Liqenit. Pra një djalosh sportiv që pëlqen natyrën, dhe jo nga ana që pinë hashash poshtë pallatit, u bë shembull në mes të ditës.

Kjo polici nervoze, nën drejtimin e një ministri me të kaluar ushtarake, që ka një prej retorikave më të helmëta publike ndaj kundërshtarëve politikë dhe kritikëve të tij, tani kërkohet që të ketë në dorë të përgjojë e gjurmojë këdo, dhe kudo.

Projektligji është kontestuar në Komisionin parlamentar të Sigurisë edhe nga deputetët socialistë. Po sot, ka dalë një shkresë e Prokurorisë që e kundërshton ashpër dhe e shpall krejt në kundërshtim me Kushtetutën.

Ngjarjet e fundit në Tiranë, kanë treguar qartë, se policia, ministri dhe kryeministri, lypset të kontrollohen, të mbikqyren, për dhunën që dëshmuan se janë të gatshëm të ushtrojnë, për frikësimin që tentuan të fusin tek njerëzit. Dhe jo, të dalin totalisht jashtë kontrollit, duke marrë edhe më tepër kompetenca të errëta.

Media më e rëndësishme europiane e përshkroi si krim të rëndë ndërhyrjen me forcë ushtarake në Teatër dhe trajtimin më pas të atyre që bënë rezistencë. Zyrtarë të lartë të Bundestagut dhe Komisionit Europian u shprehën të shqetësuar. Rama po vizatohet përditë e më shumë nga vëzhgues dhe organizma ndërkombëtare si autokrat. E pikërisht në këtë atmosferë, rilindja kërkon të shtojë përndjekjen dhe dhunën ndaj qytetarëve, me përgjime të pamiratuara nga Prokurori. E gjitha, pak përpara sezonit zgjedhor, ku po shkon vendi.

Duke qënë se kartonat i kanë, dhe Gjykata Kushtetuese ende nuk kemi, me siguri, Rama dhe Lleshaj do ta çojnë këtë iniciativë deri në fund. Po kupa po derdhet./Mapo.al

Kryetari i Forumit Rinor të PD, Belind Këlliçi e ka quajtur një pafytyrësi të kryebashkiakut Erion Veliaj, i cili ndërkohë që flet në emër të arkitektit të ndjerë Maks Velo, në krahun tjetër shembi Teatrin Kombëtar.

Këlliçi ka postuar edhe një video të shkëputur nga emisioni ‘Open’ në Top-Channel, ku Velo kundërshtonte me argumente shembjen e Teatrit.

Ndërkohë që sot Veliaj inaguroi një kinema në një lagje të Tiranës me emrin e Maks Velos. 

‘Të duash veprën tënde është normale, por të duash Teatrin, veprën e tjetrit, është dashuri për arkitekturën! Dhe Maks Velo e kishte këtë dashuri, çka një shkatërrimtar si Erion Veliaj nuk mund ta kuptojë! E turpshme përdorimi që i bëre sot Maksit pas vdekjes!, shkruan Këlliçi.

Zëdhënësja e PD, Ina Zhupa e ftuar në Ora News shprehet se me ndërtimin e teatrit të ri kombëtar nga shteti, qeveria ka lehtësuar oligarkun që do të ndërtojë kullat aty pranë.

Sipas saj, kjo bëhet që të rritet më shumë përfitimi për kryeministrin Rama dhe kryebashkiakun Veliaj.

Ina Zhupa: Ne sot jemi në një situatë absurde. Ne kemi arritur nga faza që teatrin dhe kullat i ndërton Fusha shpk në fazën që kullat i ndërton po ajo kompani private ndërsa teatrin e ndërton shteti. E gjitha është bërë për të lehtësuar oligarkun e rradhës për të ndarë tortën. Do jetë më e madhe pjesa e tortës që do të ndajë Rama, Veliaj dhe oligarkët e tjerë. Del Veliaj me projekt të gatshëm dhe thotë ky është projekti që do të ndërtojë kompania. Në momentin që do ta ndërtojë një tjetër, ti duhet të hapësh tender ndërkombëtar, të fitohet projekti dhe firmat. Është një lojë e madhe për të fituar sa më shumë oligarkët.

E pyetur për shembjen e kompleksit të ministrive, Zhupa thotë se nuk ka ende një projekt, pasi sipas saj, Veliaj sheh vetëm hapësirat të nevojshme për të ndërtuar kulla.

Ina Zhupa: I referohem dokumentave të planit të përgjithshëm vendor të bashkisë së Tiranës nuk ka asnjë ndryshim të destinacionit të godinave ministeriale. Në fund të ditës nuk e kanë fare se kush e ka ndërtuar. Ata e kanë gjithmonë syrin tek hapësira për të ndërtuar kullën. Kryebashkiaku ka thënë që do të prishë të gjithë pjesën prapa për të bërë që kullat të kenë një shtrirje sa më të madhe.

Kalanë e Tiranës e kanë kthyer në lokale. Është mirë përderisa nuk është kthyer në kullë. Ashtu siç prishën teatrin dhe stadiumin mund të bëjnë gjithçka. Ka retorikën e propagandës me kaseta shumë të fortë. Falë zotit që disa televizione nuk shiten siç është Ora Neës. Veliaj ka një problem shumë të madh me televizionin tuaj sepse ju thoni të vërtetën. Ju po bëni punën tuaj që askush tjetër nuk po e bën dhe ju dukeni si delja e zezë. Ju po i shkoni qytetarëve në ndihmë.

Në rini quhej Gentian, vjen nga Përmeti. Më vonë e ndryshoi emrin, u bë edhe pastor protestant. Fati i erdhi jo nga përhapja e besimit, nga fryma që përçon ajo, por kapja e njerëzve të duhur, qepja pas tyre dhe “falja” tek ta, në të mirë e në të keq. Nuk është e vështirë të kuptohet se për kë bëhët fjalë.

Është Toni Gogu, Kryetar i Këshillit Bashkiak të Tiranës, mik me Erion Veliajn, aq sa Lali Eri e përzgjodhi atë që të bënte ceremoninë e martesës! Kushedi ç’fjalë të bukura dhe me plot dashuri do ketë thënë, kur Veliaj dhe bashkëshortja Xoxa u betuan para (Gentianit-Tonit), deri sa vdekja do ti ndajë…

Pastori ka hyrë në histori. Sot nuk e kupton për aq kohë sa ia kanë zënë sytë benefitet e një posti dhe mosfunksionimi i gjykimit, për të qartësuar faktin se është kthyer si të “parët e tij” komunistë, që rrënuam objektet e kultit, duke ngritur si “kult-mit” figurën e diktatorit Hoxha. Edhe Gogu nuk ka bërë asgjë më pak se ata trularë që thonin se nuk ka Zot. Sot ai le të kuptohet se “Zota” janë Edi Rama dhe Erion Veliaj.

Me vendimin e tij u gatua prishja e Teatrit Kombëtar, në shkelje të plotë të ligjit. Pasi e bëri fakt të kryer po në kundërshtim me ligjin ia dërgoi për një “firmë virtuale” 60 këshilltarëve bashkiakë. Në profesion “thonë” se është jurist dhe mjaftojnë vetëm pak njohuri elemntare për të kuptuar se pastori i ktheu statuset në rrjetet sociale dhe urdhrat gojore të Ramës dhe Veliajt në vendime.

Që ligji është shkelur është njëra anë, por ka edhe një shkelje të madhe morale nga një njeri që e konsideron veten njohës i besimit. Cilido besim të sugjeron që nuk duhet të mashtrosh dhe dhunosh. Gogu i Bashkisë Tiranë bëri të kundërtën. U fut në një proces për prishjen e Teatrit Kombëtar duke u bërë kamikaz i shkatërrimit të një objekti 81-vjeçar që mbartte vlera kulturore, arkitekturore dhe emocionale.

Gogu i bashkisë u kthye në “gogolin” e vlerave kulturore, duke trazuar shpirtrat e shumë qytetarëve, që panë të rrëzohej nga fadromat e pushtetit jo vetëm një godinë, por dinjiteti i tyre, i cili u mbulua nën rrënoja, mes paligjshmërisë së pushtetarëve dhe arrogancës së zyrtarëve të llojit “Pastor Genti-Toni”!

Drejtësia e vjetër apo e reja, mund ta falë Kryetarin e Këshillit Bashkiak të Tiranës, sepse është kapur që në gjenezë nga “Zoti i së keqes”, kryeministri Edi Rama, po moral dhe breje ndërgjegje a ka ky bir…i Perëndisë? Është e kotë ti kujtohet morali një individi që për “Bibël” ka urdhresat e atyre që e katapultuan në poste të rëndësishme drejtuese!

/Boldnews.al

Një  të riu nga një fshat i Vorës i kanë grabitur makinën e parkuar në oborrin e shtëpisë. 21-vjeçari K.Sh., thotë se makinën ja kanë vjedhur ditën e sotme persona ende të paidentifikuar dhe ka bërë denoncim në polici. Por rastin e ka bërë edhe mediatik dhe thotë se ofron 5 mijë euro shpërblim për atë që i gjen makinën e tij tip Mercedez Benz ML, me targa AA 495 PO, ngjyrë e zezë.

Në procesverbalin e Policisë, i riu tregon se një ditë më parë udhëtoi drejt Vorës me dy shokët e tij, ku u ulën në një bar-kafe e sot ne mengjes, nuk e gjeti makinen ne oborr ku e kishte parkuar.

Mesazhi i plotë: Pershendetje JOQ me kane vjedhur sot makinen. Personi i pare qe e sheh te me kontaktoj kudo qe ta shoh ka nje shperblim te madh. TARGA AA495PO 0699756555. Ju lutem sa me shpejt sepse policia nuk ben gje. 5000€ jap kush ma gjen.