Pas vendimit për pezullim të tij nga Ministria e Arsimit, ka reaguar sërish rektori i Universitetit të Tiranës, Mynyr Koni.
Përmes një deklarate të gjatë, Koni shprehet se e priste një sulm të tillë, që sipas tij nuk është i pari në adresë të tij.

“Në fakt ishte e pritshme nga ana ime që situata do të shkonte deri këtu, pas gjithë atyre sulmeve të pashembullta që prej shumë kohësh, janë adresuar ndaj personit tim”, shprehet rektori i UT.

Sipas tij, ministrja e Arsimit Besa Shahini, para se të merrte një akt të tillë, duhet të kishte kërkuar më parë një takim me të.

REAGIMI I PLOTË:
Ashtu sikurse e citova edhe në deklaratën time të shkurtër në rrjetin social në Facebook, pasi mësova nga media se Ministrja e Arsimit, kishte vendosur pezullimin tim nga detyra e Rektorit të Universitetit të Tiranës dhe i kishte kërkuar Presidentit të Republikës së Shqipërisë, shkarkimin tim, edhe një herë dua të theksoj me forcë se Ministrja aktuale e Arsimit, përpara se të merrte një vendim të tillë, do të thosha ekstrem, dhe aspak të mbështetur në fakte dhe prova, në asnjë çast dhe në asnjë moment, nuk më ka mundësuar një takim apo të më kishte dëgjuar se çfarë po ndodhte në të vërtetë në Universitetin e Tiranës dhe sesi prej vitesh, ky vendim ishte inskenuar, ideuar, duke shfrytëzuar pothuajse të gjitha institucionet e shtetit shqiptar dhe duke përdorur apo detyruar në mënyrën më skandaloze drejtuesit e tyre, sikurse u vërtetua katërcipërisht edhe në rastin e vendimit më të fundit të Ministres aktuale të Arsimit.

Në fakt, ndjej detyrim moral për të bërë këtë deklaratë dhe për të sqaruar edhe një herë, sado pak qoftë, të gjithë ata që duan të dëgjojnë apo të kuptojnë të vërtetën; të gjithë ata që u “dhemb” me të vërtetë Universiteti i Tiranës, kolegët dhe studentët e UT, por së pari, familjen time dhe bashkëpunëtorët e mi, që më kanë mbështetur në këtë rrugëtim të vështirë, që ka filluar që nga momenti i marrjes sëdetyrës si Rektor i Universitetit të Tiranës.

Në fakt ishte e pritshme nga ana ime që situata do të shkonte deri këtu, pas gjithë atyre sulmeve të pashembullta që prej shumë kohësh, janë adresuar ndaj personit tim.

Deklaratën e saj, Ministrja e fillon me protestën e studentëve, pastaj vazhdon me ligjin e arsimit të lartë 80/2015 dhe risitë që paskërka sjell ky ligj; tek zbatimi korrekt i tij nga të gjitha institucionet e tjera të arsimit të lartë dhe ndalet tek Universiteti i Tiranës, duke theksuarse: ” …..

Rektori i Universitetit të Tiranës, nuk është mjaftuar vetëm me kompetencat akademike, por ka synuar edhe kompetenca administrative…….”dhe vazhdon dhe flet e flet, por pa thënë asgjë konkrete dhe asgjë të provuar, por vetëm duke kryer detyrën dhe porosinë që ka marrë dhe që me patjetër, duhet ta përfundojë atë…..

Sikurse e kam thënë, përpara se të merrte një vendim të tillë, minimalisht, Ministrja duhet të më kishte dëgjuar, por siç duket, e tremb e vërteta, sepse, sikurse edhe vetë e deklaroi, institucioni i Rektorit, dhe sidomos aiiRektorit të Universitetit të Tiranës, është një institucion jo vetëm i rëndësishëm për arsimin e lartë, por është një institucion që del nga zgjedhjet dhe nga votat e më shumë se 25 mijë votuesve.

Dhe kjo,është mjaft e rëndësishme për shumë arsye dhe nënkupton dhe shumë gjëra, sidomos atë që artikulohet edhe më shumë sot … “autonomia e IAL-ve”.

Që prej emërimit të saj si Ministre, pavarësisht se ajo ka qenë pjesë e drejtimit të MASR, dhe besoj se shumë gjëra mund t’i ketë dëgjuar, po sigurisht varet sesi dhe çfarë ka dëgjuar, kishte detyrimin institucionalt’u kthente përgjigje shkresave dhe kërkesave zyrtare qëi kam përcjellë, dhe ato nuk janë të pakta në kaq javë që ajo është në këtë detyrë.

Edhe pse i kemi dërguar mbi 50 faqe objeksione si dhe prova e fakte që vërtetojnë se anëtarët e inspektimit kanë shkelur rëndë ligjin, Ministrja vazhdon të dezinformojë opinionin publik me gjëra të pavërteta. Universiteti i Tiranës i ka kallëzuar në Prokurori të gjithë anëtarët e inspektimit për shpërdorim detyre, mashtrim të fakteve, të kryera prej tyre në konflikt të hapur interesi.

Ata, në çdo analizë dhe interpretim të çështjeve që kanë trajtuar në raport, i kanë justifikuar Bordit të Administrimit dhe Administratorit të këtij universiteti çdo shkelje ligjore, dhe u kanë njohur si të drejta çdo tejkalim kompetence.

Përse e bënin këtë? Sepse ata ishin vetë anëtarë përfaqësues të Ministrisë së Arsimit në Bordet e Administrimit në universitete të tjera publike dhe në këtë mënyrë, u paraprinin justifikimit të shkeljeve ligjore që mund të kishin bërë apo që po bënin në universitetet ku ato ishin emëruar si anëtarë të Bordeve të Administrimit.

Të gjithë anëtarët e grupit të inspektimit prej një kohe të gjatë janë persona nën hetim pikërisht për hartimin e këtij raporti, të cilin Ministrja e ligjëron duke vendosur pezullimin tim.
Kështu:
Ministrja citon se Rektorit i është kërkuar të shfuqizojë vendimet qe ka marrë në tejkalim të kompetencave të tij ligjore. Pyetja ime është: Për cilat vendime e ka fjalën kjoMinistre,…..Për ato vendime të cilat janë konstatuar të vlefshme nga gjykatat kompetente ???

Ministrja citon se Rektorit iështë kërkuar tëmospengojë punësimin e stafit akademik sipas nevojave të fakulteteve ….. duke përmendur se edhe sot ka akoma raste të tilla… dhe pyetja ime direkte është:

Për cilat raste e ka fjalën zonja Ministre, për të gjitha ato raste që kërkohet të shkelet dhe të moszbatohet as ligji dhe asaktet nënligjore në fuqi në lidhje me rekrutimet???… nëse do të kishte denjuar dhe do të kishte lexuar sadopak Objeksionet ndajprojekt-raportit apo të shikonte korrespondencën që kam patur me dekanët e disa fakulteteve në lidhje me këtë çështje, absolutisht që nuk do ta përmendte si një nga “arsyet” absurde për pezullimin tim nga detyra….por përkundazi…Por sigurisht që nuk e kabërë..;

Përse në disa fakultete dhe njësi të tjera të UT, rekrutimet e personelit akademik janë zhvilluar normalisht, në zbatim të ligjit dhe akteve nënligjore në fuqi, bazuar në nevojat dhe kërkesat e tyre?? ..Si e shpjegoni ju këtë gjë zonja Ministre????

Përse unë si Rektor duhet të pengoja disa rekrutime dhe shumë të tjera t’i lejoja të bëheshin??? Kjo është e pakuptimtë nga ana ime… Sigurisht edhe për ju dhe për të gjithë, por kështu duhet të thuhet nga ana juaj… sepse kështu është porosia…

Asgjë nuk është penguar nga ana ime, asgjë nuk është “paralizuar”.., por përkundrazi, kështu kanë dashur të veprojnë dekanët e disa fakulteteve sepse kështu bëhet “arsye e fortë” për pezullimin e Rektorit.

Ministrja flet për bllokim nga ana e Rektorit të protokoll-arshivës të institucionit…… pa u ndalur në këtë çështje sepse ndoshta kyështë edhe rasti më tipik, më i qartë, dhe më flagrantsesi janë përdorur institucionet e shtetit shqiptar dhe drejtuesit e tyre për të “luftuar” Rektorin e UT-së, në këtë rast do të doja të bëja vetëm një pyetje: Ju zonja Ministre sa protokolle dhe vula zyrtare keni në institucionin që drejtoni???… Çfarë do të bënit ju nëse në institucionin që drejtoni ka më shumë se një vulë zyrtare dhe më shumë se një protokoll zyrtar???

Për cilën reformë e ka fjalën Ministrja?… shkarkimi i Rektorit ia mundëson këtë Ministres dhe Qeverisë së saj? Apo Rektori, duke zbatuar ligjet, ika penguar për të bërë atë çfarë prej kohësh duan të bëjnë me këtë institucion?

Dhe në fund, Ministrja mundohet ta mbyllë“bukur” deklaratën, me fjali të mëdha, pompoze, ashtu sikurse e ka aftësi Qeveria e saj…tregon se çfarë do të bëjnë për universitetet; tregon se çfarë duhet tëbëjë një universitet për studentët e tij dhe se me çfarë dijesh dhe aftësish duhet t’i përgatisë ata, etj etj… Dhe Ministres i duhet një frymë e re bashkëpunimi…. pa Mynyr Konin… sepse me tëështë e pamundur…

Dhe Ministja citon se është e detyruar të marrë një vendim kaq të vështirë… nga kush është e detyruar, për çfarë arsye???
Por të gjitha janë të kuptueshme, janë fare të qarta,jo vetëm nga ana ime, por tashmë nga të gjithë.

Sulmet e vazhdueshme në media, vend e pa vend, pa asnjë arsye dhe fakt, tëKryeministrit dhe tashmëtë Ministres, nuk janë gjë tjetër, veçse përfundimi i një skenari të shkruar, ideuar, instrumentuar dhe drejtuar nga vetë qeveria.

Karrierën time akademike, fatmirësisht, nuk e kam të lidhur as me karrigen e rektorit dhe as me të qenurit rektor. Në jetën time jam edukuar dhe formuar, të jem njeri i drejtë, parimor dhe me principe dhe i tillë do të vazhdoj të mbetem.

Nëpërmjet kësaj deklarate, dua t’i kërkoj Presidentit të Republikës së Shqipërisë, që me seriozitetin dhe gjakftohtësinë që e karakterizon, ta shikojë me shumë kujdes këtë rast, jo për Mynyr Konin, por për Universitetin e Tiranës, për vetë rëndësinë, historinë dhe domethënien që ka ai në arsimin e lartë në vend.

Gjithashtu, dua të shpreh gadishmërinë time për çdo sqarim me institucionin e Presidentit në lidhje me këtë çështje kaq delikate dhe të rëndësishme dhe mbetem i gatshëm për të vënë në dispozicion çdo dokument zyrtar që unë disponoj.

Kështu, në mënyrë të përsëritur, i kam kërkuar të shprehet në mënyrë institucionale dhe kam kërkuar ndërhyrjen e saj për çështje mjaft të rëndësishme për Universitetin e Tiranës, siç ështëzgjedhja e Komisionit tëPërhershëm në nivel njësie kryesore për marrjen e gradës shkencore “Doktor”; apo zbatimi i VKM nr.782 datë 26.12.2019 për zgjedhjen e anëtarit të Bordit të Administrimit të UT-së,nga studentët; e kam vënë në dijeni zyrtarisht për shkeljet ligjore nga ana e dekanëve të disa fakulteteve të UT-së, të cilët nuk kishin zbatuar detyrimin ligjor për të përcjellë të dhënat e kërkuara për hedhjen e tyre në portal apo për bibliotekën online që aq shumëështë përfolur kohët e fundit dhe për të cilën jam akuzuar unë sikur jam arsyeja e mosvëniessë saj në punë; etj.etj,,, Dhe të gjitha këto, janë me prova dhe fakte konkrete.

Por në asnjë rast, kjo Ministre, nuk ka denjuar të kthejë as përgjigje, dhe as të ndërhyjë apo të shprehë qëndrimin e saj institucional. Ajo ka zgjedhur të heshtë, dhe tashmëështë e kuptueshme që me heshtjen e saj, ka “gatuar” dhe ka përgatitur vendimin e pezullimit tim.

Atëhere përse çuditet Ministrja, që unë nuk i kam përcjellë një propozim konkret për masë disiplinore për ndonjënga dekanët, kur ajo kishte një sjellje të tillë; kur ajo nuk kishte dhe nuk tregonte asnjë frymë bashkëpunimi apo bashkërendimi të punëve me Rektorin e UT, gjithmonë në të mirë të institucionit dhe në zbatim të ligjit; kur ajo dilte hapur në mbrojtje të tyre; kur ajo vetë organizonte takime me këta dekanë dhe Rektori i Universitetit nuk ishte askund dhe nuk ftohej, por vetëm fajësohej, fajësohej prej saj dhe prej Kryeministrit?

Sigurisht që, nuk mund të përcillja tek Ministrja një propozim të tillë. Për më tepër, dua të theksoj se Statuti i UT-së, i miratuar nga Ministrja e Arsimit, nuk i ka lënë asnjë kompetencë Rektorit për ta bërë këtë gjë, dhe jo vetëm për dekanët por edhe për personelin tjetër të UT-së, pavarësisht se Rektori është punëdhënësi dhe nënshkruan kontratat e punës me ta.
Siç duket, për këtë arsye është miratuar në këtë mënyrë Statuti i UT-së!!!

Por, ju siguroj se, në cilësinë e Rektorit dhe të detyrimit ligjor dhe moral ndaj institucionit, të gjitha shkeljet ligjore të disa dekanëve, të ish- autoriteteve apo autoriteteve të tjera të UT-së, i kam kallëzuar me prova dhe fakte konkrete në prokurori, dhe aktualisht ndodhen në hetim pranë kësaj të fundit.

Por, le të ndalemi pak tek inspektimi që përmend Ministrja në muajin Shkurt 2018 nga një grup inspektimi i MASR, për vlerësimin e zbatimit të ligjshmërisë nga autoritetet dhe organet drejtuese të UT-së, i cili në përfundim të tij, ka lënë 14 rekomandime për autoritetet dhe organet drejtuese të UT dhe se sipas Ministres, vetëm Rektori nuk i paskërka zbatuar ato.

Sapo është përcjellë raporti nga ish-Ministrja, pas analizimit të rekomandimeve të lëna për Rektorin (gjithsej 6 prej tyre), me shkresë zyrtare i jam drejtuar ish-Ministres duke i raportuar në lidhje me masat që ishin marrë dhe/ose ishin në proces zbatimi. Nuk kam pranuar të zbatoj vetëm ato rekomandime të cilat binin në kundërshtim të hapur me ligjin dhe për të cilat gjykatat kishin vendosur vlefshmërinë e tyre.

Pikërisht, për këto vendime, grupi i punës kishte rekomanduar shfuqizimin e tyre nga Rektori si të nxjerra jashtë kompetencave. Për këto, kam bërë me dije ish-Ministren si edhe grupin e punës gjatë verifikimit prej tyre të zbatimit të rekomandimeve në vjeshtën e vitit 2018.

Më vjen shumë keq, pasi nuk është as në edukatën dhe as në natyrën time, por më duhet të them se Ministrja jo vetëm tjetërson të vërtetën por edhe mashtron në lidhje me këto fakte.

Edhe për këtë rast, gjykata ka vendosur në favor të Rektorit, duke shfuqizuar vendimet e gjobave të vendosura nga Drejtori i Përgjithshëm i Arkivave (edhe ky, drejtues i porositur i qeverisë).

Ministrja citon që Rektorit të UT-sëiështë kërkuar urgjentisht funksionimi i sistemit informativ i Universitetit…dhe sipas saj,…”kjo është një shkelje e rëndë por edhe banale…se po flasim për vitin 2019…”

Sigurisht që është një shkelje e rëndë dhe banale, por Ministrja në këtë rast, i ngatërron vetë kompetencat e rektorit me ato të administratorit…

Mos i duket ministres se funksionimi i sistemit është një kompetencë akademike??? Nuk e di Ministrja që të funksionojë sistemi informatik kërkohet njëproçedurë prokurimi dhe tenderimi … Apo tenderat në këtë rast duhet t’i zhvillojë Rektori….

Edhe në rekomandimet e grupit të punës, (rekomandimi 3)Administratori i UT-s brenda muajit Shtator 2018ka përgjegjësinë institucionale për të vendosur në funksion të plotë sistemet informatike të Universitetit të Tiranës, në zbatim të rregullores “Për funksionimin e sistemit informatik në Universitetin e Tiranës” miratuar nga Rektori me nr. 317/1, datë 31.03.2014.

Çfarë është kjo zonja Ministre, një ngatërresë rastësore apo kështu duhet thënë??…në këtë mënyrë bëhet një“arsye tjetër e fortë” për të pezulluar Rektorin….

Dhe sipas Ministres, mosfunksionimi i sistemit informatik paskërka penguar nismat e Qeverisë në kuadrin e Paktit për universitetin (bursat, bibkioteka dixhitale…) gjë që nuk është aspak e vërtetë…kushdo që merr vesh sado pak nga teknologjia (dhe meqënëse është viti 2019, janë shumë në fakt), e kuptojnë se këto nuk kanë asnjë lidhje me njëra tjetrën…

Ministres i ka bërë përshtypje “mungesa e inisiativës” së Rektorit për të zgjidhur situatën… zonjaMinistre, si keni arritur në këtëkonkluzion?…

Çfarë duhet të bënte më shumë Rektori sesa të njoftonte dhe të kërkonte mirëkuptimin dhe mbështetjen e institucioneve më të larta tështetit shqiptar?.. dhe jo kuru ngritën studentët në protestë dhe qeveria dhe MASR “të kuptonin” se çfarë po ndodhte….por shumëkohë më parë sesa studentët të ngriheshin në protesta…. por fatkeqësisht, çfarë ndodhi???… institucionet jo vetëm që nuk reaguan dhe nuk bashkëpunuan por, përkundrazi, ato mbështetën dhe përkrahën paligjshmërinë e dekanëve në disa fakultete të UT-së, të ish-kancelarit, të Bordit të Administrimit, dhe të administratorit të institucionit….. dhe këtë e them me përgjegjësi të plotë.

Nuk ishte e nevojshme që të ngriheshin studentët dhe të artikulonin kërkesat e tyre që unë të kuptoja se çfarë po ndodhte….
Siç e thashë edhe me lart, unë kisha kohë që, në detyrim të ligjit dhe të atyre që më kishin zgjedhur për të drejtuar institucionin, kisha informuar të gjitha institucionet e shtetit shqiptar dhe isha përpjekur në mënyrë të vazhdueshme, me shkresa dhe komunikime zyrtare, të përsëritura, duke shpjeguar konkretisht, me nene dhe ligje të caktuara, shkeljet flagrante të ligjit nga ana e disa dekanëve apo tëish-kancelarit, të Bordit të Administrimit apo të administratorit aktual të institucionit.

Ministrja citon se nuk ka asnjë gjë tjetër në dorë për të zgjidhur ngërçin në Universitetine Tiranës, përveçse të pezullojë Rektorin e UT dhe të kërkojë nga Presidenti i Republikës shkarkimin e tij.…dhe kjo …. për t’i hapur rrugë reformës në UT….

Akademiku Artan Fuga akuzoi një grup deputetësh se kanë marrë në një mënyrë krejt arbitrare një dokument të përgatitur nga Akademia e Shkencave dhe e kanë depozituar në Kuvend si projektligj.

Ai shprehet se kjo deklaratë i është rrëmbyer nga dora Besa Shahinit, duke e cilësuar si të paaftë.

“Ata i rrëmbejnë nga dora iniciativën Ministrisë të Arsimit për shkak të paaftësisë të saj për të pasur guximin për të drejtuar procesin e reformimit të kërkimit shkencor, injorojnë konsultimin masiv që është bërë në departamentet dhe fakultetet e universiteteve të vendit dhe në mënyrë arbitrare krijojnë alibinë së marri ata vete një iniciativë ligjore pa pasur asnjë dijeni as për procesin e deritanishem dhe as për përmbajtjen e projektligjit që kanë depozituar. Me këtë veprim ky grup deputetesh injoron mendimin alternativ dhe as merr mundimin t’a konsultojë ate”, shprehet Fuga.

Akademiku e ka mbyllur fjalën e tij me një thirrje për gjithë institucionet, rininë apo dhe univeritetet.

“Unë kurrë nuk do të nënshtrohem prej tyre, ata mund të marrin zvarrë Edi Ramën, Besa Shahinin, Gramoz Ruçin, me ose pa dëshirën e tyre, por jo mua!

U bëj thirrje të gjithë intelektualeve të vendit dhe universitareve e kërkuesve shkencore t’i dalin zot vetes dhe te mbështesin një Shqipëri të vlerave, të dijes, sepse kjo Shqipëri që përpëlitet, ende nuk ka vdekur dhe nuk do te vdesi dot”, tha Fuga.

Deklarata e Akademikut Artan Fuga 

Deputetët që tërheqin zvarrë Besa Shahinin dhe Edi Ramën

(Me ose pas dëshirën e tyre)

Me ane te kesaj deklarate per mediat i drejtohem opinionit publik te vendit dhe veçanerisht komunitetit te kerkuesve shkencore dhe profesoratit te universiteteve te Shqiperise, studenteve dhe te gjithe intelektualeve per nje ngjarje qe e konsideroj te turpshme, fatkeqe dhe me pasoja te renda per vendin ku jane perfshire nje grup deputetesh te Kuvendit te Shqiperise.

Ne menyre krejt arbitrare ata kane marre ne ministrine e aresimit nje dokument te pergatitur nga Akademia e Shkencave e Shqiperise, qe eshte ne gjendje katastrofike, e rrenuar prej vitesh, e perfshire nga parazitizmi dhe harxhimi pa kritere e parave publike, dhe duke e paraqitur si iniciative te tyre ligjore, fshehurazi grupeve të interesit dhe komunitetit shkencor të vendit, e kane depozituar ne Kuvendin e Shqiperise.

Ky dokument i turpshem që eshte pikerisht ai i perjetesimi të stagnacionit ne Akademinë e Shkencave serviret gjoja si iniciative ligjore e këtij grupi deputetesh, të cilët nuk jane konsultuar me asnje grup interesi, nuk kane ardhur asnje minute te vetme per t’u konsultuar per gjendjen dhe perspektivat e shkences shqiptare, qe kurre nuk kane treguar asnje interes publikisht per shkencen dhe universitetet shqiptare.

Ata i rrembejne nga dora iniciativën ministrise te arsimit per shkak te paaftesise te saj per te pasur guximin per te drejtuar procesin e reformimit te kerkimit shkencor, injorojnë konsultimin masiv qe eshte bere ne departamentet dhe fakultetet e universiteteve te vendit dhe ne menyre arbitrare krijojne alibine se marri ata vete nje iniciative ligjore pa pasur asnje dijeni as per procesin e deritanishem dhe as per permbajtjen e projektligjit që kanë depozituar.

Me kete veprim ky grup deputetesh injoron mendimin alternativ dhe as merr mundimin t’a konsultoje ate.

Ju drejtohem universitareve te vendit, rinise dhe intelektualeve te Shqiperise duke i njoftuar per kete puç institucional te ndermarre dhe kryer, per nje kaos midis institucioneve te vendit qe merren me arsimin dhe shkencen, per ndërgjegjen dhe etiken e këtyre deputeteve te Kuvendit te Shqiperise, i drejtohem kryeministrit Edi Rama, i drejtohem edhe kryetarit te Kuvendit Gramos Ruci, duke denoncuar kete akt te paprecedent që merr neper kembe cdo konsultim paraprak ligjor per kuadrin rregullues te arsimit, shkences dhe akademise te shkencave e universiteteve.

Nje projekt ligj qe bie ne kundershtim me ligjet dhe parimet e demokracise, qe shkel te drejtat qytetare, që ligjeron rrembimin per pushtet dhe privilegje te nje grushti personash qe kane uzurpuar Akademine e Shkencave.

Pyetja ime eshte : A e kane pare keta deputete qe depozitojne iniciativa ligjore që ne fakt nuk jane te tyre vlerësimin e BE per kete ceshtje ? Apo BE eshte thjesht një alibi dhe jo nje pike orientuese per kombin shqiptar !

Nje grusht individesh kane shpallur tashme zgjedhjet per kryetar ne Akademine e Shkencave ku kryetari perseri do te behet nenkryetar dhe nenkryetari kryetar.

Me ane te ketij akti te ketij grupi deputetesh qe nje pjese e madhe e tyre nuk kane asnje lidhje as me komisionin e arësimit, shkencës dhe mediave te Kuvendit teShqiperise, ata po e cojne situaten, me ose pa pelqimin e kryeministrit te Shqiperise, Edi Rama, drejt pikes ku ai ate qe e quajti farse ne Akademine e Shkencave t’a konsideroje si reformim te saj.

Ta bejne me ose pa pelqimin e tij te pranoje si reformim farsen e farses, pra reformimin alibi, te lepije ate qe ka peshtyre, sikurse thote populli, duke e marre zvarre drejt nje projekti qe finalizon ne Akademine e Shkencave sundimin e konservatorizmit, dogmave dhe stalinizmit intelektual.

I drejtohem z. Gramos Ruçi nen pergjegjesine e te cilit ky grup deputetesh me fije qe shkojne deri afer tij, m’u përpara derës së tij, po kerkojne te mposhtin, marrin neper kembe, poshterojne komunitetin intelektual te vendit.

Eshte koha per t’i thene ndal ketyre veprimeve që tregojne krizen e thelle te institucioneve shqiptare, dhe marrjen neper kembe qe deputete te ndryshem, si edhe forca regresive në Akademinë e Shkencave, u bejne pedagogeve, krijuesve, intelektualeve te vendit, universitareve dhe gjithe opinionit publik intelektual per interesa egoiste per pushtet dhe trafik politik.

Une kurre nuk do te nenshtrohem prej tyre,

ata mund të marrin zvarrë Edi Ramën, Besa Shahinin, Gramos Ruçin, me ose pa dëshirën e tyre, por jo mua!

U bej thirrje te gjithe intelektualeve te vendit dhe universitareve e kerkuesve shkencore t’i dalin zot vetes dhe te mbeshtesin nje Shqiperi te vlerave, te dijes, sepse kjo Shqiperi që përpëlitet, por ende nuk ka vdekur dhe nuk do te vdesi dot.

Belinda Balluku, ministrja e Infrastrukturës dhe Energjisë, duke zëvendësuar Damian Gjiknurin, edhe pse ka vetëm disa muaj në krye të Ministrisë së Infrastrukturës dhe Energjisë, por pasuria e Belinda Ballukut është me të vërtetë marramendëse.

Vetë ministrja ka deklaruar 127 mijë Euro janë jashtë sistemit bankar. Makina me vlerë 42 mijë euro, 15 mijë dollarë, 15 mijë euro dhe 20 mijë dollarë. Një pjesë të pasurisë e deklaron në bashkëpronësi me ish-bashkëshortin Sokol Balla, ndërsa pjesën tjetër thotë se është pronare e vetme.

Nga viti 2013, Balluku ka drejtuar Agjencinë Kombëtare të Lundrimit Ajror të Republikës së Shqipërisë.

Në vitin 2004, Balluku ka filluar punë në Bashkinë e Tiranës, më vonë ka punuar si drejtore e kabinetit të Ramës në Bashkinë e Tiranës. Balluku deklaron se është pronare me 50 % e një shtëpie në Angli, të cilën thotë se e ka blerë me kursime, me vlerë 95 000 paund.

Po me kursime ka mundur të blerë një apartament në Tiranë me vlerë 37 922 euro. Ajo është pronare e vetme e një tjetër apartamenti me vlerë 97 500 euro. Këtë të fundit e ka blerë nga shitja e një apartamenti në Golem me vlerë 125 mijë euro.

Balluku thotë se është pronare me 50 % e një trualli me sipërfaqe 406 m2 dhe ndërtese 2-katëshe me sipërfaqe 106 m2 dhe një kat nën çati, blerë me kursime me vlerë 190 000 euro.

Ministrja e Ramës deklaron edhe 127 mijë euro cash jashtë sistemit bankar, por sipas ligjit, zyrtarët që deklarojnë pasurinë nuk mund të mbajnë shuma të tilla parash jashtë sistemit bankar.

Pasuria e ministres Belinda Balluku

Gjendje cash 127 000 euro.

Pronare me 50 % e një shtëpie në Britaninë e Madhe, blerë me kursime, 95 000 paund.

Apartament 98.68 m2 në Tiranë, 37 922 euro.

Pronare me 50 % e një trualli 406 m2 dhe ndërtese 2-katëshe 106 m2 dhe një kat nën çati, 190 000 euro.

Apartament 89.4 m2, 97 500 euro.

Balluku është ish-bashkëshortja e gazetarit të njohur Sokol Balla dhe ka punuar me Ramën si drejtoreshë e kabinetit në Bashkinë e Tiranës. Ajo njihet si një prej më të besuarave të Ramës, pasi ai i ka besuar disa poste të rëndësishme ku Balluku ka qenë drejtoreshë.

Ajo ka mbajtur edhe postet e drejtoreshës së AlbControl dhe e Aviacionit Civil.

/Syri.net

Rektori i pezulluar i Universitetit të Tiranës, Mynyr Koni nga studio e lajmeve në RTV Ora teksa komentoi vendimin e ministres së Arsimit, Besa Shahini u shpreh se ai e priste shkarkimin.

Koni tha se personalisht nuk kishte përplasje me kryeministrin Rama, por e kundërta, Rama ka përplasje me të, ndërsa theksoi se  Kryeministri flet pa fakte.

Koni: E prisja sepse donin të legjitimonin të gjitha problemet nga të gjitha strukturat. Unë nuk kam përplasje me Kryeministri ai ka përplasje me mua, për shkak të detyrës që ushtroj dalë nga zgjedhjet. Sulmi ka nisur në 14 shkurt 2018, kur kërkova pagesën e personelit, që ishte bllokuar. Kam dy veti: perfeksionin akadmik dhe menaxherial, kështu që Kryeministri flet pa fakte.

Sipas Konit vendimi i Shahnit është politik dhe i porositur.

Koni: Vendimi i zonjës Shahini është politik, me porosi të veçantë Argumentet që ka bërë janë vetëm trillime pa prova dhe pa fakte.

Koni i përgjigjet 4 dekanëve: Aleancë me qeverinë për të bllokuar Universitetin

Koni ka akuzuar 4 dekanët që mbështetën vendimin e ministres Shahini se janë në aleancë me qeverinë për të bllokuar punën në Universitet.

I ftuar në studion e lajmeve të RTV Ora, Koni tha se ata qëllimisht kërkojnë të krijojnë kolaps në këtë institucion.

Koni: Atëherë do të thotë se është e qëllimshme nga ish-drejtuesit e UT që kërkojnë të krijojnë kolaps në Universitet dhe unë nuk e kam lejuar dhe të vazhdoj ta mbroj dinjitetin e UT.

Dekanët kanë mbi dy vjet që vazhdojnë me tentativa të ndryshme për të bllokuar institucionin dhe këtë bllokim ja faturojnë Rektorit të UT. Sot ishte një provë e qartë se dalja e tyre për të mbështetur vendimin e zonjës ministre një aleancë e pastër mes ministrisë, qeverisë dhe ish-drejtuesve të UT, kësaj kaste që duan ta bllokojnë Universitetin e Tiranës.Unë sa kohë të jem në këtë detyrë do të bëj të pamundurën të mbroj këtë institucion. 

Akuzave për shpenzime luksi, rektori i pezulluar Mynyr Koni thotë se kryeministri Rama le ti kërkojë në të tjera institucione. I ftuar në RTV Ora, ai tha se rektori i Universitetit të Tiranës nuk është paguar për punën që ka kryer.

Mynyr Koni: Rektorit të Universitetit të Tiranës nuk i është paguar paga për punën që kryen dhe nuk bëhet fjalë për shpenzime të tjera. Ato lukset kryeministri të shkojë t’i gjejë në institucionet e tjera, ose në rektorët  paraardhës. Janë të vërtetuar dhe me prova në institucionin e UT. Rektori i UT bllokohet në lëvizje të detyrueshme ndërkombëtare, nuk i mbulon shpenzimet. Sa i përket akuzave të kryeministrit, i jam përgjigjur, por në përgjigje të drejtpërdrejt Rama është larguar dhe unë kam zgjedhur statusin në FB për të dhënë shpjegimet e mia.

Reagimi i PD

Ish-deputetja e Partisë Demokratike, Albana Vokshi ka reaguar ashpër pas urdhrit të Ministres së Arsimit, Besa Shahini, për pezullimin e Rektorit të Universitetit të Tiranës, Mynyr Koni.

Në reagimin e saj Vokshi shkruan se atë që Rama nuk arriti ta bënte me Shullazin para 3 vjetësh po e bën sot me Besa Shahinin.

Postimi i plotë i Vokshit

PEZULLIMI I REKTORIT TË UNIVERSITETIT TË TIRANËS CËNON RËNDË AUTONOMINË UNIVERSITARE

Atë që Rama nuk arriti të bënte para 3 vjetësh me Shullazin, ka vendosur ta bëjë tani nëpërmjet Ministres së Arsimit Besa Shahini.

Pezullimi dhe kërkesa për shkarkim e Rektorit të Universitetit të Tiranës është antikushtetuese! Ajo bie ndesh me nenin 57 të Kushtetutës së Republikës së Shqipërisë dhe nenin 3 të ligjit për Arsimin e Lartë, që garantojnë #Autonominë #Universitare.

Edi Rama nuk shqetësohet aspak për ligjet që shkel vetë çdo ditë ai dhe ministrat e tij për të vjedhur qytetarët dhe për të dhunuar të drejtat e tyre.

Edi Rama është hipokrit. Shqetësimi i tij i vërtetë nuk është shkelja e ligjit, sepse ai e ka lënë vendin pa Gjykatë Kushtetuese dhe pa Gjykatë të Lartë funksionale. Edi Rama kërkon të uzurpojë çdo pushtet, si çdo i ngjashëm i tij autoritarist, i korruptuar dhe arrogant.

Edi Ramës nuk i intereson aspak mirëfunksionimi i universitetit më të madh në vend, sepse nuk e ka pasur asnjë moment arsimin prioritet.

Qëllimi i vetëm është largimi me të gjitha mjetet dhe format i çdokujt që atij i bëhet pengesë dhe më tej, interesi i tij është të marrë kontrollin edhe të Universitetit më të madh në vend, duke vënë në krye militantë politikë.

Urdhri i Ministres Shahini për pezullim të rektorit Mynyr Koni minon #autonominë #universitare dhe dëmton rëndë këtë institucion kaq të rëndësishëm për jetën akademike në vend.

Autonomia universitare duhet mbrojtur me çdo kusht për të mos e lënë edhe Arsimin e Lartë, edhe jetën akademike në duart e një Kryeministri që kontrollon gjithçka tjetër: Gjykatat, prokurorinë, mediat dhe të ashtuquajturën shoqeri civile.

Thirrja ime është për studentët dhe pedagogët që të bëj ë rezistencë kundër të keqes me emrin Edi Rama, qe e ka burimin tek blerja e votës dhe mosdhënia e llogarisë.

Ish-deputeti i PD, Kleves Balliu u shpreh gjatë fjalës së tij në protestën e banorëve të Unzës së Re; “Luftë do Rama, luftë do të ketë”!

Ndërsa babai i Dorian Protoduarit, një prej të arrestuarve gjatë protestave të opozitës, i ka bërë thirrje Prokurores së Përgjithshme që të mos bëhet vegël e Edi Ramës, i cili pasi ta shtrydhë do e hedhë në rrugë. 

“Edi Rama kështu ka vepruar, mos u bëj si Sandër Lleshi që është kthyer në një vegël e Edi Ramës. Liro të arrestuarit që mban në burg pa asnjë provë, ata kanë protestuar, por s’kanë shkelur asnjë ligj.

I bëj thirrje organizatorëve të PD-së që të reagojnë më ashpër, nëse Edi Rama kërkon luftë, luftë do të ketë. Ne na kanë në krah, popullin e kanë në krah, ne nuk durojmë dot më”, tha babai i Dorian Protoduarit.

Ndërsa ish-deputeti Klevis Balliu tha se gjykatat dhe prokuroritë janë politike.

“Dorian Protoduari dhe Mariglen Doçi janë kapur për të njëjtën vepër penale, sot Marigleni është liruar, por Dorin nuk e liruan.

Duhej që ata të liroheshin pa u mbajtur asnjë orë në burg, pasi as nuk vranë njeri, as nuk vodhën, thjesht protestuan.

Ata e urrejnë unazën, pasi këtu nisi shkëndija e protestave”, tha Balliu. Sipas tij, në qelinë që sot mbahet Dori, do të shkojë Lleshi dhe Rama.

Banorët janë shprehur se masakra të tilla kundër qytetarëve nuk janë bërë as nga Karaxhiçi dhe Millosheviçi.

Vetëm policia e shtetit shqiptar, jo të gjithë, por 30 % e tyre, janë shumë të zellshëm për të helmuar popullin me gaz lotsjellës, mbase i kanë premtuar shtëpi apo pasaporta diplomatike, por ta dinë mirë se nuk kanë burgje për të futur të gjithë njerëzit në burg, tha një prej protestuesve.

Ai i bëri thirrje policisë që të tregohet e kujdesshme në Unazën e Re, pasi nëse shkojnë si kafshë atje, do të kthehen si varreza.

“Dikush do të paguajë për këtë që na bënë ne, turp për ndërkombëtarët, turp për qeveritarët që kanë vjedhur këtë vend.

Palaçot e Europës që vijnë në Tiranë flasin nëse ngacmohet një homoseksual, ndërsa ne që na gjakosin nuk i shohin.

Palaçove të cirkut që vijnë në Tiranë iu ka mbyllur gojën qeveria, po me çfarë u aka mbyllur me dollarë apo me euro”, tha një prej protestuesve.

O Damian Gjiknuri që i puth këmbët Gurusë, o Elisa Spiropali ku i gjete ti paratë, o Arta Marku pse e mban në burg Dorian Protoduarin, do të të vijë turp nga fëmijët e tu kur të rriten, ishin disa nga thirrjet e protestuesve në protestën e Unazës së Re.

Banorët e Unazës së Re kanë nisur protestën e tyre në mbrojtje të banesave që rrezikojnë të shemben nga një projekt i qeverisë që synon zgjerimin e rrugës.

Banorët janë shprehur se masakra të tilla kundër qytetarëve nuk janë bërë as nga Karaxhiçi dhe Millosheviçi.

Vetëm policia e shtetit shqiptar, jo të gjithë, por 30 % e tyre, janë shumë të zellshëm për të helmuar popullin me gaz lotsjellës, mbase i kanë premtuar shtëpi apo pasaporta diplomatike, por ta dinë mirë se nuk kanë burgje për të futur të gjithë njerëzit në burg, tha një prej protestuesve.

Ai i bëri thirrje policisë që të tregohet e kujdesshme në Unazën e Re, pasi nëse shkojnë si kafshë atje, do të kthehen si varreza.

“Dikush do të paguajë për këtë që na bënë ne, turp për ndërkombëtarët, turp për qeveritarët që kanë vjedhur këtë vend.

Palaçot e Europës që vijnë në Tiranë flasin nëse ngacmohet një homoseksual, ndërsa ne që na gjakosin nuk i shohin.

Palaçove të cirkut që vijnë në Tiranë iu ka mbyllur gojën qeveria, po me çfarë u aka mbyllur me dollarë apo me euro”, tha një prej protestuesve.

O Damian Gjiknuri që i puth këmbët Gurusë, o Elisa Spiropali ku i gjete ti paratë, o Arta Marku pse e mban në burg Dorian Protoduarin, do të të vijë turp nga fëmijët e tu kur të rriten, ishin disa nga thirrjet e protestuesve në protestën e Unazës së Re.