Një prej këngëtarëve më të njohur shqiptarë në 30 vitet e fundit, i konsideruar si legjendë e rrokut shqiptar, Aleksandër Gjokaj, u arrestua nga policia e Sandër Lleshajt, me pretendimin se u kap i dehur duke drejtuar automjetin.

Pas kontrollit, policia evidentoi që Gjokaj kishte konsumuar alkool përtej normës së lejuar.

Këngëtari është në pritje të masës së sigurisë, ndërkohë që Faxweb raporton se Prokuroria do të kërkojë ndaj Gjokës “Detyrim paraqitje”.

Ndalimi i Gjokajt ka shkaktuar reagime të shumta në rrjetet sociale, kjo për faktin se policia që zgjodhi të arrestojë këngëtarin e njohur, nuk tregohet aq efikase kur përballet me çështje edhe më të rënda. Artistët të shumtë, por edhe qytetarë të thjeshtë kanë kërkuar lirimin e këngëtarit Sandër Gjoka!

Ndërkohë që në të dy shtetet shqiptare, Shqipëri dhe Kosovë, po zhvillohet një debat i zjarrtë që ka në qendër qëndrimet e kryeministrit Edi Rama, në lidhje me lidershipin e Kosovës dhe mini-shengenin ballkanik, presidenti i Serbisë, Aleksandër Vuçic, ka marrë në mbrojtje mikun e tij.

Në një intervistë për televizionin beogradas ‘O2’, Vuçiç ka deklaruar se Edi Rama po tregon kurajë të madhe, për të ecur përpara me projektin e `shengenit të vogël` në Ballkan, pavarësisht kundërshtive të shumta në vendin e tij dhe në Kosovë.

Madje presidenti serb ka shkuar deri aty sa ka zbuluar se këtë Edi Rama, ‘po e bën pa na u dashur që të kërkojmë ndjesë për genocidin në Kosovë’.

‘Kryeministri Rama është në favor të bashkëpunimit tonë ekonomik, ndryshe nga disa të tjerë në rajon që këmbëngulin se ne duhet vetëm të kërkojmë ndjesë pasi jemi popull genocidal. Rama, për nismën e Shengenit të vogël, ka treguar kurajë të rrallë’, ka deklaruar Vuçiç.

Gjithashtu ai ndryshe nga deklaratat e Ramës, i cili thotë se faktori ndërkombëtar qëndron pas kësaj nisme ka thënë, se qarqe të caktuara në BE e shohin me dyshim këtë projekt.

‘Atyre (BE) nuk u pëlqen që Ballkani po sheh punën e vet, e kanë të vështirë kur nuk vendosin dot për ne. Por nga ana tjetër as nuk mund ta kundërshtojnë drejtpërdrejt sepse iniciativa është pjesë e katër lirive dhe vlerave që përbëjnë Bashkimin Europian, dhe që janë e drejta e lëvizjes së lirë të njerëzve, kapitalit, shërbimeve dhe produkteve’, ka deklaruar presidenti serb.

Persona të maskuar janë futur brenda në banesë dhe kanë marrë një shumë parash. Sipas burimeve, ngjarja ka ndodhur gjatë natës së djeshme në qytetin e Peshkopisë.

Gjatë momentit të grabitjes asnjë nga anëtarët e familjes nuk ka qenë në shtëpi. Banesa ndodhej pranë spitalit.

Grabitësit kanë marrë paratë dhe janë larguar me shpejtësi.

Policia ka nisur hetimet për ngjarjen duke sekuestruar kamerat e sigurisë së objekteve përreth por ende nuk ka rënë në gjurmët e tyre.

Senati amerikan e ka konfirmuar dhe tashmë Yuri Kim do jetë ambasadorja e re e SHBA në Tiranë.

Lajmi për konfirmimin e saj ka bërë bujë në dy vende, në Shqipëri dhe në Guam, ishullin prej nga vjen ambasadorja me origjinë koreano-amerikane.

Guam është një ishull me rreth 160 mijë banorë, që i përket territoreve amerikane.

Portalet e këtij ishulli e kanë pritur me gëzim faktin që Kim, një veterane prej 20 vitesh në shërbimin e jashtëm amerikan, do bëhet ambasadore. Në këtë mënyrë, ajo do jetë e para koreano-amerikane që do bëhet ambasadore, dhe e para ambasadore nga Guami.

Po ashtu mediat e Guamit kanë theksuar historinë e trishtë të familjes së Kim. Mamaja e saj humbi jetën në 6 gusht të vitit 1997 pas aksidentit ajror të Korean Air, që shkaktoi 229 viktima.

Prej asaj kohe, familja e Kim ka ngritur një fondacion në nderim të Jane Wha-Young Kim, i cili jep bursa dhe çmime për edukimin.

Vetë ambasadorja thotë se nëna e saj ishte një avokate e fortë e arsimimit.