Sëmundjet e gojës janë sëmundjet më të zakonshme, jo të transmetueshme dhe prekin njerëzit gjatë gjithë jetës së tyre, duke shkaktuar dhimbje, parehati, shpërfytyrim dhe deri në vdekje.

OBSH e përkufizon shëndetin oral si “gjendje e çlirimit nga dhimbja kronike e gojës dhe fytyrës, kancerit të gojës dhe fytit, infeksionit oral dhe plagët, sëmundja periodontale (mishrat e dhëmbëve), prishja e dhëmbëve, humbja e dhëmbëve dhe sëmundje dhe çrregullime të tjera që kufizojnë aftësinë e një individi në kafshime, përtypje, të qeshura, të folur dhe mirëqenie psikosociale. “

Por cilat janë disa simptoma që nuk duhet t’i injoroni për sa i përket shëndetit oral? Më poshtë keni disa prej tyre.

Dhimbje e vazhdueshme dhëmbi
Dhimbja mund të vijë nga pjesa poshtë dhëmbëve ose nga vetë dhëmbët. Ndonjëherë mund të shfaqet si një dhimbje e mprehtë, akute e herë të tjera si dhimbje që ndyshon në intensitet.

Dhëmbë të ndjeshëm
Ndjeshmëria e dhëmbëve mund të shaktohet nga shumë gjëra. Zakonisht njerëzit kanë ndjeshmëri ndaj të ftohit por ka dhe raste me ndjeshmëri ndaj gjërave të nxehta apo të ëmbla.

Dhimbje apo gjakosje e mishrave të dhëmbëve
Dhimbja apo gjakosja e mishrave të dhëmbëve mund të jetë një shenjë e gingivitit, një fazë e hershme dhe e kthyeshme e sëmundjes së mishrave të dhëmbëve.

Nëse lihet e patrajtuar sëmundja e mishrave të dhëmbëve shkakton inflamacion të mishit të dhëmbëve dhe me kalimin e kohës çon në lëvizjen e dhëmbëve, gjë që është e patrajtueshme dhe do të duhet heqja e dhëmbit.

Ulçerat e gojës
Disa njerëz vuajnë nga ulçera të shpeshta të gojës, e këta njerëz duhet të konsultohen menjëherë me dentistin për të evidentuar shkakun. E njëjta gjë duhet bërë edhe nëse ulçera e gojës zgjat më shumë se dy javë.

Dhimbje nofulle
Dhimbja e nofullave shkaktohet kryesisht nga bluarja e dhëmbëve. Pothuajse 65% e njerëzve që bluajnë dhëmbët e tyre e bëjnë këtë nga stresi dhe ankthi, kështu që trajtimi i menjëhershëm i këtyre shkaqeve është i nevojshëm. Bluarja e vazhdueshme e dhëmbëve mund të shkaktojë probleme me vetë dhëmbët dhe nofullën.

Era e keqe
Era e vazhdueshme e keqe e gojës mund të jetë një shenjë e sëmundjes së mishrave të dhëmbëve apo prishjes së dhëmbëve. Shkaqe të tjera të erës së keqe të gojës mund të jenë diçka që keni ngrënë, mospastrimi i gojës, goja e thatë, duhanpirja etj.

Thyerja e dhëmbëve
Nëse dhëmbët e thyer lihen pa trajtuar mund të shkatojnë dhimbje dhe probleme më të mëdha me dhëmbët.

Njerëzit mund të bëjnë një sërë ndryshimesh në stilin e jetesës për të lehtësuar sado pak ankthin ose stresin që mund të kenë. Të konsumoni një dietë të pasur me perime, fruta, bishtajore, drithëra të plota dhe proteina të buta, është një hap mjaft pozitiv.

Ankthi është një gjendje që prek njerëz në të gjithë globin. Simptomat variojnë dhe disa njerëz i përjetojnë në periudha të ndryshme. Megjithatë, dikush që përjeton simptoma për 6 muaj ose më gjatë, mund të ketë çrregullim ankthi.

Simptomat e çrregullimit të ankthit përfshijnë: frikë, tension, shqetësime të tepërta për problemet e përditshme, irritim, vështirësi në përqendrim, probleme në përditshmëri, rrahje të shpeshta zemre, tension muskujsh.

Doktorët shpesh e trajtojnë këtë çrregullim me një kombinim trajtimesh, përfshirë terapinë e të folurit, si terapia e sjelljes, krahas mjekimeve. Megjithatë, këto trajtime konvencionale nuk funksionojnë në terma afatgjatë. Disa shkencëtarë sugjerojnë që ushqyerja e duhur mund të ndihmojë në përmirësimin e këtyre simptomave.

DISA USHQIME QË JU NDIHMOJNË TË REDUKTONI ANKTHIN:
Vezët
E verdha e vezëve është një burim i shkëlqyer i vitaminës D. Vezët janë një burim i shkëlqyer proteinash, është proteinë e plotë që do të thotë se përmban të gjitha aminoacidet esencialë që trupi ka nevojë për rritje dhe zhvillim. Vezët përmbajnë triptofan, i cili është një aminoacid që ndihmon në krijimin e serotoninës.

Serotonina është një neurotransmetues që ndihmon trupin të rregullojë humorin, gjumin, memorien dhe sjelljen. Serotonina gjithashtu mendohet se përmirëson funksionin e trurit dhe lehtëson ankthin.

Farat e kungullit.
Farat e kungullit janë një burim i shkëlqyer i kaliumit, i cili ndihmon në rregullimin e balancës së elektroliteve dhe menaxhon presionin e gjakut. Të konsumoni ushqime të pasura në kalium, si farat e kungullit ose bananeve, mund të ndihmojnë në reduktimin e simptomave të stresit dhe ankthit.

Farat e kungullit janë gjithashtu burime të mira të mineralit të zinkut. Një studim që pati pjesëmarrëse rreth 100 femra studente në shkollën e mesme, zbuloi që deficienca e zinkut mund të ndikojë në mënyrë negative në humor. Zinku është esencial për zhvillimin e trurit dhe nervave.

Çokollata e zezë.
Disa studime kanë zbuluar që çokollata e zezë ose kakaoja mund të përmirësojnë humorin. Megjithatë, këto studime janë observationale, kështu që rezultatet duhet të interpretohen me kujdes. Megjithëse është akoma e paqartë se si çokollata e zezë redukton stresin, ajo është një burim i pasur polifenolesh; sidomos flavonoidet.

Një studim sugjeroi që flavonoidet mund të reduktojnë neuro-inflamacionin dhe vdekjen e qelizave në tru, si dhe të përmirësojnë qarkullimin e gjakut. Çokollata e zezë është një burim i mirë magnezi. Të konsumoni një dietë të pasur me magnez ose të merrni suplemente të tij mund të reduktojë simptomat e depresionit.

Kur zgjidhni çokollatë të zezë, mundohuni të zgjidhni atë që përmban 70% ose më shumë. Çokollata e zezë sërish përmban sheqerna të shtuara, kështu që zgjidhni një porcion të vogël 1-3 gr.

Shafrani. Shafrani është një erëz që përdoret më së shumti në Indi dhe në gatimet aziatike. Përbërësi aktiv është kurkumina.

Ky përbërës mund të ndihmojë në përmirësimin e gjendjes duke reduktuar inflamacionin dhe stresin oksidativ që shpesh rritet te njerëzit që përjetojnë ndryshime në humor, si ankthi dhe depresioni. Një studim i 2015 zbuloi që kurkumina redukton ankthin te të rriturit obezë.

Kamomili. Shumë njerëz në botë e përdorin çajin e kamomilit si një mjekim herbal për shkak të vetive antiinflamatore që posedon, si dhe veti antibakteriale, antioksiduese dhe relaksuese. Shumë njerëz besojnë që vetitë relaksuese dhe antistres vijnë nga flavonoidet që janë të pranishme te kamomili.

Studimet zbuluan që kamomili reduktonte simptomat e ankthit. Megjithatë, nuk parandalonte episodet e reja të ankthit. Çaji i kamomilit mund të jetë i dobishëm në menaxhimin e ankthit.

Çaji jeshil. Caji jeshil përmban aminoacide të quajtura theanine. Kjo e fundit ka veti anti-stres dhe veti qetësuese si dhe mund të rrisë prodhimin e serotoninës dhe dopaminës.

Një revieë e 2017 zbuloi që rreth 200 mg theanine përmirësonte vetë-relaksimin ndërkohë që reduktonte tensionin, në studimet te njerëzit. Çaji jeshil është mjaft i thjeshtë për t’u shtuar në dietën tuaj

Shkencëtarët e universiteteve Stanford dhe Bar-Ilan kohë më parë kanë publikuar një artikull në revistën shumë të famshme shkencore “Current Biology“

Në publikim flitet mbi zbulimin e pabesueshëm – aftësinë e trurit të njeriut që të integrojë shikimin natyral dhe shikimin artificial derisa përpunon informacionet të cilat janë të domosdoshme për të parë.

ARMD (Degjeneracioni makular, i njohur edhe si degjeneracion i moshës së makulës) sëmundje e syve e cila ka të bëjë me zvogëlimin e kthjelltësisë së shikimit për shkak të qelizave të dëmtuara në pjesën qendrore të retinës.

Pacientët të cilët vuajnë na ARMD-ja zakonisht nuk bëhen tërësisht të verbër, sepse shikimi periferik ende mbetet në funksion. Është e mundshme të ndërtohet retina sintetike në rast të dëmtimit të rëndë të qelizave foto-receptore në retinën natyrale.

Retina artificiale janë të ndërtuara nga elektrodat shumë të vogla, me perimetër më të vogël se qimja e njeriut. Aktivizimi i këtyre elektrodave çon deri te stimulimet elektrike të qelizave të mbijetuara të retinës dhe rezulton me përtëritjen e pjesshme të shikimit.

Pacientët të cilët kanë ARMD-në me retinë artificiale në atë mënyrë do të kombinonin shikimin qendror sintetik të cilin e krijon retina artificiale dhe shikimi normal periferik, i krijuar me sytë e tyre.

Pyetje themelore e cila pason nga kjo është që truri ynë a është i aftë që t’i kombinojë në mënyrë adekuate shikimin artificial dhe atë natyral.

Pikërisht kësaj pyetjeje i janë përgjigjur shkencëtarët nga universitetet e sipërpërmendura të cilët konstatojnë që truri di si t’i kombinojë këto dy lloje të shikimit.

Tamar Arens-Arad, njëri ndër hulumtuesit, ka deklaruar që kanë përdorur sistemin unik të projeksionit i cili nxit ose shikimin natyral, ose shikimin artificial, ose kombinimin e të dyve, njëkohësisht duke detektuar reaksionet kortikale te brejtësit të cilëve u është vendosur implanti i bërë nga qelizat shumë të vogla solare dhe elektroda.