Analisti Artur Zheji, përmes një reagimi botuar në portalin 360 Gradë, i është përgjigjur kryeministrit Edi Rama lidhur me Mini-Schengenin Ballkanik, duke i kujtuar këtij të fundit se, kur në Kosovë, 20 vite më parë, derdhej gjak, ai hante peshk krudo dhe zbavitej.

Në fund, analisti ka edhe një këshillë për kryeministrin, të kthehet pas, pasi sipas tij, ka shkelur në një minë shumë të rrezikshme.

Ja çfarë shkruan Zheji

“E bëri edhe këtë ay, kryeministri ynë! E bëri mbledhjen e ballkanasve veriorë, pa Kosovën dhe duke i kthyer dukshëm shpinën kësaj toke të përgjakur?!

Kush e këshillon?

Kush e shtrëngon, kush e mban peng dhe çfarë e nxit kryeministrin që duket se e njeh fare pak historinë e vendit të tij?

Ku ishte ky lloj robi, 20 vite më parë kur derdhej gjak në Kosovë dhe ay, hante peshk krudo, tregonte qyfyre dhe zbavitej, si ministër kulture?

Është kjo një hakmarrje ndaj Bashkimit Europian dhe ndaj Berlinit?

Është ky një lapsus?

Mendoj se ka kohë të kthehet pas ky, sepse ka shkelur një minë shumë të rrezikshme!

Një shpërthim i fuqishëm ka ndodhur në orët e pasdites në një pikë karburanti në zonën e Kombinatit në Tiranë.Fatmirësisht nga ky shpërthim nuk ka persona të lënduar. Ndërkohë që nga shpërthimi i fuqishëm janë lëshuar shtëllunga tymi të mëdha në ajër.

Policia  bëri të ditur se, rreth orës 18:46 në rrugën “Llazi Miho”, në një karburant, ka shpërthyer dhe ka marrë flakë një bombol gazi që shërbente për furnizimin me gaz të automjeteve ku si pasojë ka veç dëme materiale.

Menjëherë pas njoftimit të marrë për ngjarjen,  forca të shumta policie dhe disa zjarrfikëse shkuan në vendngjarje, ku zjarrfikëset po bëjnë të mundur fikjen e plotë të zjarrit duke shmangur plotësisht rrezikun e përfshirjes së mëtejshëm të tij.

Policia mori masa duke vendosur perimetrin e sigurisë e largimin e të gjithë qytetarëve nga perimetri i sigurisë, si dhe bllokimin e aksit rrugor duke i menaxhuar e drejtuar për në akse të tjera lëvizjeje.

Paraprakisht, dyshohet se ngjarja ka qenë aksidentale, ndodhur nga një defekt teknik në sistemin e gazit.

Grupi hetimor ndodhet në vendngjarje, ku po vijon punën për sqarimin e plotë të rrethanave të ngjarjes për hetimin e plotë të rrethanave të ngjarjes.

Aleanca për Mbrojtjen e Teatrit ka reaguar fort pas deklaratave të kryebashkiakut të Tiranës Erjon Veliaj, alias lali Eri, i cili ripërsëriti se do të shembet godina e Teatrit Kombëtar.

Me anë të një deklarate në Facebook, Aleanca për Mbrojtjen e Teatrit shprehet se Erjon veliaj tregoi edhe njëherë se nuk heq dorë nga vjedhjet, duke kërcënuar sërish se do të shembë Teatrin Kombëtar për të ndërtuar aty kulla.

Gjithashtu Aleanca për Mbrojtjen e Teatrit i bën të ditur Veliaj se godina e Teatrit Kombëtar është ‘Monument Kulture’ e cila mbrohet nga populli, ndërsa fton qytetarët që të bashkohen dhe mos lejojnë që babëzia e pustetit të rilindjes të rrëzojë godinën e cila mbrohet prej më shumë se një viti nga artistët dhe shqiptarët.

Deklarata e plotë

Erion Veliaj, kryetari i votuar me votat e 15% të qytetarëve të Tiranës, në daljen e tij të radhës na kujton që nuk ka hequr dorë nga Teatri Kombëtar dhe nga kërcënimet ndaj nesh.

Marrëveshjet e fshehta, me kreun e qeverisë moniste dhe oligarkët e kanë sjellë në pikën pa kthim. Sorollatja e tij rreth teatrit, herë duke sjellë të akuzuarin për shpërdorim detyre nga Aleanca në prokurori, zëvendësin e tij, herë duke shkëputur ujin dhe dritat dhe së fundmi duke shklyer banderolën “Monument Kulture Mbrohet nga Populli”, nuk tregon gjë tjetër veçse dëshpërimin e tij për të legjitimuar grabitjen e planifikuar të pasurisë kombëtare.

Si qytetarë të Tiranës e si qëndrestarë në kauzën e Teatrit, i kujtojmë kryetarit të Bashkisë që nëse ai vë në lojë jetën e Teatrit për karrierën e tij aktuale, të jetë i sigurtë që të ardhme në politikë nuk do të ketë. Figura e tij do të jetë e diskretituar në nivel kombëtar e ndërkombëtar.

Si njerëzit që i kanë dhënë jetë sheshit të Teatrit për gati 2 vjet me protestën e Teatrit Kombëtar prej mbi 5 muajsh, ne kemi dhënë shembullin e qartë të rezistencës, sakrificës e vendosmërisë që me qytetari e me art ta zmbrapsim dorën shkatërruese të qeverisë e bashkisë. Dhe për këtë qytetari, rezistencë e art kemi siguruar mbështetje të nivelit më të lartë në Europë.

Jemi të bindur që kryetari i bashkisë pavarësisht se bën sikur nuk sheh e dëgjon, e njeh shumë mirë forcën tonë për të mos lejuar asnjë moment rrezikimin e objektit, i cili sot më shumë se kurrë është sheshi ku është mbjellë fara e demokracisë!

I kujtojmë veçanërisht opinionit publik se Presidenti i Republikës e ka çuar ligjin “Fusha” në Gjykatën Kushtetuese më 24 korrik të këtij viti dhe asnjë veprim nuk mund të kryhet derisa kjo gjykatë të shprehet!

Teatri Kombëtar, qysh nga 10 dhjetori 2019 është një nga 14 vendndodhjet më të rrezikuara të Europës, duke u njohur kështu si pasuri me vlera dhe pjesë e trashëgimisë Europiane.

Ne si Aleanca për Mbrojtjen e Teatrit kemi zhvilluar rreth 50 aktivitete teatrore, letrare, kulturore e shoqërore në atë objekt që ai e parashikonte që do të ishte i rrafshuar që në vitin 2018.

Ne nuk harrojmë asnjë nga kërcënimet e tij, por jemi tërësisht të vendosur që ta vazhdojmë me përkushtim rezistencën tonë. I kërkojmë me këtë rast të bëjë transparent me urgjencë gjithë procesin e vendimmarrjes për tenderin për Teatrin sepse kanë kaluar gjithë afatet zyrtare për këtë gjë. Përveç pasojave politike, mosrealizimi i kësaj transparence do të ketë pasoja ligjore për të.

U bëjmë thirrje qytetarëve të Tiranës që sonte të forcojmë edhe më shumë radhët në protestën tonë të mbrëmjes e të tregojmë edhe fizikisht se gatishmëria jonë është gjithmonë maksimale.

Aleanca për Mbrojtjen e Teatrit, 26 dhjetor 2019

Nisma Thurje në bashkëpunim me të rinjtë durrsakë, kanë shprehur dëshirën e tyre këtë fundviti.

Pranë pemës së festave përballë Bashkisë Durrës, ata kanë shpalosur një baner ku shkruhet ‘Duam drejtësi, Vangjush Dako në qeli’.

Kjo është dhurata që këta të rinj kërkojnë nga Reforma e re në Drejtësi, për njeriun që ata mendojnë se ka betonizuar Durrësin gjatë 12 viteve si kryetar bashkie i qytetit si edhe është përgjegjës për shkatërrimet që ndodhën në këtë qytet nga tërmeti.

Në një mujorin e tragjedisë së 26 nëntorit, kreu i FRPD Belind Këlliçi ishte në Thumanë, ku së bashku me anëtarët e FRPD bëri homazhe mbi rrënojat e dy pallateve që i morën jetën 24 personave.

Këlliçi shprehet se, shteti duhet të lerë show-n politik dhe të kthejë vëmendjen ndaj banorëve të prekur.

“Sot, në 1 mujorin e tragjedisë së 26 nëntorit, pas atij tërmeti që mori 51 jetë të pafajshme, ne vendosëm të ishim në Thumanë. Në vendin ku u shembën 2 pallatet, FRPD bëri homazhe duke vendosur lule për të kujtuar 24 viktimat që humbën jetët në këtë zonë.

Shteti duhet të lerë mënjanë show politik dhe të ketë vëmendje ndaj banorëve të prekur nga tërmeti dhe vlerësimi i shtëpive të dëmtuara duhet të jetë rigoroz dhe i vërtetë. Nëse do të ishin marrë masa pas tërmetit të 21 shtatorit, sot në Thumanë nuk do të kishim viktima. Fatkeqësisht kjo nuk ka ndodhur. Tragjedia e Thumanës ishte një tragjedi e paralajmëruar që në muajin shtator! Kjo që ka ndodhur në Thumanë është një krim shtetëror!

I bëjmë thirrje Prokurorisë që të nisë menjëherë hetimet. Të zbardhet ngjarja për hir të viktimave dhe familjarëve të tyre. Drejtësia duhet të bëjë drejtësi, në mënyrë që këto ngjarje të mos përsëriten më dhe asnjë qeveritar të mos guxojë bëjë politikë me njerëzit në nevojë!”, shkruan Këlliçi.

Sektori i pyjeve në Shqipëri ka rol të rëndësishëm mbrojtës në ruajtjen e natyrës dhe rol prodhues në rritjen ekonomike të vendit, nëpërmjet zhvillimit industrial, punësimit në zonat rurale, si dhe funksione të tjera.

Qeveria ke vendosur te vazhdoje shown mbi pyjet ne nje kohe qe vazhdon edhe prerja masive e tyre. Deri tani sipas te dhenave te vete qeverise jane prere afro 32 e siperfqes se pyjeve dhe megjithate masat e marra kane qene qesharake.

Mirëpo, sipas nismës së Këshillit të Ministrave, për të sjellë ndryshime të reja në ligjin për menaxhimin e pyjeve, kjo vjen në një moment që ende vijojnë problematikat e theksuara të sektorit.

Sipas tyre janë: degradimin e vazhdueshem te fondit pyjor kombetar, mungesen e rregullimit te marrëdhënieve ndermjet institucioneve qendrore dhe vendore, shkallen e larte te informalitetit qe ekziston ne sektorin pyjor, shfrytëzimin dhe tregtimin e lëndës drusore, financimin e pamjaftueshëm, mungesën e informacionit dhe kapaciteteve teknike dhe njerezore, tendenca mbishfrytëzimi dhe nënvlerë të produkteve jodrusore, investime të pakta në infrastrukturë dhe shërbime mirëmbajtjeje, etj.

Volumi i pyjeve ka rënie alarmante (ku vetëm gjatë 2006-2017 ka rënë me 32%), duke rezultuar aktualisht me një volum te fondit pyor prej rreth 55 milion m3. Një ndër problematikat kryesore që haset është Shfrytëzimi i paqëndrueshëm, duke marrë prej pyjeve më shumë nga ç’mund të prodhohet prej tyre.

Ndaj, nisma për ndryshime përcakton edhe fonde deri në vitin 2022 për menaxhimin e pyejeve, si nevojë në rritje për shkak të keqmenaxhimit. Vitin e ardhshëm fondi është rreth 610 mijë lekë, në 2021 rreth 614 mijë lekë, ndërsa në 2022 rreth 615 mijë lekë.

“Ligji për pyjet dhe shërbimin pyjor ka pësuar 7 ndryshime që nga momenti i miratimit në 2005, duke shkaktuar edhe pasiguri juridike. Gjithashtu, është bërë decentralizimi i qeverisjes së pyjeve, ku, aktualisht, janë 61 bashki që kanë marrë në pronësi pyje dhe kullota publike, ndërkohë që 15% e fondit pyjor është përfshirë si zonë e mbrojtur nën AKZM.

Në janar të vitit 2016 u miratua moratoriumi i pyjeve, për të frenuar situatën e shkatërrimit të pyjeve. Për të frenuar këtë trend negativ të zhvillimit të pyjeve u miratua dokumenti i politikave për pyjet 2019-2030, si dhe propozohet miratimi i këtij projektligji për të mundësuar rregullimin e duhur kuadër për sektorin.”-thuhet në relacion.

Të rejat që synon të sjellë miratimi i këtij projektligji, duke i grupuar sipas 4 synimeve strategjike të përcaktuara nëdokumentin e politikave për pyjet 2030, në mënyrë të përmbledhur paraqiten, si më poshtë vijon:

Synimi strategjik 1 “Administrimi i mirë”;
Synimi strategjik 2 “Organizim funksional”;
Synimi strategjik 3 “Shfrytëzim i qëndrueshëm”;
Synimi strategjik 4 “Shërbime cilësore”.

Relacioni përcakton, se nëpërmjet projektligjit synohet mbrojtja e pyjeve si pasuri me rëndësi të veçantë, për vlerat e mëdha dhe të pazëvendësueshme në mbrojtjen e klimës dhe të tokës, në ruajtjen dhe përmirësimin e potencialeve prodhuese, ekuilibrave të mjedisit natyror, biodiversitetit, burimeve gjenetike dhe regjimit hidrik, si detyrime me interes kombëtar dhe ndërkombëtar.

Prokuroria e Tiranës shpall moskompetencën për padine e presidentit Ilir Meta ndaj Ardian Dvorani.

“Sot prokuroria e Tiranës, konfirmoi zyrtarisht për mbylljen e hetimit nga kjo prokurori dhe shpalljen e moskompetences dhe kalimin e saj SPAK” .

Në mes të nëntorit presidenti Ilir Meta dorëzoi kallëzimin në tre prokurori, por Prokuroria e Përgjithshme dhe Prokuroria e Krimeve të Rënda shpallën moskompetencën pasi veprat penale për të cilat është kallëzuar Dvorani “shpërdorim detyre” dhe “përvetësim i titullit apo detyrës shtetërore” u quajten kompetencë e Prokurorisë së Tiranës, por me themelimin e SPAK kjo dosje i kaloi kësaj prokurorie të posaçme.

“Deri tani kjo eshte e vetmja dosje qe prokuroria e Tiranes ka nisur prane SPAK dosjen” informoi gazetarja

Në padinë penale Presidenti Meta kërkoi të administrohen një sërë provash materiale deri tek audioregjistrimi i mbledhjeve të zhvilluara, pasi sipas presidentit nga 30 mbledhje të zhvilluara nga KED vetëm një prej procesverbaleve është zbardhur. Zoti Dvorani, thotë Meta, ka përvetësuar vendimmarrjen kolegjiale për Arta Vorpsin.

Dvorani është propozuar sërish nga KLGJ si anëtar i vetëm përfaqësues nga Gjykata e Lartë për KED