Sektori i ujit në Shqipëri, sipas analistëve të ekonomisë, ka shënuar pak përmirësime dhe shoqëritë e ujësjellësve kanë qenë shpesh në qendër të kritikave të forta për menaxhimin dhe shpërdorimet financiare, por edhe punësimet në masë të militantëve partiakë në ndërmarrjet e ujësjellësit që kanë rritur kostot financiare.

Në Shqipëri 6 shoqëri rajonale të ujësjellësit, që përfshijnë 25 bashki të vendit rritën gjatë vitit 2024 çmimin e ujit të pijshëm për qytetarët, megjithë kundërshtimet në dëgjesat publike të zhvilluara.

Të dhënat e Entit Kombëtar të Ujit flasin se rritja më e vogël është rreth 8.6% për konsumatorët familjarë të ujit të pijshëm për shoqërinë rajonale të ujësjellësit Gjirokastër dhe shkon deri në 37.5 % për familjarët në Shkodër dhe Vaun e Dejës.

Rritja e çmimit të ujit për rajonet e Lezhës, Fierit, Pogradecit, Durrësit, Gjirokastrës dhe Shkodrës në vitin 2024 pritet të pasohet sipas Entit Kombëtar të Ujit edhe në tre shoqëri të tjera rajonale të ujësjellësve në Korçë, Elbasan dhe Berat të cilat janë në proçes shqyrtimi të tarifave të reja.

Gjatë dëgjesave publike të zhvilluara, sipas raporteve të Entit Kombëtar të Ujit dhe raportimeve në terren qytetarët e kanë kundërshtuar rritjet e tarifave të ujit të pijshëm pasi rëndojnë sidomos familjet me të ardhura të pakta dhe pensionistët.

Një rritje të ndjeshme krahas shërbimit të furnizmit me ujë kanë shënuar pothuasje për të gjitha bashkitë edhe tarifat e largimit të ujërave të ndotur dhe tarifa fikse e shërbimit.

Faturat e ujit shoqërohen nga bashkitë edhe me pagesën e taksave vendore duke e bërë të papërballueshme barrën financiare për mijëra familje që jetojnë në varfëri dhe me të ardhura të kufizuara.

Shoqëritë e ujësjellësve pothuajse kanë paraqitur të njëjtat argumente për rritjen e çmimit të ujit të pijshëm në Entin Rregullator të Ujit që miraton tarifat e reja.

Sipas tyre rritja e çmimit të ujit bëhet prej nevojës për përmirësimin e performancës financiare dhe mbulimin mbi 100% të kostove operacionale, për shkak të rritjes së çmimeve të materialeve dhe pagës minimale, përmirësimin e furnizimit me ujë dhe reduktimin e “ujit pa të ardhura” i cili vazhdon të jetë sipas vetë bashkive në nivele shumë të larta.

Strategjia Kombëtare e Ujësellës Kanalizimeve 2022-2030 prashikon një rritje me 75% të tarfiave të ujit nga viti 2020 deri në vitin 2030 me qëllim rritjen e qëndrueshmërisë financiare të shoqërive të ujësjellësave.

Sektori i ujit në Shqipëri mbetet nga më problematikët për shkak të humbjeve që kanë disa nga shoqëritë më të mëdha të ujësjellësave, mungesës së investimeve dhe “ujit pa të ardhura” që nuk arrin të faturohet për shkak të mungesës së matësve dhe keqmenaxhimit.

Sipas të dhënave të Raportit të Entit Kombëtar të Ujit, në vitin 2023 , në shkallë kombëtare vlerësohet se shoqëritë e ujësjellësave tërhoqën nga natyra për të dërguar në rrjetin e konsumatorëve rreth 307 milionë metra kub ujë, por 64% e sasisë së ujit humbi në rrjet si pasojë e mungesës së matësave dhe problemeve të menaxhimit dhe vetëm pjesa tjetër u pagua nga përdoruesit.

Kohëzgjatja e furnizimit me ujë në nivel kombëtar, sipas Entit Rregullator të Ujit, është 16.6 orë në ditë, me një rritje të lehtë prej 0.3 orë në ditë krahasur me vitin 2022.

Ndërsa “mbulimi i furnizimit me ujë në shkallë kombëtare për vitin 2023 është në nivelin e 76.2% nga 78% që ishte në vitin 2022, pra ka pësuar një rënie me rreth 1.8%,” thotë raporti i Entit Rregullator të Ujit.

Rënia e këtij treguesi, thuhet në raport, ka ardhur nga rënia popullsisë në zonat që administrohen nga shoqëritë e ujësjellësëve me 58,098 banorë, “ndërkohë që popullsia e shërbyer me ujë ka pësuar një rënie me 127,055 banorë”.

Ndërkohë qytetet bregdetare kanë normat më të larta të humbjes së ujit ku mbi 70% e sasive të ujit që hidhet në rrjet nuk arkëton të ardhura, një shifër tejet e lartë kjo krahasur me qytetet e tjera dhe që flet për situatën kritike të menaxhimit.

Situata me kanalizimet është edhe më rënduar. Sipas raportit “në shkallë kombëtare mbulimi me kanalizime është në nivelin e 55% dhe vijon të ketë një prirje të lehtë rritjeje edhe për vitin 2023 me një përmirësim të vogël me 0.8% krahasuar me vitin 2022”.

Në sektor, thuhet në raportin Entit Rregullator të Ujit për vitin 2023, janë ende rreth 33 mijë klientë, të cilët e realizojnë grumbullimin e ujërave të ndotura nëpërmjet gropave septike kundrejt 708 mijë klientëve që shërbehen nga shoqëria me kanalizime./VOA

Nga Sidi Hasanaj

Gjithçka në partinë Demokratike ndryshoi në formë të pakthyeshme pas 8Janarit 2022.

Konfliktet shpesh nxjerrin në pah atë çfarë ne jemi, karakterin tonë, raportin me të vërtetën, vizionin tonë për çështjet e konfliktit, kurajon… por mbi të gjitha nxjerr në pah sesi reagojmë kur jemi në rrezik e vulnerabilitet, mirësinë tonë!

Sot pas 3 vitesh ka ardhur të thuhen disa të vërteta, pa frikë dhe pa asnjë kompleks.

Si S.Berisha dhe Lulzim Basha, ishin në një antagonizëm tepër të zjarrtë me njëri tjetrin, pasi të dy ishin në rrezik për të humbur shumëçka dhe në atë gjëndje vulnerabiliteti të dy treguan fytyrën dhe arketipin e vërtetë të tyre.

S.Berishës i duhej patjetër selia e PD, i duhej si një kështjellë e fituar me dhunë, me gjak, me brutalitet… për ti dhënë mesazhin ShBA-ve se Shqipëria është territori i tij, ai është faktor destabiliteti me forcën e dhunës që ka e ashtu si shkatërroi L.Bashën dhe PD, nesër mund të shkatërronte gjykatat, prokuroritë, policinë… çfarëdo pushteti në Shqipërinë “e tij” dhe Berisha i trembur nga spiralja ku po hynte (ajo që i ka nisur tashmë me drejtësinë) tregoi shëmtinë e brutalitetit të tij:

Me një ushtri vrasësish të liruar nga burgjet, me trafikantë droge, me ish drejtues policie gjatë pushtetit të tij por njëkohësisht aq shumë të lidhur me krimin, me ish drejtorë Ujësjellsash,keshi, doganash, tatimesh… me “të fortët” e fiseve nga Veriu që kanë qenë përfitues e pushtetit të tij, dhe me disa deputetë, servilë politik etj etj ngjyrime profilesh nga më të zymtët e shoqëris dhe oborrit të tij, Berisha shkoi në seli me hekura!

Pse me hekur?
Koka dashi, shina treni, leva, armë… të gjitha prej hekuri, sepse në subkoshiencën e tij ai duhet të demonstronte dhe përdorte elementin më të dhunshëm, më shkaktues dhimbjeje ndaj kundërshtarit të tij!
Sali Berisha nuk kërkonte marrjen e selisë, por dhunimin, përdhosjen e Lulzim Bashës.
Selinë ai e dinte që merrte veçse me vendim gjykate, por atij i duhej që të dhunonte fizikisht e ligësisht njeriun që i doli përballë për herë të parë në jetën e tij si askush! Askush si kishte dalë aq hapur dhe efektivisht Berishës si Lulzim Basha, as Azem Hajdari e lëre më të tjerët!

Nga ana tjetër Lulzim Basha dhe një grup demokratësh qëndronin në seli.

Sot ka ardhur dita që Lulzim Basha “të marrë atë që meriton” për aktin që kreu më 9shtator dhe 8Janar:

E para, Lulzim Basha qëndroi përpara brutalitetit, dhunës barbare, dhe trajtës më të shëmtuar të grykësisë për pushtet, me hijeshinë e fisnikërisë, me fuqinë e paqes, me vendosmërinë e njeriut që ka zgjedhur të vërtetën… e kush mund ti dalë kundra të vërtetës?!

U sulmua me verbin banal dhe vulgar të një goje me dhëmbë urrejtje, gjuhë përçmimi e meskiniteti me termat “Lul Brava”, e përse?

Përse skuadriliave të policisë private të Erzen Breçanit dhe Bashkim Ulajt, dhe vrasësve me pagesë (të Shkëlzenit) e rrugeçërve të Flamurit, ju preu mundësinë të shkaktonin dhunë duke ju mbyllur me dyer të blinduara rrugët për të hyrë në skenarin e tyre barbar!

Lulzim Basha nuk ju përgji dhunës së agresorëve me kundërsulm, por duke evituar konfliktin primitiv, por… por ai qëndroi atje brenda!

Si L.Basha ashtu dhe shumica e çdo burri, gruaje, djali apo vajze që hynë atë 8janar në seli, përpara se të hynin u përshëndetën me familjet dhe fëmijët e tyre… djallit nuk i dihej, dhe djalli Sali Berishë ishte tepër i egërsuar dhe i etur për gjak!

Por aktet mes Lulzim Bashës dhe Berishën nuk u ndalën atje në oborrin e PD.

Sali Berisha i tha “e ruan selinë se do ndërtosh kullë të madhe aty bashkë me Ramën”, me durim dhe maturi Lulzim Basha ju faktoi shqiptarëve se kullën e vetme (jo në seli, por pak metra më pas) e morri dhe po e ndërton djali i Sali Berishës bashkë me oligarkët e përbashkët që ka me Metën dhe Ramën, kullën “Mali i Tiranës”… kullë të cilën Basha e çoi personalisht në SPAK si vendgjarje pastri parash!

Sali Berisha e akuzoi L.Bashën se ai kishte kompani bixhozi në Qipro në emër të gruas së tij, përsëri L.Basha me durim titanësh këtë mashtrim e hodhi poshtë dhe ju faktoi opinionit publik, se kumbarin e bixhozit në Shqipëri në vitet 2005-2013, Lumneshin e Apex e kishte në krah të djathtë më 8Janar Sali Berisha, si njeriun e tij lidhje me botën e krimit… Sali Berisha u shpall NonGrara nga Britania edhe për këtë lidhje të tij me krimin!

E akuzuan se Rama e mbante peng me dosjen e financimeve ruse, krijuan dhe komision për këtë, Basha ju tregoi me qetësi se McGonnigal ishte investimi më i rremë i Edi Ramës dhe këta ishin autoparlanti i tij.

Ishte aq e qartë, përballeshin e vërteta me blasfeminë…
qetësia dhe urtësia e të vërtetës me çjerrjen e marrosur të blasfemisë të një demoni të njollosur si hajdut dhe politikan i lidhur pazgjidhshmërisht me krimin!

Padyshim që L.Basha kishte gabimet e tij, si kushdo, gabime edhe në zgjedhjen e njerëzve të tij si ofertë për demokratët.
Edhe nisi një katarsis, një vetë pastrim në formë tepër inteligjente:
Përballë presioneve, ofertave joshëse nga Oligarkët e Berishës, ai nuk tentoi të mbante asnjë bashkëpunëtorë të tijin pranë vetes.

Shumë e quajtën paaftësi në mosveprim, në fakt ai proces ishte fuqia krijuese e tërheqjes.

Ofertave për miliona, për poste, për biznese nga ana e Berishës, Basha ju përgjigjei me dashurinë për të krijuar një parti të re mbi sinoret e të djathtës, mbi integritetin, mbi meritokracinë dhe frymën Perëndimore.

Dhe gjatë e pas 8Janarit, në PD, u evidentuan njerëz ta jashtëzakonshëm.

Njerëz me karakter dhe mençuri të paparë më parë në historinë e asaj partie, të mbushur me demagog e figura servile e mediokre.

U ridemensionuan në figurina e buratinë qesharak shumë deputet e zyrtarë, por në dritë dolën shumë figura të forta.

Nga çdo grup-seksion deri në kupolë shumë njerëz idealistë vendosën fytyrën e tyre në betejën me Berishizmin, me injorancën, vjetërsinë dhe hajdutërinë në PD.

Nuk mund të listoj njerëzit heronj më sipër, sepse janë shumë dhe ose do harroj dikë ose nuk e njoh dikë tjetër, por një gjë është e vërtetë :
Ata nuk ishin mercenarë apo servil të L.Bashës, madje shumë nuk kishin dhe diskrepanca me Bashën, por njerëz të përkushtuar pas kauzës dhe idealit të tyre.
Mes tyre i mrekullueshmi Nebil Çika, mbase fytyra më e bukur e anti-komunistëve, më pas E.Alibeaj që udhëhoqi PD në një kohë shumë të vështirë me shumë karakter.
I përmenda këta dy njerëz si provë që nuk kishin raport me emrin e L.Bashës, por me kauzën.

Kanë kaluar 3vjet nga ajo përballje, e shumë spekullantë e sharlatan, sot hiqen si politikan anti sistem, anti oligarki, anti kastë… kllounë që më 8janar ishin krah për krah me bandën e Berishës me leva në duar.

Përballja e vetme reale me Oligarkët, me bandat e tyre, me mediat e tyre, përballja reale me sistemin e ndyrë 33vjeçar është përballja që Lulzim Basha dhe demokratët anti-berishë (pro apo kundër Bashës) kryen atë 8Janar dhe çdo ditë gjatë këtyre 3viteve, ai ishte akti i vetëm i vërter subversiv në Shqipërinë moderne.

Kushdo del në tv dhe flet kundër sistemit, apo x y oligarku apo ministri, por askush nuk ka hyrë në konflikt civil për të shpëtuar një ideal si partia e larë e të djathtëve kundrejt uzurpatorit të saj dhe pushtetit të tij më brutal!

Gruaja e Elman Abules, Marisa Nito është paraqitur në SPAK që prej orës 10:00 në kudër të hetimëve për Erion Veliaj.

Pasi doli nga SPAK, ajo tha për mediat se nuk ka asnjë koment.

Elman Abule dhe gruaja e tij Marisa Nito, konsiderohen miq të afërm të familjes Veliaj, ndaj dhe pak ditë më parë me kërkesë të SPAK, gjykata miratoi kontrollin në banesën dhe biznesin e tyre.

Ndërsa miqësia e tyre është ndërthurur edhe përmes disa transaksione të dyshimta financiare, që çifti Abule ka bërë në adresë të llogarive bankare të Ajola Xoxës.

A do të ketë koalicion mes tyre? Qori: Kemi ndershmëri politike dhe guxim! Shabani: Na bashkojnë më shumë gjëra se sa na ndajnë
Pyetja e tyre vjen në një kohë kur SPAK ka intensifikuar veprimet hetimore ndaj kryebashkiakut të Tiranës, Erion Veliaj, bashkëshortes së tij, Ajola Xoxa dhe vëllait, Arbër Veliaj.

Përmes sistemit TIMS, SPAK ka siguruar prova që faktojnë udhëtime të përbashkëta mes çiftit Abule dhe Xoxe në disa vende të Evropës.

Ndërsa miqësia e tyre është ndërthurur edhe përmes disa transaksione të dyshimta financiare, që çifti Abule ka bërë në adresë të llogarive bankare të Ajola Xoxes.

Nga kjo marrëdhënie e ngushtë miqësore, dyshohet se Abule ka përfituar leje ndërtimi në Tiranë, ku e fundit ka qenë në zonën e “Kombinatit”.

Mësohet se leja ndërtimi nuk është vënë në zbatim, për shkak se dy pronarët e truallit kanë revokuar kontratat e sipërmarrjes me kompaninë e Elman Abules, për shkak të të kaluarës së tij si i dënuar për vjedhje në Belgjikë.

“Djalin nuk e trajtuan siç duhej, në një moment ai shtrëngon gjoksin fort. Aty e marr në krahë për ta çuar tek urgjenca e pediatrisë dhe rrugës djali më mbaroi në krahë”, u shpreh një nga familjarët e 12-vjeçarit që u nda nga jeta pasi shfaqi probleme shëndetësore.

Për mediat, ka deklaruar se: “Djali tonë ka qënë i shëndetshëm,nuk ka pasur asnjë problem shëndetësor më parë, merrej me aktivitet sportiv.”

I mitur, në fund të dhjetorit ka shkuar në spitalin e Korçës me simptoma të gripit (me të vjella dhe temperaturë të lartë), dhe është trajtuar në spitalin e Korçës në reanimacion. Pasi është përmirësuar djali është nxjerrë nga spitali.

Ditën e djeshme është dërguar me urgjencë tek Trauma në Tiranë dhe familjari tha se i mituri u shtrua në pavionin e Covid.

“Djali jonë nuk ishte për aty ata duhet ta ndiqnin ne reanimacion”, u shpreh familjari, duke shtuar se: “U shtrua aty dhe filloi të kishte të vjella të pandërprera, ja komunikoja këtë infermieres dhe më thoshte që nuk ka mundësi.”

Gjithashtu shtoi se i mituri nuk vuante as nga diabeti as nga zemra, “por nga mjekimet e shumta diabeti ditën e fundit i shkoi 200”.